من مثلي بنوبات الهلع
 

السلام عليكم ورحمة الله وبركاته

نوبت الهلع تبدا عندي من اخرج من البيت او اركب السياره
يجيني حاله اختناق ابدا احس اني بختنق كل مابعد عن البيت وينكتم نفسي مع هل شعور يجيني ضعف شديد بجسمي كاني مو قادر شبه مشلول او شخص منهككك وصوتي يختفي مو قادر اتكلم لاني وقتها اكون مختنق ف ابي نفس . وتحديدا الظهر او بوقت تكون الجو حر وشممممس ساطعه اما بالليل تختفي للنص او اكثر من النص

انا ماحب ركبة السياره ابدا ادوخ وماحس باطراف جسمي وتجيني رعشه وانا اكره وقت الظهر ادوخ فيه حتى لو انا بالبيت واغلب توباتي تجي الظهر والفجر الليل اخف شوي

قصدك من هو اللي ماهو مثلك
هذا اسمه رهاب الساح
وهو مكتسب بسبب نوبات الهلع
اذا كنت قريت عند شيخ وقالك سليم
وكشفت كشوفاتك وتحاليلك وقالوا سليم
اعرض نفسك على دكتور نفسي وابدا علاجك
وباذن الله كل شي يزين

الله يسعدك يبن الدايم

يا الله نفس نوبات هلعي تكون غالبا في السياره !!
وكل ما كان المشوار أبعد أو مجهول يعني أول مرا أروح له وراح ألفلف كثير في السياره أتوتر أكثر
خاصه لو كان الوقت في الليل وَ يقوم عليا القولون ومرات أحتاج للحمام كثير الله يكرمك
ومرات أحس أني ببكي
بس دحين صار أخف مع السيبرالكس أول كنت كل ما أتشجع
وأرح مشوار في السياره أكون لسى ما أتعديت الحاره إلا أنا أدعي على نفسي ليه طلعت
من قوه النوبات اللي تجيني :(

كل هالاشياء تحتاج علاج سلوكي لاانك لو غيرت فكرة الخوف من الخروج خلاص اختفت النوبه مع الخروج

سؤال لاصحاب التجربه :
اذا جت الدوخه تجيكم الام بالرقبه ؟ او اذا جت الام بالرقبه جت دوخه ..
المهم فاهمين علي طفشنا من هالدوخه والله

مع العلاج راح تختفي باذن الله

شكرا بن دايم الله يجزاك خير
بسألك بن دايم انت وش كان دواك ؟ ماراح استخدمه بس اسأل ابي اخذ فكره عن الادويه الاخف اعراض جانبيه

دايم لايكون نظرتك للاعراض ابحثي دايم عن العافيه فقط
انا كنت استخدم سيبرالكس اللي هو نفس الانتابرو
لمدة سنتين وتركته قبل 9 ايام تقريبا ولله الحمد

مشكلتي يابن دايم الايحاء فيني رعب من الادويه واي شي غامض يرعبني حتى المضادات الحيويه ماكلها خوفي من شيئين الدوخه والرعشه لكن بستخير رب الخير وهو اللي بيدلني على اللي فيه خيره

على فكره بن دايم انا لو كسرت حاجز الخوف من بداية استخدام الدواء ترى ماعندي مشكله استمر عليه سنوات لكن هي البدايه اللي جابت لي ام الركب

انت بنت او رجال ؟

انا بنت .. ومعاي ارتفاع في الضغط بعد مدري تنفع معه الادويه النفسيه والا لا

ايه تنفع بس ماتنفع لك الادويه ثلاثيات الحلقات زي الافيكسور
حاليا وش علاجاتك بالظبط وتاكلينها في وقت
كم العمر
كم لك مع العلاج
وش مشكلتك بالظبط
عندك اي ظغىط ماديه او عائليه او نفسيه
احد في العائله مثلك
قريتي عند شيخ ؟ ووش قال
بالتوفيق