دكتور سلوكي في الرياض؟
 

السلام
ابغا افضل دكتور او دكتوره سلوكيه
احترت مع نفسي بس ببذل كل الاسباب
المهم انا رحت اماكن كثيره ورحت دكاتره كثييييرييييين
تصدقون رحت حول 12 دكتور ما استفدت الا مع دكتور واحد كان مممتااااااااز ماشاءالله لكن عنده زحمه وضغط
ابغا من تجاربكم
ابغا دكتور يقنع بالمنطق والعقل وبناءًا على بحوث ودراسات يعني عنده علم وطريقه اسلوب
ما ابغا فضفضه بس ولا سواليف
والله بدعي للي يدلني على افضل دكتور
من تجربه
وشاطر خصوصا لحالات الوسواس القهررررري
الله يفرج عليكم وعلي وعلى كل مسلم

اهلين شخص ما قرار جميل وتأكدي مجرد ماسعيتي وتوكلتي على الله بتشوفين الراحه لأن ربي مايضيع سعي المخلوق .كان ودي افيدك بدكتور بالرياض بس للاسف ماعرف بالرياض لأني من سكان الشرقيه .. بس كثير سمعت عن الاخصائي وليد الزهراني .
الله يعينك ويكون معك وطمنينا عليك

الله يسعد قلبك قطرات ياحبيبتي
ويتمم لك الشفا والراحه النفسيه التامه يارب

امين ومن يقول حبيبتي

الله يشفيك ويشفينا جميعا بالنسبه لدكتور نفسي سلوكي دكتور ماهر العربي انا استفدت منه من خلال قناته باليوتوب هو دكتور اردني اتوقع اخوي بن دايم يقول انه موجود بالرياض انا كلمته شخصيا بالسناب والله ارتحتله صراحه يعني مايطنش اي رساله تجيه بالخاص بالسناب


دعواتك لي ربي يشفيني ويطول بعمري على طاعته ويخليني لبناتي وولدي ويحفظ الجميع

الله يسعد قلبك ويطول بعمرك ع الطاعه ويخليك لعيالك يارب
ويشفيك ويشفي كل مريض اللهم امين
الله يجزاك خير

وليد الزهراني في ميدي كير بططططل ويجنن ماشاء الله عليه لاتتعداه

احمد الهادي ومشعل العقيل في عياده ادراك
وليد الزهراني في عياده ميدي كير
ماهر العربي في عياده مطمئنه

حلووو شكلي بروح له على المدح اللي يجيه ماشاءالله
الف شكر

فعلاً هذا اللي اقصده الدكتور احمد الهادي لكن عنده ضغط وزحمه
الف شكرر جد افدتني الله يسعدك

الوسواس مانيفع معه لا سلوكي ولا غيره
والله ماستفدت شي كلها خسائر فقط
انا جربت السبرالكس لمدة 9 شهور بالجرعة القصوى 20 ملجرام وافادني
ورحل الوسواس استمريت سنتين ورجع الوسواس من جديد

كم جلسه سويت سلوكي اتوقع لو حضرت الجلسات كلها ماراح يرجع بسهوله او يرجع اخف من اول بكثير

انا اقول نفس كلامك كله كلام فاضي
بس احترت مع نفسي مبتلشه فيها
ابغا اخذ بكل الاسباب
بس والله انك صادق ما استفيد احس فضفضه بس

جد انتي استفدتي من الجلسات السلوكيه وبنسبة كم ؟
وكم احتجتي جلسه ؟

شخص ما حبيبتي انا للامانه استفدت من العلاج السلوكي ونوبات الهلع خفت كثير عن اول لكن لها ذيول مثل الضيق واحيانا اكتئاب لكن مستمره على قراءة البقره والجلسات السلوكيه .
حبيبتي الجلسات السلوكيه مو بس فضفضه لا فيها تمارين وفيها تحليل عميق لشخصية الانسان وفيها تشخيص صحيح يمكن اللي تعاني منه مايكون وسواس حقيقي يمكن يكوم نتيجة ضغط عصبي كبير او معاناه من شي او قلق .
دكتوري يقول علاج السبب تنتهي الاعراض .
استخيري وسألي الله ان يلهمك طريق الشفاء .
الله يريح قلبك ويطمن بالك