من مثلي بهذه الاعراض
 

السلام عليكم
انا اعلني من نوبات الهلع من 8 سنوات تقريبا لما فهمت نفسي حاولت اتغلب على الافكار السلبية وفعلا نجحت فترة طويلة نوعا ما ولكن رجعت لي هالفترة مع وسوسة الامراض اي نغزة اقول جلطة والاسرطان الله يكفينا واياكم الامراض جميعها ولي فترة ايضا معتزلة جمعات الاقارب والاهل بسبب ان بعضهم يتكلم او يقول لي كلام مايرضيني انا عمري 29 ولا كتب لي ربي الزواج والحمدلله على كل حال لكن الناس مهما كنت راضي بحياتيك غصب يطلعون الرضى من عينك وش اسوي واذا قلت لهم هذا كتبة رب العالمين قالوا اجل توظفي كان الوظيفة تنتظرني مع الضغط هذا وكلام الناس احس رجعت لي النوبات مثل اول وصرت اوسوس بالامراض من مثلي ؟؟ وهل هي من الافكار ؟ وهل الافكار ممكن تسبب اعراض قريت انه الافكار السلبية والوسوسة الزايدة تطلع اعراض نفسية مو اعراض صدقية وهل اذا كذبتها راح تختفي ؟؟ ساعدوني الله يجزاكم بالخير

مساكك حبيبتي اعراض الهلع والتوتر والقلق اكثر مما تتصوري احمدي ربك انها بس نغزات والا خفقان لكن عشان انتي تطمني روحي سوي فحوصات شامله عشان انتي ترتاحين واقري سورة البقره تعطيك سكينه وهدوء .
ماتشوفين شر طمنينا عليك

الشخصيه القلقيه واضحه
ماتعانينه يسمى بوسواس الامراض وعدم تحملك لكلام الناس سببه ارتفاع نسبة القلق
نصيحتي لك عدم الالتفات لافكار الوسواس ومحاربتها قد ماتقدرين
لان الوسواس مثل الذيب يتغذى ويكبر على الاستسلام والاسترسال ويموت بالتطنيش والحقران
بالتوفيق