الاحلام المزعجه والنوم
 

السلام عليكم ورحمة الله وبركاته



الاحلام سببت لي ارق وقلة نوم في اليوم انام ثلاث ساعات او اربع ساعات فقط وباقي الوقت صاحيه حتى لو غفيت اشوف حلم يصحيني

ونفس الشي اذا غمضت عيوني لو ثواني اشوف حلم او اسمع كلمه تفزعني وافتح عيني يروح الوقت وانا في هذي الحاله الناس نايمه وانا منغصه علي الاحلام بس للمعلوميه احلامي مو بالجنون لا عن حياتي واهلي واهل زوجي وعزايم وناس كل يوم شكل مره عاديه ومره اخاف انا

هل مريتو بالشي هذا لانه شي منغص صراحه ابغى انام بس اخاف وطول وقتي ادعي بطول العمر لي انت وبناتي وولدي واهلي

قريتي عند شيخ اختي ؟

رحت لشيخ عندنا وقراء علي واعطاني مويه وزيت وعسل نوعين واحد اكله والثاني اتروش فيه بعد ماقراء علي حلمت حلم افزعني بعده تركت الشيخ ماستمريت عنده

نصيحه لك وانا اخوك ارجعي للشيخ واستمري معه
واقري سورة البقره كامله يوميا
وباذن الله العافيه قدامك

المشكله اني كنت بستمر معه بس بعد الحلم خفت وتركته
والقران سبحان الله مره اقراء ومرات كثيره اتركه مدري هو خوف والا وسواس والا وشو بالضبط

واليوم الظهر غفيت وكاني سمعت شي باذني مدري براسي يقولي هي فكت السحر عاد مدري انا موسوسه او قاريه شي فيه كلمة سحر وتبرمج براسي مدري مابي اوسوس كفايه اللي عندي هههههههه

نصيحتي لك نفذيها وباذن الله كل مشاكلك بتختفي

انا بعد احلامي زفت

عندك علم وش قال الرسول صلى الله عليه وسلم ؟
انفث عن يسارك ثلاث مرات وتعوذ من الشيطان
تراها ماتضرك
وعود نفسك على قول الحمد لله

انصحك بالمحافظة علي اذكارك و الصلاة في وقتها و اكثري من التسبيح و الاستغفار ومن قول لا حول ولا قوة الا بالله وكما قالو لك الاخوان عليك بسورة البقره

شي تاني وعلي مسؤليتي خذي 40 ورقة سدر و حطيها في موية و اقري عليها سورة البقره كامله و اشربي منها و اغتسلي منها و بخي منها اركان البيت و انتي ترددي قوله تعالي و يقذفون من كل جانب
بأذن الله ترتاحين
ولما تجي تنامي امسحي فرشتك بيدك اليمين و اقري اية الكرسي و المعوذات 3 مرات وامسحي بيديك ما استطعتي من جسمك

جزاكم الله خير

انا عذبتني الاحلام وكنت كل مااغتسل بالسدر تزيد الى حد كل مااجي اغفى يطلع لي حلم او وجه يخوف واصحى ع طول مفزوعه والحلم يخليني طول اليوم في عالم غريب وكئيب بس مع الدواء الحمدلله راحت الكوابيس المفزعه