تكفون يااهل الخبره ايش الي يسير لي
 

السلام عليكم
انا استخدم سيبراليكس 10غرام لمدة اربع سنين وبعدها خففت الحرعه الي 5غرام لمدة خمس شهور وحصلت لي انتكاسه ورجعت الي 10غرام وحاليا لي شهر
سؤالي انه بعد رفع الجرعه فقدت الشهيه تمام في الاكل واكل بالغصب واحس بضيق في المعده وضيقه
هل هاذا طبيعي بعد العوده للسيبراليكس ولا ايش المشكله
لما كنت استخدمها زمان كان شهيتي مفتوحه ووزني زاد وحاليا العكس
خاااايفه ايش فيني تكفون اهل الخبره علموني

حياك الله
طبيعي جدا وعادي وكل هذي الاعراض راح تختفي مع الوقت
لاتشيلين هم وانا اخوك
كثير اللي صار لهم مثلك
قدامك العافيه باذن الله

انا زيك اختي اميره لي شهر واسبوعين وباقي شهيتي مغلقه وبعض الاعراض وحسب كلام الدكتور والاخوان مع الوقت ان شاء الله يتفاعل الجسم ويرحع لطبيعته زي اول

الله يجزاك الجنه طمنتني

تسلمين حبيبتي الله يشفينا يارب

امين قلبي باذن الله فتره وتزول

اخذي دواك بعد الاكل لاتاخذينه على معدة فارغه

طمنيني عليك اختي اميره كيفك الحين

الله يجزاك خير يابو فهد عالسؤال
ايه والله الحمدلله اني تحسنت ومرتاحه ومستمره على سيبراليكس 10جم
تمر ايام يجيني نعاس قوي ولازم انام رغم اني نمت قبلها زين لاكن تاقلمت مع الوضع دام مافيني لاخوف ولا هلع يارب لك الحمد والشكر.

بخير ربي يسلم قلبك الشهيه ماهي ذاك الزود بس الحمدلله احسن من اول واحس اني بديت اجوع واحس معدتي ارتاحت بس الامساك شوي متعبني
الله يسعد قلبك عالسؤال

احيانا العلاج اذا نجح معك اول مرة ماهو شرط ينجح معك ثاني مرة
وبالنسبة للشهية اطلبي من الدكتور يعطيك علاج يفتح شهيتك مثل لوديوميل او زيبريكسا وخذي مضادات حموضة زنتاك او اوميبرازول لمدة اسبوع او 10 ايام الين ما يتعود جسمك على العلاج وبعدين اتركيها
واذا ما حسيتي بتحسن بعد شهر او شهين بحد اقصى غيري السبراليكس وشوفي علاج ثاني غيره من نفس فصيلته

لا بينجح معها ان شالله انت لاتخوفها يااخوي انا تركته مرتين وكنت احسبني ماراح اشفى والحمدلله رجعت طبيعيه الفرق بس ان الفتره تطول كل ماقطعه الواحد ورجع له

انا ما اقصد تخويفها ولا شي ومضادات الاكتئاب انواعها كثيرة جدا وما بتنتهي الدنيا على السبراليكس لأنه ماهو شرط اللي يفيدك يفيد غيرك وماهو شرط العلاج اذا فادك اول مرة يفيدك ثاني مرة وكل انسان له طريقة معينة في استجابته للدواء النفسي تختلف عن غيره
وفيه ناس كتبو انهم استفادو من الفافرين في علاج الرهاب الاجتماعي رغم ان الفافرين ماهو مخصص للرهاب اصلا وهكذا كل انسان له ستجابة تختلف عن غيره من علاج لعلاج
انا بالنسبة لي استخدمت فافرين وفادني اول مرة وبعدين تركته ورجعتله مرة ثانية وما استفدت شي منه وغيرته بعلاج ثاني

والشاهد من كلامي ان عمر الانسان غالي ولا يقعد يضيع عمره ويصر على استخدام علاج واحد والبدائل كثيرة جدا في السوق
والمفروض اي واحد اذا استمر على العلاج بنفس الجرعة لمدة شهرين كحد أقصى ولا شعر بالتحسن يغير علاجه لنوع ثاني ولا يضيع وقته وعمره لأن العمر اذا راح ما يتعوض