نفساني - آنت في الأخر بشر

لا أنت حارس للـنجوم .. ولا أنت غارس للقمر
وما أنت حابس للسموم .. ولا أنت حاسس بالمطر

شايلٍ هم التراب .. و شايلٍ هم السما
و أنت يغويك السراب .. و أنت يقتلك الظما

تحمل هموم و هموم و آنت في الآخر بشر..

لا أنت فارس هالرمال .. ولا نوارس هالبحر
أعظم حروبك خيال .. و أقصر دروبك سفر

شايلٍ هم الصديق .. و شايلٍ هم العدا
ليه تمشي و الطريق .. كل ما خلص بدا

وليت به شيء يدوم و آنت في الآخر بشر..

لا أنت عاشق هالزمان .. ولا مشانق هالزهر
أنت تحتاج الأمان .. لو تعانق لك حجر

شايلٍ هم الغياب .. و شايلٍ هم اللقا
كافي ضيعت الشباب .. لا يضيع اللي بقى

مـا لأوهـامك لـزوم و آنت في الآخر بشـر