إستفسار
 

السلام عليكم ورحمة الله وبركاته
هذي اول مشاركه لي ، واستفدت منكم
كثير جزاكم الله خير
في البدايه ماكنت اعرف ان عندي هلع
كل يوم اقول خلاص بموت وتكثر علي
الوساوس الين صدفه قريت موضوع عن اعراض
الهلع نفس اعراضي
وتشجعت ورحت لأستشاري نفسي
وصرف لي انتابرو ودوجاتميل في بداية العلاج
زادت الاعراض لكن بعدها خفت تدريجيا ولي الان
مع العلاج شهرين والحمدلله خفت الاعراض واشعر
بتحسن ، لكن هل العلاج كافي ولا لازم علاج سلوكي
بعد؟ وانا خايفه اذا بدا الدكتور يوقف لي
العلاج ترجع علي الاعراض.
اللي تحسن بعد العلاج يفيدني
الله يوفقكم

حياك الله اختي
في البدايه ابيك توقفين الدوقماتيل لانه ماينفع للنساء لانه يزيد هرمون الحليب
واحب ابشرك انه باذن الله كل اللي فيك راح يختفي وترجعين طبيعيه
وراح تتركين العلاج ولاعاد راح تحتاجينه
كل اللي عليك تعلمين نفسك كيف تتصرفين بهدوء مع اي احساس يجيك
الانتابرو علاج جدا ممتاز وهو نفس السيبرالكس
بالتوفيق

هلا اخوي بن دايم
جزاك الله الف خير ريحتني بكلامك
وبالنسبه للدوجماتيل ماني مستمره عليه بس لين خلصت
الشريط وقفه لي الدكتور .
انا بعد الانتابرو خف حدة الهلع يعني مو مثل اول
تجيني نوبات شديده .. لكن خوفي تجيني مره ثانيه
انا طبيعتي خوافه وان جاتني اجلس اوهم نفسي واخاف
بزياده .

شوفي وانا اخوك كيف تعرفين انك تحسنتي ؟
التذبذب هو دليل التحسن بمعنى
اول تعانين كل يوم نوبات هلع
بعد العلاج تبدا تتباعد لين تختفي
المهم انك تحاولين تبعدين عن الضغوط والعصبيه
وقدامك العافيه باذن الله

كم جرعه الانتابرو

مشكور الله يوفقك.

10mg حبتين باليوم ..

العلاج السلوكي في القلق والهلع بشكل عام هو معرفة الهلع و الالمام به و العيش بشكل طبيعي اي ممارسة حياتك بشكل طبيعي وحبذا زيادة الامور الاجتماعيه ك الجمعات العائليه و الاصدقاء والانخراط بالمجتمع

بالتوفيق

شكراً لك.

العلاج السلوكي جيد ولابأس به .

أيضا الدواء مناسب لبعض الناس ، بمعنى هناك اشخاص كثر تعالجوا بالادوية والحمدلله اختفت الأعراض تماماً وعاشوا طبيعيين .

وبعضهم متزوجين حتى أو تزوجوا لاحقا وكونوا أسرة واسترمت حياتهم .

العلاج بالعكس مفيد للشخص الذي يتجاوب ويطبق تعليمات الطبيب .

أما العلاج السلوكي المعرفي ممتاز جدا ، واليوتيوب والمنتديات والنت مليئ بالكتب والدورات والشرح وبالذات اليوتيوب .

كل شخص له طريقة مع نوبات الهلع ، البعض يتعالج سلوكيا بدون دواء والبعض يفضل الدواء

وفالك العافية يابنت العم

أخبار شيخ المنتدى :)
وكبير المعالجين السلوكيين :)

أكيد العلاج الدوائي مايكفي ولاتعتمدون عليه لوحده

باذن الله ان العلاج كافي

اذا لغتك الانجليزية جيدة اقدر اعطيك فيديوهات يوتيوب او كتب فيها زبدة الكلام اللي بالعلاج السلوكي

لكن غالباً العلاج بيكفيك لأنه يشتغل على المستقبلات العصبية اللي أصلاً مسببة الوساوس (خصوصاً العلاج اللي صارفه لك الدكتور سمعته ممتازة)

و ما تشوفين شر ان شالله

الله يعافيك .. شكرا لك
ان شاءالله العلاج الدوائي يجيب نتيجه زينه
مع اني تحسنت كثير بفضل ربي مع الدواء .

يعني مع العلاج السلوكي النتيجه افضل؟.