نفساني - ليتني مثل الطيور السابحه في سمـاها وين ما تبغى تطير

كـل ساعه مـن حياتك رايحه ** ما يرجعها لـك المال الكثير
ويش جاب اليوم مثل البارحه ** الزمـن يمشي على سلك الحرير
ليلـهٍ تخسـر وليلـه رابـحه ** والهنا لا يخدعـك عـهده قصير
وانت يا شايـل هـمومٍ فادحه ** خـل في صدرك سعد وابشر بخير
صـفحـه الايـام ماهي واضـحه ** بقدرة الله ما توريك المصير
ليتني مثل الطيور السـابحه ** في سمـاها وين ما تبغى تطير