ألم في عظام القفص الصدري
 

السلام عليكم

حد قبل جي حس باعراض ألم عظام القفص الصدري احس بألم يوم اضغط عليه بايدي و يوم ارفع الاغراض او اكح بس يوم اكون قاعده و ما اسوي شي ماحس باي ال
يعني الالم ياي مثل الكدمه او الظربه

هل هذا من الجو البرد و الحر ولا شو بديت اوسوس والله و اتوتر

انا احس بنفس الألم ف رجلي اليسار
انتي توسوي من شي؟

والله انا اوسوس من كل شي الحمدلله والشكر

اتصلت على ربيعتي دكتوره سألتها عن الالم قالت لهفة صدرية يبالها تدفأه للمكان تصيب عضلات و عظام الصدر

ان شاءالله خير

وانا لاني خفت من الالم ووسوست بديت احس بأعراض خياليه واشتكيت لزوجي بس زوجي عصب علي قالي وقفي وسواسج و صرخ فجاه حسيت اني وقفت تفكير فالوسواس


انتي تعانين وسواس بعد ؟

مجرد برد او بسبب القلق
لان عضلات الصدر اكثر عضلات تتاثر بالقلق
ومعلومه مهمه : كثرة الضغط تزيد الألم

لا شئ مخيف الاغلب اذا لم يكن جميع المصابين بالقلق يأتيهم نفس الشئ

لذا لا يوجد ما يخيف

صح لاحظت انه اكثر الشكاوي من الموسوسين من الام الصدر الله يعين والله يعني ماعرف شسوي اخلص من بطني يعورني ظهري اخلص من ظهري يعورني شي ثاني

انا الحين اكتب و احس نفسي منهاره نفسيا اهملت بيتي و عيالي و نفسي و صحتي ورا هالوسواس تخلصت منه قبل ماعرف ليش رجعلي من سننه الحين اقوى من قبل بكثيير

انا قريت مواضيعك وًكيف عانيت من هالوسواس هل مريت بوسواس الامراض تعبت من كثر ما ادقق على كل شي

نعم صحيح وايضا اعتقدت اني سأموت لا محاله ولكن لا شئ خطير

نفففس الالم اللي يجيني
من فتره انا اعاني من صدري
الم زي الضربه او الرضه في الصدر
يزيد مع الحركه والجهد
رحت للطبيب قال لي عادي من فقرالدم > فيني فقردم
بس احس مو مقتنعه ليش فقرالدم يسبب الم زي كذا كأني مضروبه عليه !!!!

انا من الذين يعانون من الم الصدر المستمر ..


والله وانا اخوك ملازمني له 4 سنوات

كنت اطنشه حتى قبل 6 شهور صابني هلع وبعدها صرت مركز على الصدر

انسيه مافي اي شي خطير وكنت مثلك اقلق من الم الصدر واخاف واتوتر واروح الطوارئ

رحت لاستشاري امراض قلب كشف علي قال قلبك سليم مافيه اي مشكله انت موسوس ؟
الوسواس يجعل الصغيره كبيره

الان ياتيني الوسواس ان قلبي بعد دقيقه سيتوقف اقول في نفسي " ثم ماذا "

كما قال بن دايم " احتقريه "

نفس الشي ماقتنع بكلام حد

احاول والله بس الله كريم

الحمدلله هو شوي شوي يخف بس يبدا الوسواس بشي ثاني