العين ماتبكي الا على واحد غالي
 

لا واحلالاه ي ليل سرا كله ،،
ماذقت حلو المنام ولاتهيالي

ماغير عيني تهل الدمع وتخضه
والعين ماتبكي الا على واحد غالي

صار السهر في عيني طبع وتدبله
مدري متى الوقت والايام تصفالي

لا جيت ابرتاح واجلس لي على دله
اسج واقوم ماكملت فنجالي

بعض الطواري تجر القلب وتله
عزي لـ قلبي وعزي لحالي

لو عزهـ النفس ماترضى لي الذله
جبرني الوقت وحطم امالي

انا احسب ان الهوى فات لي مله
ولي مدهـ عن بعض الطواريق سالي

ياناعس الطرف يابو جدله
يابو فتنه يابو عود ميالي

تقول ابي رقمك الجوال ورقم الفله
وانا اقول وش تبيني برقم جوالي

يردعني الدين والاخلاق والمله
روحي بفالك وانا بروح بفالي