تجاربي مع كل ادويه الاكتئاب الي اخذتها
 

اول دوا بروزاك قبل ١١سنه اول ماخذته كل نوم وبعد فتره مدري كم حصل تحسن بسيط وبعدها تركت العلاج لاني مومتقبل اني اخذ ادويه نفسيه وبعدها انتكاسه ورجعتله وماعاد في تحسن رفعنا جرعات مافي فائده
وبدت مرحله تغير الادويه مابقا دوا ماجربته
سبرالكس فاشل واحس أنه يزيد الاكتئاب
سيروكسات لعين ويسبب دوخه مخيفه
زولفت اول لوسترال ماحس باي نتيجه معه
افكسور يسبب احتباس البول تكرمون ومارتحتله
ولتبرين يسبب عصبيه لي شديده ومافي نتيجه
ريمرون الوحيد الي له نتيجه للنوم فقط
فافرين بطئ المفعول ومشفت نتيجه معه وسببلي دقات قلب قويه
ترازدون هذا دوا قديم جربته بجرعه ١٠٠ ومفيد فائده ومره جربته بجرعه ١٥٠ وحصل تحسن غريب وخلص العلاج ويوم رجعتله ذهب التحسن اعتقد لو ماخلص العلاج وستمريت كان حصل تحسن واضح لاكن للاسف
انفرانيل يسبب جفاف فم ومامنه فائده
وش بقا بعد اعتقد هذي كل مضادات الاكتئاب الي جربتها
اضافه للمدعمات ادويه الذهان لامكتال ابلفاي سركويل ديباكين
والنتيجه الحاليه هبوط للمزاج لأعلى درجه مالي خلق لاي شي بالعافيه اسوي اي شي احلق اروح مشوار اشتري اغراض يعني ماعندي نشاط وحيوية الإنسان الطبيعي كسلان خامل لاامارس حياتي بشكل طبيعي ولاهوايات ولا استمتاع بالحياه
وكله بسبب الاكتئاب الملعون الي يسلب طاقتك ويجعلك جثه هامدة بالكاد تتحرك
ولا ادري متى الخلاص من هذي المعاناه القاتله
فالنفس ملت من طول الصبر

الله يشفيك ويشفينا اخ صبري اكثر وقت اخذته لخلطه علاجيه ثابته كم كان وقتها سنه سنتين ثلاثه !

شهرين تقريبا واوقات اقل لان مش معقول انتظر على علاج سنه وماتدري يفيد أو مايفيد طبعا اتكلم عن تجربتي انا غيري له طريقه ثانيه
لاكن انا امل بسرعه ماتحمل ابي التحسن بسرعه

عشان كذى لك فوق عشر سنين تعاني اصبر على اي علاج ست شهور خاصه المضادات المعروفه وباذن الله بتلقى العافيه مثلك مثل غيرك اما سالفة شهر شهرين وين وصلتك لم تستفد من اي علاج وراح عمرك معاناه

يعني هل في غيري تحسن ؟
انت وش تاخذ اخوي لحظه ادويه حاليا
انا الي اشوفه الاغلب مو مرتاح مع الادويه

الان افكسور 225 وتربتزول 50 ولامكتال 100 والحمد لله لي سنه والوضع جدا تمام وكان التحسن بالتدريج مع الصبر الصبر على العلاج

كم ساعه النوم هل حصلك احتباس فالبول اكرمكم الله من افكسور هل سبب ضعف جنسي هل التحسن جا بعد اضافه لامكتال بمعنى لو تترك لامكتال هل ستمشي الامور تمام وهل حصل التحسن بعد رفع الجرعه ل٢٢٥ يعني قبل ماكان في تحسن نورنا الله ينور عليك

يااخي سواء افكسور او غيره امشي على خطة علاج الطبيب واصبر اصبر على اي علاج بتلقى عافيه اما بطريقتك هاذي ماراح توصل للعافيه لانك تتخبط بين الادويه وسلامتك

https://m.youtube.com/watch?v=eepZhVBQ1TA

الله يهديك انت مشكلتك ماصبرت على السبراليكس

السبراليكس بالبدايه يزود الاكتئاب والقلق خذ معاه مهدئات مثل دوجماتيل واندرال اسال طبيبك عنها واستشيره فيها

السبراليكس لايسبب احتباس سوائل ولا اي مشكله يمكن يزود الوزن اذا عندك قابليه فقط

انا صبرت عليه 6 شهور وشفت نتائج مبهره

ورفعلي الجرعه ل 20 الان اختفت جميع الاعراض انسان طبيعي ٪100

لحظه حلوه لوتكرمت جاوبني على الاسئله اسئله مهمه كتبتها

باتشي اخوي بامانه هل سببلك ضعف جنسي
وهل كنت تاخذ قبل ١٥ ولا١٠ وزادها ٢٠ على طول
والله مشكله الواحد يصبر ٦ شهور وهو يعاني على ماتبان النتيجه

ايه لازم تصبر وتعاني من ناحية الجنس سبب صعف ولكن العافيه اهم

انا لله و انا اليه راجعون اللهم اجرني في مصيبتي واخلفلي خيرا منها

الله يسهل الامور ويدبر لنا الافضل

طيب انت مافادتك الادوية .. لكن غيرك يمكن تفيدهم ! الله يشفي الجميع

حبيبي صبري

انا نصحتك في السابق وارجع اعيد النصيحة لك
ولأني اعلم حالتك جيداً سأذكر مجموعة ادوية
بعد مشاورتك لطبيبك أبدا بأستخدامها

1- لوسترال 150mg أي ثلاث حبات
2- ويلبوترين 300mg
3- سيروكويل 200mg

والآن سأذكر لك لماذا ذكرت لك هذه الأدوية

الويلبوترين يعمل على النورادرينالين والدوبامين
اللوسترال يعمل على السيروتونين فقط
السيروكويل يعمل على توازن الموصلات العصبية

بهذا أنت حاصرت الاكتئاب من كل الجهات بيولوجياً
لأن كل الدرسات تشير بأن هذه الموصلات الثلاث
هي السبب الرئيسي في مرض الإكتئاب

يعلم الله إني أحبك في الله اخوي صبري
لذلك أسعى جاهداً لمساعدتك بعد إذن الله

تمنياتي لك بالتوفيق