اسوء نوبة عالاطلاق
 

السلام عليكم
البارحه مريت بنوبة قويه و المصيبه اني كنت مش ماكله شي من اللي زادها كنت راجعه من الشغل و اتاخرت تقريبا للست المسا وصلت البيت و ماكنت ماكله من الفطور و بدا جسمي يرتجف و الخوف و التوتر و الصداع بصراحه لين الحين وانا احس نفسي تعبانه مع اني نمت بدري لين اليوم بس قمت الصبح احس جسمي تعبان مب قادره اتحرك و ابا اخذ اجازه خايفه ليش باخذ اجازه
بس هل طبيعي الجسم جي يكون تعبان بعد نوبة الخوف و العلع اللي مريتها يعني جسمي كان يرتجف قوه امس و صداع و خوف مش طبيعي و ماقدرت ااكل اي شي برغم اني مب ماكله بس حسيت بلوعه

مع اني الفتره الماضيه اموري سلسه ومافي وسواس ولا شي هل قلة الاكل سببت هالشي

الحين من قمت و انا تعبانه مب قادره اتحرك من اافراش احس بثقل

تستخدمين أدوية

حبيبتي بنت الحوسني كله هذا من اضطراب القلق والوسواس تحسين برعشه داخليه وكأنه هبوط جوع مزاج متعكر قلق توجسي خوف من شي ماتعرفين وشو غثيان دوار ... الخ
بما اني ما اخذ ادويه نفسيه فما اقدر انصحك فيها بس انصحك تشوفين اخصائي نفسي سلوكي يعلمك تمارين وتقنيات تساعدك في تجاوز هالنوبات ..منها الاسترخاء الذهني وتمارين التنفس وغيرها كثير ماتشوفين شر حبيبتي

لا والله انا رافضه فكرة العلاج بالدوا

انا احاول اطبق هالتمارين من النت اتابع حلقات ودورات عاليوتيوب و الحمدلله شوي سيطرت على تصرفاتي بس معقوله اني ما اكلت شي يرجعني لنقطة الصفر يعني انا من البارحه لين اليوم تعبانه اليوم نفسيا واايد تعبانه يعني مالي مزاج شي مع انه طالعين مع اليهال رحله يومين و نخطط من اسبوع بس مب قادره استمتع كل شوي اقول الحين بيبدأ الصداع الحين راح يبدأ المغص الحين في شي و خوف و بس جي قاعده ايدي على خدي

الله يعين والله
في بوظبي الدكاتره ناااادر ماتلاقين منهم الزين وكلهم دكاتره للادويه ما حصلت حد يعالج سلوكي بس برجع اسال يمكن الاقي

ومشكوره والله

شرايك نعمل تقنيه انا وانتي ونجرب ليه لا ؟ ماراح نخسر شي انا جربتها وحسيت بشي مريح وفادتني جربيها انتي الحين وعلميني وش يصير .. بدل ماتقولي الحين بيبدا الصداه والخوف والمغص قولي اهدأي مافيه الا الخير انا عارفه اني امر بنوبة وسواس وقلق وراح تعدي وكرري هالشي بنفسك وكل ماشتدت حدة القلق كرري الخوار هذا بداخلك وبتشوفين مستوى الهلع راح ينزل شوي والقلق .
لاتخافين مافيه شي خطير طمنيني عليك

خلاص ان شاءالله بجربها اليوم و بخبرج بالنتيجه احتاج اهدا فعلا كل اللي حولي متوتر صار

خلاص بجربها من الحين و ان شاءالله يهدأ الوضع و ببلغج بالنتيجه ومشكووووووووره

الجوع اساسا بيعمل رعشه جامده في الجسم من جوه ممكن

انا اول مره تصير معاي مسيت نفسي من كثر الشغل و فطرت الساعه 10 و ما اكلت شي لين وصلت البيت المسا 6 و بس بذت الرعشه بدا الخوف ماتوقعته انه جوع لانه غثيان و مغص نفس الوقت فزادني خووف هالشي


الله يشفينا جميع يارب

طمنيني عليك بنت الحوسني كيفك الحين ان شاء الله هديتي شوي ؟ لاتخافين النوبات هذي ماتكون متواصله مسيرها تخف وتتلاشى . الله معاك ويحميك

والله يا قطرات الندا البارحه ولدي الصغير قامومن النوم و يتألم من اسنانه و عطيته البندول و لافاد للفجر وتميت خايفه اخر شي تم جسمي يرتجف بالقو من الخوف ماقدرت اسيطر وهو يصيح وانا اصيح وخصوصا انه نحن برع بوظبي وماعرف اي عيادات اهني و فليل يعني زاد الخوف و قلت حق زوجي انقعد الاولاد من النوم ونرجع بيتنا بوظبي خلاص ما اقدر قالي انتي مينونه الفجر كيف نرجع ووالله تميت جي مرعوبه لين هدا قريب الصبح الحمدلله ونام شوي و غفت عيني ونمت شوي و صحيت احس اذا ما اكون فالبيت اكون متوتره طول الوقت و احس واسي مثل الشد انا مشكله لان عندي خوف من المستشفيات و ما اروح اي مستشفى ما قدرت اخلي دوجي يوديه اي طواري قلتله يمكن وصخ يمكن مش نظيف ما اقدر و ما اثق و غير الرجفه و الخوف اخر شي عصب زوجي علي حتى طلع نام عند الاولاد لين هديت ونمت بروحي مع ولدي الصغير الله يعين ان شاءالله و يخفف على الجميع

سلامتك حبيبتي شكلك عندك رهاب من الابتعاد عن مكانك المعتاد اللي هو البيت . مدري وش اقولك لكن تعلمي طرق الاسترخاء الذهني تساعدك بهالمواقف . المشكله هالحاله اذا تركتيها واسترسلتي بالخوف تزيد لان الافكار تغذي الخوف وتزيد الحاله .
لازم زوجك يتفهم حالتك روحي انتي معاه عند دكتور نفسي وتكلمي مع الدكتور بحضور زوجك لازم الزوج يتفهم هالشي عشان يحسسك بالامان .
سلامتك ماتشوفين شر حبيبتي

انا مع الجوع تجيني النوبه سواء كنت على الدواء او بدونه لكن انا لحظتها اشرب لبن احسه يرفع ضغطي شوي لان حالة النوبه تشبه الانخفاض تقريبا 💔

الله يسلمج من كل شر تسلمين عزيزتي دايما كلامج و كلام الاعضاء يوم يردون علي او على اي حد يكون مريح و انتي ماتقصرين دايما تشجعيني
قاعده ابحث عن دكتور و ان شاءالله احصل اللي يناسبني
انا بروحي ماعرف شو اللي تعاني منه بس ماحب التجمعات وماحب حشرة الناس توترني و ماحب اروح بعيد من البيت ما احس بالامان و الله يعين و يشفي الجميع يارب

هيه انا اتوقع اللي زادها الجوع و المشكله تمت اثارها لمدة يومين في جسمي من كثر ماكانت قويه و الحمدلله على كل شي

مشكوره عالرد ❤❤❤