مرعوبة !!!
 

السلام عليكم

كيف حالكم جميعا

اللحين انا يوم الخميس مواعدة اخواتي نروح كم مشوار و انا في منطقه بعيده عنهم يعني احتاج اسافر لهم خط
و زوجي يقول ما له خلق يوديني و انا الوسواس شغال لاني اتحلمت حلم مرعب على هذا المشوار و الي زادني ان زوجي يقول ماله نفس عاد اشتغل الوسواس الف مع رعب و بس خايفه و معي رجفه و أفكر ابطل المشوار كله
غير كذا صحباتي من زمان عنهم و بيتجمعون يوم الجمعه و ودي اروح لكن الخوف مسيطر عليه
أقول اشمعني هذي الجمعه تبغين تروحين مع ان اول صارت كذا جمعه بس ضروفي ما سمحت

و الله أني في دوامه

يمكن من دحين للخميس يجيه خلق يوديك و تروحي و تنبسطي يمكن لما كلمتيه كان مجهد مرهق و مافيه لخط سفر
ولو ما وداك خيرة من الله عادي خذيها ببساطه كل الناس تصير معهم كذا انا اوقات اكون لابسه عبايتي نازله للسياره و امي تقول لا تخرجي او تقول كلام يحبطني عن الخرجه اقول ربي ماهو كاتب لي خرجه اليوم و ابطل و تتعوض بيوم ثاني .

خلي امورك تمشي بسهاله اللي ربك كاتبه بتشوفيه
مو شرط انه شر خروجك لا لكن في شي اسمه نصيب
كانت جدتي دايما تقول لي حكمه اذا مر اسبوع و ما شفتها
اللقا نصيب .

قاومي الاعيب الشيطان وروحي الموت بيد الله

السلام عليكم
انا سافرت ل اهلي و الحمد لله وصلت بالسلامه مع ان الطريق كله و انا اهوجس و جيت و انا اهوجس و احس معي زغلله في عيوني و مرتبكة

و اللحين أفكر في بكره و فكره توديني و فكره تحيبني و الوسواس شغال و أقول هذا وسواس و اتذكر أحلامي أقول هذا حقيقه تعبت من جد

اييوه لو مسافرين نخاف والافكار والوسواس يشتغل
وكمان اي حاجه نتزكر الاحلام

السلام عليكم
عدا يوم الخميس بالسلامه
بس أجلت مشوار ل اخواتي خليته بكره
و اللحين بس أفكر ان أجلته بكره أكيد ل سبب و جالسه اوسوس
و القلق طلع عليه و اخواتي يقولون اشفيك و زاد الوسواس عليه

دايم يجيني مثلك وكنت أغيب عن الجامعه تخيلي بسبب هالشي
مره وحده قررت اروح
قلت ببيعها خليني اروح
ورحت وطول الروحه وانا يدي ع قلبي وخااايفه ولا انبسطت ولا شي

اخر شي خلصت العزيمه وجيت البيت قسم بالله ندمت اني ما انبسطت !
ماصار ولا شي من اللي براسي

ايوه فعلا اي سفر او اي نزهه نترعب ونخاف ويضيع علينا الرحله والفسحه والنزهه ونقول ياريت استمتعنا

أحب أبشركم ان الأمور عدت الحمد لله تمام
بس بدون اي نفس قلق واصل الف عندي لدرجه في السوق صابتني نوبه هلع و لي يومين ما اكل شيء يا دوب ملعقتين و أوقف اكل احس تنسد نفسي لدرجه بس لما وصلت البيت جلس معي القلق وقت بعدين راح
بس لما دقت عليه قريبه لي قالت ابغا اشوفك رجع من جديد القلق

الله يعين و يساعدنا