الله يرفع عنكم كل مرض ادخلوا و ساعدوني
 

‏انا خايفه اخذ الدواء و اجيب المرض لنفسي وبعدين اقول ياااليت مااخذته .
‏خاااايفه جدا ان لمن أتركه يرجع لي الوسواس بشكل أعنف لان الآن احس وسواسي محتمل وممكن اتعايش معاه من دون ادوية خايفه أجيب البلاء لنفسي بعدين واضطر بعدين للادوية غصببب او بعد مااتركه يجيب لي امراض ماكانت فيا زي الاكتئاب والهلع لان لمن قطعت الانافرانيل فجاة زاد عليا الوسواس وجاني اكتئاب وانا مو فيا ، والان بس امس اخذت حبة لوسترال خمسين واليوم مااخذت لمن صحيت من النوم حسيت بكتمة ومو قادرة اتنفس وقلق!! و هذا الشي لاحظته في تجاربي السابقة مع الادوية لمن أجي أتركها تبقى ذي الحالة فترة وتروح اخاف ذحين بعد مااستمر في العلاج واتركه تجي ذي الحاله وماعاد تروح واندددم حياتي اني في يوم استعملت دواء ومااتحملت وسواسي البسيط باااالله تجاااربكم ياللي تركتوا الادوية اش صار لكم بعدها باااالله الله يخليكم ويرفع عنكم كل مرض ويجعلكم من كل هم فرجا مثل مابتفرجون عني بردودكم بالله ابغى ردود كثيييرة ابغى تجارب ونصايح كثييرة وتساعدوني في قراري

تركت العلاج بالكامل لمدة سنة تقريبا أو أكثر شوي ما أذكر بالضبط و بدون أي مشاكل و كنت مرتاح جدا، بعدين صارت حالة وفاة لشخص في العائلة الله يرحمه، بعد هذه الحادثة ظهرت أمراض عقلية و نفسية إلى السطح بشكل قوي جدا جدا و ضاعت سنتين من حياتي عاجز عن القيام بأي شيء فقط كنت آخذ الدواء بانتظام و الحمد لله تحسنت حالتي لكن ليس للدرجة التي كنت عليها قبل المرض.

مشكلة الأمراض النفسية و العقلية إنها بالإضافة إلى المعاناة المستمرة فهي تضيع الوقت و الوقت ثمين في حياة الإنسان و اللحظة التي تمر مستحيل ترجع، هذا رأي في الموضوع و أنا مع استخدام الأدوية لأنها تخفف من أعراض المرض و تعطي الإنسان بعض الوقت حتى يعيش حياته بسلام مثل بقية البشر، الدواء سبب من الأسباب و كل شيء بإذن الله سبحانه و تعالى.

اي والله ياداني ضاع وقت كثير كثير عمر راح مو وقت بس

عظم الله اجرك .. انا اسفه😞

طيب الامراض النفسية والعقلية اللي طلعت كانت بسبب الدواء؟؟
اش كان مرضك الاول اللي اخذت العلاج له سنة؟

أجرنا و أجرك أختي الكريمة، و لا أراكم الله مكروها في عزيز لديكم.

كان مرضي الأول الفصام بس ما كان عندي اكتئاب، المهم كنت آخذ أبيليفاي و سيبرالكس و تركتهم بعد فترة و عشت أيام سعيدة مثل الحلم حتى صارت الوفاة المفاجئة و هذا الشي غير نظرتي للحياة، بالإضافة للفصام و الاكتئاب الشديد صار عندي وسواس قهري و دائما أستعيذ بالله من الشيطان الرجيم.

بعد رحمة الله سبحانه وتعالى و استخدام الأدوية بشكل منتظم و الصبر تحسنت حياتي بدرجة مقبولة إلى جيدة، إذا كان الوسواس القهري شديد يعيق حياة الإنسان فالعلاج أفضل من الانتظار و هذا مجرد رأي و القرار في النهاية لك أختي.

مادام انك سبق جربت الادوية فخلاص عادي خوذيها مره اخرى فهذه ليست اول تجربة لك معها علشان تخافين منها ومن التعود عليها او اضرارها .

والقرار اولا واخيرا انت من يحدده ..

انا كثير جربت ادويه لاكن مااستمر اتكاسل عنها واتركها

الله يشفيناا

مو عشان جربت الانافرانيل ولمن تركته فجاة زاد عليا الوسواس وجاب لي اكتئاب وقريت تجارب لناس انهم بعد ترك العلاج رجعت حالتهم اشد وجاتهم امراض ماكانت فيهم اصلا وواحد من الاعضاء هنا كان فيه قلق بسيط وبعد ماترك العلاج فجأة جاه الوسواس القهري!!
انا بس ابغى اجابة لذي النقطتين :
1- خايفه ترجع حالتي اشد واصير ماضطر للدواء مو زي ذحين ممكن اتحمل الوسواس
2- خايفه بعد تركه يجيب لي اكتئاب او هلع

جاوبني بالله بخبرتك او اطلاعك على تجارب ناس تركوا العلاج اكثر مني او انت بنفسك جربت تترك العلاج