طلعت لي اعراض غريبه اثناء تناول السبرالكس ارجو المساعده
 

باختصار شديد انا مريت بتجربه هلع قويه جدا استمرت اسبوعين واخذت سبرالكس ولي شهر الان عليه

ظهرت معي اعراض غريبه جدا جدا
مادري من نفسيتي او من العلاج
احس اني عايشه في ايام قديمه ايام ماضي بعني
وانا نايمه على سريري احس اني في غرفتي القديمه في بيت اهلي وكأني ماتزوجت يجيني ثواني ثم يروح وأتذكر اني متزوجه وعندي اطفال!!!!
ايش هالحاله؟ العلاج له علاقه!
احس برضو بإحساس مختلف ماقدر اعبر عنه ولا لي رغبه في الكلام فيه مع العلم اني من النوع اللي يتكلم مو كذا؟
كان الدنيا غريبه و انا برضو غريبه كاني اعيش اخر ايام حياتي
كاني رجعت سنين ورا وفيه استغراب كيف تزوجت وكيف عندي اطفال
واذا تذكرت اهل زوجي والجماعه احس كانهم غير حقيقين
كانهم خيال او حلم
تكفون الاحساس هذا متعبني جدا ولا ادري هو نفسي او عضوي او ايش قيني
مالي رغبه قي اي شي نهائي .. طاقتي صفر .. طول اليوم تعبانه وفيني النوم بس اذا جا وقت النوم اعاني ارق وتفكير
الله يسعدكم انتظركم

راجيه حبيبتي ماتشوفين شر الله لايضرك يارب .
سمعت ان هالحاله اسمها اغتراب عن الذات تجي مع القلق والاكتئاب والاضطراب النفسي وبعض اعراض الادويه الجانبيه تجي وتروح من نفسها لاتخافي بس ناقشي دكتورك فيها راح يطمنك اكثر .
طمنينا عليك

الف سلامه عليك يارب
والله انا مع السيبراليكس كل شهر في حاله غريبه تحملي انتي توك في بداية العلاج بيزيد القلق في البدايات وبعدها تستقرين باذن الله .

هذي اسمها اختلال الآنيه والكثير يعاني منها
ونصيحتي لك لاتستسلمين للاحساس وتسترسلين معه
حاولي اول مايجيك اشغلي نفسك وعامليه كأنه مو موجود
لانك اذا ركزتي معه يزيد

نفسيتك مافيه خلاف هذي اعراض السيبرالكس يبي له شهرين ويشتغل اصبري عليه وانتبهي تفكرين توقفينه لانه اذا بدا يشتغل مفعوله خلاص تختفي الاعراض وترجعي انسانه طبيعيه احسن من اول

انا عن نفسي اخذت سبرالكس وماحسيت ب اي اعراض واشوفه من افضل الادويه للهلع والذعر وايضا هذا كلام الطبيبه اللي تعالجت عندها

وعكوما ان شاءالله انها فتره وتعدي عليك تجاهلي ولاتدققي وان شاءالله خلال الفتره القادمه تزول

السلام عليكم ورحمة الله وبركاته ..

مثل ما تفضل الاخوان والاخوات .. هذه اعراض جانبية للدواء ..

مع الوقت سيتأقلم الجسم معه ، وتتحسنين بإذن الله تعالى ..

أهم شيء تناولي الدواء بعد الاكل ،، لأنه يسبب عسر هضم وتلبك معوي ..

وفالك العافية بحول الله تعالى ..

عادي عادي جدا مريت في نفس دوامتك وراحت كأني في الماضي مشاعر متلخبطه حتى الناس يتغيرون علي اعيش مشاعر ماضيه يمكن تلاشت تدريجيا من بداية الشهر الثاني من العلاج وراحت هذي الدوامه

بشري
وش جديدك وايش صار معك
رحتي لشيخ
راجعتي دكتور جديد
خفت الحاله
طمنينا

الي تمرين فيه طبيعي جدا ويروح مع الوقت اذكر زمان من اعراض العلاج كنت كل ما انام احلم بحلم ويستمر معي الحلم ثلاث ايام كل يوم جزء وباليوم الثاني اكمل الحلم وهكذا لدرجه حسيت نفسي بنجن ههههههههه والله شي مضحك كاني مجنون محد كان يصدقني بوقتها بس كنت استمتع عادي