ايفكسور و الصداع
 

سلام

احس راسي يبى يتفجر من الصدااااع

كنت اخذ ١٥٠ ملغ والحين من ثلاثة أيام ٧٥ ملغ

واحس الصداااع بيطير عيوني واذاني

هلا حمودي ، طيب يعني لانك خفضت الجرعه جاك الصداع ?
طيب اذكرك ماشي على سيروكسات ليش غيرته واخذت افيكسور
المهم جرب خذ بروفينال اكس بي ، مو بروفينال العادي ، اشوفه من افضل المسكنات بالنسبه لي ويالنسبه لناس جربوها اعرفهم ، بس احيانا الصداع اللي من الادويه ما يروح بسهوله تحس انه ناشب لك بقوه برغم المسكنات
الله يشفيك ويعافيك ويبعد الالم عنك

من وصفك واضح انه صداع قلقي ويمكن انه نتج من تخفيف الجرعه

بيزول ان شاء الله ولمن تحتاج صبر فقط وجرب المسكنات

هذي من اعراض الافيكسور الانسحابية البائسة فهذا الدواء سيء السمعة وعليه قضايا مرفوعة في المحاكم من كثير من المستخدمين بسبب اعراضه الانسحابية الهائلة
حاول تدور افيكسور ممتد الافراج XR وافتح الكبسولة وتلاقي فيه حبتين من عيار 75مج بحيث انك تاخذ كبسولة ونصف كبسولة لمدة اسبوع ثم تتدرج في ايقافه بهذه الطريقة

هلا اخواني

الوردي حمد لله على سلامتك

ماندوزا والله اتوقع مت الافيكسور

هلا اخوي الباس سمعت عنها ولكن متخوف

ياخي لا تخاف ولا شي الادوية النفسية كلها لها اعراض انسحابية ولكن تختلف شدتها من دواء عن غيره فالسيروكسات والافيكسور مشهور عنها السمعة السيئة في الاعراض الانسحابية لأنها عمرها الافتراضي في الدم قصير جدا عكس البروزاك والسبراليكس
وايضا حتى شرب القهوة والتدخين عند تركها مباشرة لها اعراض انسحابية وهذا شيء طبيعي لأنها لها عمل مثبط للجهاز العصبي
وانت طبق اللي قلته لك افتح الكبسولة عيار 75مج وتلاقي فيها حبتين بيض ابلع حبة منها عيار 37.5 + كبسولة عيار 75مج لمدة اسبوع ثم بعد اسبوع قلل العيار الى 75مج ثم الى 37.5 وصدقني ما بتحس بأي اعراض الا بشكل بسيط جدا

الله يسلمك يا غالي

فتحت الحبة ولقيت حبيبات صغيرة كثيرة

الله يسلمك ويعافيك حمودي ، طهور باذن الله

الله يكون بعونك اخوي محمد وقدامك العافية

استخدم المسكنات والمهدئات ممكن تفيدك او تخفف الصداع

سلامات وماتشوف شر يالدوسري

لكن ليش خفضت الجرعه

الله يرفع قدركم على راسي والله الجميع

خففت الجرعة لاني اخذ سيروكسات ٥٠ ملغ وابي أتخلص من الافيكسور

تسلم يا محمد انا اقصد الافيكسور المطور اللي اسمه (فيكسال XR ) ممتد الافراج هذا اذا فتحت الكبسولة تلاقي حبتين بيض وليس حبيبات صغيرة عيار الحبة الواحدة 37.5 مج خذه من الصيدلية او روح مستشفى الامل ويصرفونه لك

ممكن صحيح كلامك بسبب الاثار الانسحابية ولكن هذا لايعني ان الافيكسور دواء سيء, فمثلا السيروكسات ايضا مرتبط بأثار انسحابية صعبه ولكن لا احد ينكر فعاليته وبالاخير كلها تعتمد على حسب الفرد وقابليته هو وجسمه للدواء

وما انصح صاحب الموضوع انه يسوي نصيحتك الا بعد مايستشير طبيبه الخاص ولو مايتابع مع طبيب يسير يستشير اي طبيب نفسي قبل لاياخذ اي اجراء على محمل الجد.

أخي الحبيب
لسلامتكم يمنع وصف الادويه
الاداره

بارك الله فيك يا غالي

ان شاء الله