ممكن حد يطمني
 

وانا ف الشغل انهاردة كنت الي حد ما كويسة الحمد لله وبدون أي مقدمات نبضات قلبي زادت وحسيت بدوخة وعدم اتزان من غير أي سبب قست الضغط لقيته 150/90 مبقتش عارفة اعمل ايه قلت اخد برشام مهدي خفيف كدة وقسته تاني كان قل حاجة بسيطة ومن وقتها وانا خايفة وعايزة اقيس الضغط كل شوية
انا مش فاهمة دا من ايه انا كنت كويسة حد عنده فكرة علما انا أوقات بيزيد علي فترات ويرجع يقل بس لما كان بيعلي كنت ببقي مضغوطة وبفكر كتير انهاردة كان عادي

اي شخص في العالم لو يقيس الضغط عن الخوف راح يكون عالي لذلك ضغطك ماله علاقه
لازم تحللي دم اول شي

بس انا مكنتش خايفة كنت حاسة اني طبيعية
كنت عملت التحاليل قبل كدة صورة دم ووظائف كلي
كان في عندي أملاح زيادة كتير

كييييفك سعاد ده اسمه وسواس قياس الضغط
مثلا تقيسي ضغطك وتخافي وبعدها تشتغل الأفكار وتفضلي كل دقيقه عوزه تقيسي الضغط
نصيحهً مني اوعي تنتبهي ليه بوسوسه
اناً فضلت تقريبا ما يقارب سنه كل يوم اروح اقيسه 3 أو 4 مرات في أماكن مختلفه وكل يوم علي هذا الحال وفِي الاخر رحت اشتريت جهاز قياس الضغط في البيت لما كنت هتجنن كل شويه قياس ضغطً اتجننننت
وبعدها جالي وسواس مراقبه القلب

طب لما كنتي بتقسيه بيطلع عالي كل مرة؟
في دكاترة متعرفش أن انا متوترة وبيقولولي هنقيسه 3 مرات ورا بعض عشان نشوف هندي علاج ولا ىا وف كل مرة بيطلع عالي ..ممكن لو قسته ف البيت بيطلع الي حد ما كويس حاسة أن متلغبطة وتعبانة مش عارفة اوصف شعوري لحد وضربات قلبي بتزيد فاجاة مش عارفة من ايه برضو حتي لو انا مش متوترة