ان صار زود المال بيدين الانذال
 

ان صار زود المال بيدين الأنذال حنا من المعروف تندا يدينا
وان كانهم شرهو على طيب الافعال حنا وردنا جمها وارتوينا

وان فكرو للجود يمشون رحال حنا قبل يخطون يمه خطينا
ياما شربنا للشرف كل سربال وعلى البسيطة للفضيله مشينا

في دوحة العربا لنا مجد وظلال وحنا على در المكارم غذينا
لو نجمع اللي فات منا من المال لن كان شيدنا القصور وبنينا

نعطي ولانتبع عطانا بالأقوال ونبذل ونسكت كننا ماعطينا
وان باعو الشيمه بدينار وريال حنا دخلنا سوقها واشترينا

نطلع لها لو هي على روس الأقذال لو هو عسير ٍ دربها ماثنينا
بافعالنا نرسم دروب ٍ للاجيال ليا نساها غيرنا مانسينا

اسود سادات تسجل للأشبال فضايل شمنا لها واهتدينا
بيض ٍ نسجلهن جديدات وسمال حفايظ لاحفادنا اللاحقينا

نصبر على الشدات لو شيلنا مال لو سال دم دفوفنا ماشكينا
نخاف يلقى سدنا كل ختال ويبني هزيلات المعاني علينا

الليل ياخالد على والدك طال وهنيت ناس بالكرى نايمينا
ياعز راسي شفت ماخبث البال شي يهول شيب الجاهلينا

شي من اسبابه يشيب بالأطفال فطر خشوم مهجرعات الحنينا
ادير قالات عريضات واطوال قالات خلن المخفى يبينا

منهن رزين العقل بالوقت يهتال الوقت عبوس ٍ فطن الغافلينا
وقت ٍ من اسبابه شكا كل ريبال نصبر ونسكت كننا غايبينا

الناس بالأيام راحل ونزال وتفجعهم الدنيا وهم دالهينا
وحياة رب نزل ايات الانفال عالم خفايا نية الحاقدينا

ماترك طريق العدل في كل الأحوال لو يرحل المريخ للفرقدينا


للشاعر الأمير محمد الأحمد السديري خال الملك سلمان بن عبدالعزيز آل سعود الله يطول يحفظه بعمره

سعيد رشيد انت وين ساكن


وابي اتواصل معك ضروري ابيك

مع العلم مامعي جوال



ابي اتواصل معك باللابتوب حقي



عطني اي طريقه اتواصل معك