|
قلق تحول إلى وسواس
أهلاً ..هذا اول موضوع لي
طول عمري أعاني من قلق عام و شخصية وسواسية ....أمارس عملي بشكل طبيعي لكني منعزل في البيت في الفترة الأخيرة تعرضت لبعض الضغوطات و تطور الموضوع عندي لوسواس المرض...الان صرت اتهيأ عندي مرض خطير و احس كل أعراضه منطبقة علي و صاببتني نوبات هلع و امتنعت عن الدوام كم يوم زرت طبيب نفسي وصف لي بروزاك و زاناكس 25 مغ لي الحين أسبوعين على العلاج و الدكتور يقول لازم يأخذ وقته لكني أعاني مع نوبات الهلع و الزانكس ما ينفع معها و الخوف و القلق مستمر و طريقة تعاملي مع اللي حولي تغيرت و صرت خايف اطلع و مكتئب بشكل كبير ادري اللي فيكم كافيكم و ما كتبت هالكلام الا عشان أشاركك بمعاناتي سؤال: هل فيه علاج مفعوله سريع لنوبات الرعب و الخوف الشديد جديداً اللي تجيني؟ اقبلوني اخ جديد لكم |
الاعراض دائما في البدايه تزيد وتختفي مع الوقت باذن الله
الزانكس اللي صرفه دكتورك ربع ؟ يعني 0.25 ؟ |
اقتباس:
اول شي اسمح لي أشكرك اخوي بن دايم على تفاعلك الدايم و حرصك على المساعدة بالنسبة لمشكلتي القلق يتزايد لأني بديت احس انه بيأثر على مستقبلي ...يعني لي كم يوم خايف أداوم و بالذات نوبة الهلع تكون أقوى شي اول ما اصحى من النوم الحمدلله على كل حال |
بالنسبه للبروزاك يحتاج وقت حتى يبين مفعوله باذن الله الواجب عليك انك تتحمل هالفتره بس
الزانكس 0.25 حبه وحده ماتكفي انا دكتوري وصف لي زمان نص ملي قالي خذ وحده اذا مانفعت خذ الثانيه استشر دكتورك وباذن الله قدامك العافيه واي سوال او استفسار انا هنا لخدمتك |
اقتباس:
حسيته مشغول و وماعطاني وقت كل الأطباء المعروفين حجزهم بالشهور و انا حالتي كانت مستعجلة فرحت للمتاح الْيوم اخذت ربع حبة و ما سوت شي و نوبة الهلع و الوسواس كان قوي فزدت الجرعة و ارتحت شوي كان ودي أراسلك و اعرف من دكتورك لكن لأني جديد مالي صلاحية الرسائل مشكور على دعمك اخوي |
مع الوقت راح تعتاد ع النوبات وتصير بالنسبه لك شيء قريب للطبيعي ، وتختفي مع التقادم والوقت ..عليك بالصبر والتجاهل كونها تخوفك أو تسبب لك شعور مو حلو ..
‘ذ جاتك تقبلها لاتهرب منها وعيش معها ..وصدقني تتجاوزها |
اقتباس:
تقدر تبين لي كيف أتقبلها و أعيش معها؟ لأني دايم اسمع هالكلمة و ماني متاكد اني فاهمها مضبوط |
| الساعة الآن 03:13 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا