ماقبل النوم يجتاحني الخوف والاختناق
 

السلام عليكم ورحمة الله وبركاته

بطبيعتي موسوس وتوني رتحت من الوسوسه لي 5 ايام
ويوم قررت اسافر خارج المملكه وباقي عن سفرتي تقريبأ 7 ايام جاني قلق وخوف وكل شوي اقول بلغي الحجز مع اني دفعت مبلغ كبير حجز وسكن واحس اني ندمان اني حجزت لان رجعلي الوساوس . طول يومي رايق مع شعور خفيف بالقلق بس يجي وقت النون بسم الله اتغير واحس اني خايف كل ماغفي اصحى احس اني اختنق وانقز من النوم وقول هذي منيتي وكل مانام واغفي افزز من النوم مخنوق ادور انفاسي ماادري هذا من شنو تكفون ابي تطمنوني وتشجعوني لاني مابي اوسوس وانا بالطياره لان رحلتي 6 ساعات تكفوون الفزززعه

ما ترى باس

انا عندي وسواس و قريت كثير بهالموضوع
التطمين ونا اخوك حل مؤقت ما يعالج المشكلة
افضل حل للوساوس انك ما تناقشها و لا تحاول تتمخض فيها لانها تكبر
الحل هو تسخيفها (يعني تقول بنفسك ...هذي وساوس تافهة ماراح أفكر فيها)

و اقترح تشوف معالج سلوكي و الله يقومك بالسلامة
اذا رحلتك هامة ممكن تطلب من دكتور يكتب لك مهديء للأوقات الحرجة

مشكور على ردك الطيب شرايك ب حشيشة القلب او عشبة اقسيس يمدحونها

ما عندي معلومات عن حشيشة القلب (عندك الاسم بالإنجليزي؟)
عشبة اقسيس ماعرفها الا اذا تقصد القديس جونز

ع العموم العلاجات الحديثة مركزة و مجربة و اضمن