ياصاحبي مافي المحبه تخفي
 

ياصاحبي مافي المحبه تخفي *** كل(ن) يحب انه يقابل حبيبه

شفتك بعيد وشوفتي ماتكفي *** ودي احصل نظرة(ن) لك قريبه

واجلس معك واجعل كفوفك بكفي *** واشكي عليك من الغلا وتعذيبه

لكن وقفت ابعيد وانت مقفي *** حتى على نفسي رضيت الغليبه

ودي اقدم لك كلام سلام التحفي *** واسمعك بعض اللحون الغريبه

لو ادري انك ياحبيبي بصفي *** هانت على قلبي كبير المصيبه

ماودي اذكر لك عيوني ترفي *** لكن على شان المحبه صعيبه

يالله لاتقطع من الحب شفي *** وياعل من له صاحب(ن) يهتنيبه