اللي عنده اكتئاب يدخل
 

السلام عليكم
انا اكتشفت انه زوجي مريض بالاكتئاب حاد وعنده قلق وعنده خوف من الموت طبعا انا اكتشفت هالشي بعد 4 سنين من زواجنا شفت تقارير طبية بالصدفة عنه وعن حاله صراحة تفاجئت وهو مخبي الموضوع عني مايبيني اعرف انه مريض وحصلت ادوية مثل سبيرالكس وادوية ثانية نسيت اسمها يعني هو يعالج عمره بس محد يدري المهم
صراحة حياتي معاه من البداية كانت صعبة فيه حواجز كبييرة بينا مدري وش السبب جلست فترة احس في شي غلط في حياتنا بس معرف وين لين ماكتشف انه مريض واذا عرف السبب بطل العجب انا معاه فالخير والشر بس الحياة معاه صعبة صعبة متعبة وكتبت هذا الموضوع لاني ابى اعرف وش هو الاكتئاب والقلق والخوف؟؟؟
هو يبين انسان طبيعي لانه غامض وكلامه قليل بس وعنده قرحة فالمعدة ابى اعرف وش هالمرض الاكتئاب والله يشفي كل مريض ودي اكتب لكم معاناتي مع هالانسسسان بس الحمدالله على كل حال وهل هو مرض وراثي عندي عيال ولله الحمدالله والله يبعده منهم يا رب

صح هو يبين عند الناس طبيعي بس انا لاحظت عليه كثير احسه مب طبيعي ردة فعله غير عالناس انسان غريب الاطوار حتى اني حسيت انه من كوكب ثاني حتى زواجي منه احسه كفن مو زواج

تخيلي توقفين معه ثم يعافيه الله ثم يتذكر كل شخص وقف معه ؟
الاكتئاب والهلع والوسواس والقلق بشكل عام مااحب اسميهم امراض
اسميهم تعب وباذن الله يزول
اجلسي معه وقولي له انك عرفتي انه يعاني من الاكتئاب وانك مستعده توقفين معه وتساعدينه
واي سوال تحت امرك

مرة لمحت له ما يباني اعرف ولا بشكل من الاشــكال نكر قال مافيني شي انـا مابتخلى عنه بس التعامل معاه صعب يعصب بدون سبب مزاجي ويعصـب علي ونفسيته واصله لين عند خشمه وخرو من طريقه بس انا صراحة ماني فاهمته انسسان غامض
والله فرحت يوم قلت انه يقدر يتشافى منه ان شاء الله يا رب بقدرة الواحد الاحد

اختي من ناحية التشخيص الأمراض النفسية متداخلة والشخص العامي صعب يفرق بينها فلا تستعجلي بإطلاق حكم عليه ....خصوصا
إنك ذكرتي انه يخاف من الموت وذا العرض ليس من مرض الاكتئاب بل على العكس يتمنى الموت ربما أساس مشكلته هلع ربما وسواس الموت ...وفيه فروقات كبيرة بين ذي الحالات في المآل والقدرة على مواصلة الحياة ....اما ملاحظتك لاكتئابه ربما عوارض جانبية للأدوية الي يتناولها ....صعب تفهمين كلامي أدري
هل في بداية زواجك كان طبيعي ثم تغير !...

فالبداية كان طبيعي بس بدا التغيير بعد الزواج ب سنتين ذيك الساعة عمره 22 كان مسافر مع ربعه وفجاة مرض عليهم وترقد فترة بعدين رجع من السفر مريض مرة يرجع ومرة منسدح فيه خمول وينتفض وكم مرة يترقد بالمستشفى ومرات يجيه اسهال بدون سبب طلع عنده جرثومة فالمعدة ومن ذاك الوقت وهو مش طبيعي كان هادي وصار عصبي ومزاجي الاعراض اللي ذكرتها موجودة فالتقرير قريتها فالتقرير هو يفكر فالانتحار انا شفت الادوية حق الاكتئاب والهوس والتفكير فالانتحار

هو بدت الاعراض بعد سنتين من الزواج مرض فجاة وكان يترقد فالمتسشفى

أعتقد أن رغبة زوجك هو الحياة كإنسان طبيعي و ليس كمريض نفسي يحتاج إلى معاملة خاصة، فمن الأفضل نسيان التقارير و الأدوية النفسية و دعي الحياة تستمر كما في السابق عائلة واحدة متحابين في كنفها أطفال سعداء.

المشكلة مو من عندي من عنده اذا علي بخليها تستمر والامور طيبة 👍🏻

اهلا اختي همس الشجون
انا أعاني من هالأعراض وخصوصا الخوف الشديد والهلع من الموت بشكل غير طبيعي لقد سلب مني الحياة باكملها ولَم يترك طعم للحياة على الإطلاق
زوجك هو في امس الحاجه إليك والى تفهم وضعه وعذره تمام العذر والله الذي لا اله الاهو ان هالوسواس يسلب الحياة باكملها وتأكدي تماما بان كلً تفكيره فيك وفِي ابنائه وكيف حتكون خالتكم وعيشتكم
زوجك محتاجك جدا جدا اعذريه كل العذر لاتلوميه ابدا ابدا والله ان هالمرض لعين جدا وخبث
اوصيك اختي الكريمه بيذل كل جهدك والوقوف مع زوجك وتفهم حالته لاتزيدي الطين بله
تكسبي الأجر من الله ومن ثم الوقوف مع زوجك في محنته
فنحن مزينا بكل هذي الظروف القاسية جدا افقدتنا جميع الحياه وخلتنا في عالم اخر لايحس بالمعاناة والالم الا صاحب المرض
اسال الله العلي العظيم ان يشفيني ويشفي زوجك ويشفي جميع المرضى يارب

......................

الله يشافيكم ويشفي كل مريض شكرا لكل اللي ردو علي

مثل ما قال اخونا بن دايم الله يديم صحته ،، والاكتئاب او القلق او الهلع او حتى الرهاب منتشر بين الناس بكثرة واي شخص معرض في فترة من حياته ان يصاب بنوبة اكتئاب او قلق وهي في الحقيقة ليست مرضا بل اضطرابات ناتجة عن خلل في كيمياء الدماغ نتيجة عمليات معقدة مجرد ان يتم تصحيح عمل هذي النواقل العصبية يعود الانسان الى طبيعته المعتادة ،، صدقيني الان زوجك هو اكثر حاجة الى دعمك ومساندتك ووقوفك بجانبه يعتبر جزء من العلاج

مشكورة اختي عالمشاركة بس هو انسان غامض جدا مايقول اللي في خاطره

يابنت الحلال غامض ولا منفتح هذي طبايع الناس تختلف حتى عند الناس الصاحين الي انشط من الحصان تلاقينه غامض ! ماهو شرط عنده قلق واكتئاب معناها لازم يصير غامض اعرف ناس مرضى اكتئاب والي بقلبه على لسانه وكل شي يسويه يحدث فيه امام الملأ

ثانيا سالفه الانتحار .. هو مؤمن باذن الله ولاراخ يقدم على هالشي ولكن التقرير طبيعي يكتب فيه كره للحياة وحب للموت الخ الدكتور يسأل يقوله هل فعلا تكره حياتك الحاليه يقول نعم يكتب الطبيب بالتقرير رغبه في الانتحار !! الخ

خليك معه ويبي الله يشافيه باذن الله وترجع حياته احسن من اول
ملاحظة المرض الي فيه هذا كله من الى .. سببه جرثومه المعده