التنميل ماهي اسبابه ..؟؟
 

السلام عليكم ورحمه الله

من شهرين تقريبا او شهر ونصف بدات تاتيني حالات اشبها بالتنمل او مثل اللي لما نقول عليه رجله او يده نايمه

عرفتو الشعور او الاحساس

احيانا بالمكتب بالعمل الصباح اكون جالسه احس رجلي بدات تتنمل طبعا مو كلها لا اماكن منها احاول اقوم اتحرك ابغى انسى

احيانا جهه الاذن والوجهه والذراع يعني يكون جهه اليسار كامله احس فيها مرات بالوجهه ومرات بالرجل او اليد

صحيح مع الحركة والانشغال انساها او ما اشعر فيها لكن تاتيني في حالات الجلوس

ومرات الجهه اليمنى الرجل لكن اكثر شي الجهه اليسرى في جسمي ما بين الرجل او الساق مو كل الساق لا شي من الساق او الوجهه او اليد

مادري شنوو سببها هل الجلوس ... ياما وياما اجلس كثير ولا كانت تجيني ايش معنى هالشهرين هذي

هل هي نقص فيتامين او طبيعي بعض الاشخاص او شي يدل على شي ......

خايفه انه شي خطير ....

ياليت تفيدوني اللي مر عليه كذااا الله يسعدكم

وعليكم السلام ورحمة الله وبركاته ..

ابدأ يا اختي ، الوضع طبيعي جدا ..

وتحدث غالبا من البشر .. ويكون بسبب جلستنا الغير صحيح ،، فيكون الضغط على احد الشرايين او الاوردة فيقل تدفق الدم ..

ومجرد ما تتحرك وتغير وضعيتك يخف الضغط على الشريان والوريد فيتحرك الدم .. ويزول التنميل ..

وفالك العافية ..

انا نفسج مريت بهالشي و عقي سويت صورة لرقبتي فقال الدكتور فقرات الرقبه مضغوطه على بعض نفس ما قال اخوي سر القلم كثر القعده فالمكتب و الطريقه الغلط فتضغط عالاعصاب و تسبب التخدير ان شاءالله ماعليج الا العافيه

اصعب شوي الواحد يكون فيه الوسواس ويمر بهالامور انا اقولج عادي و سالت الدكتور لكن اذا جاني التنميل الوسواس ياكل راسي الله يشفينا جميع

اشكر لك ردك واهتمامك
احيانا حتى لو مشيت اشعر باحساسه او وجوده في جسمي بس ارحم من لما اكون جالسه

لكن ممكن صح بسبب الجلوس ووو لكن ليه اول اجلس ساعات وعادي الان لو نصف ساعه احس فيه

احيانا ما افكر فيه حتى اذا قلنا وسواس ... الا اذا قلنا انه هذا هو الوسواس حتى لو غافل عنه هوا يجي يذكرني لو كنت ناسيه

الله يطمنك

يعني سالفه التنمل ماهي مخيفة او امر خطير

يعني هذا الامر طبيعي بسبب نقص فيتامين او بسبب اعصاب وفقرات ...

* مثل ماذكرتي المشكلة الوسواس يخليك تدخلي في توتر وقلق وحزن ووووووو مايحتاج اقول اللي مر بالوسواس والقلق يعرف

احياناً التنميل يكون بسبب التهاب في الاعصاب

نقص فيتامين ب المسؤول الاول عن التنميل

بالضبط مثل ماقالت منو التنميل احد اسبابه نقص فيتامين ب انا من كم سنه جاني التنميل بساقي اليسار وخفت بصراحه وبعد التحاليل قالي الدكتور خذي فيتامين ب تحديدا نيوروبيون واخذته حوالي شهر واختفى التنميل تماما الحمدلله .. التحسن بدا قبل شهر لكن ما اتذكر بالضبط كم الفتره .
الان رجعت اخذ فيتامين ب كمكل فقط لكنه ممتاز .
لاتخافي احيانا اقسى الاعراض يكون سببها جدا تافه لكن مشكلتنا الوسواس ومراقبة اجسادنا هي اللي تكبر الشي ونضخمه بالتالي ندخل بالخوف والوسواس .

أنا عندي التنميل وبرودة الأطراف من يوم جاتني نوبات الهلع وأحيانا في بعض المواضع الجلوس الخاطئ وهكذا
الأمر بسيط وطبيعي بس صار فينا وسوسة مرات نخاف نقول إيش السبب وندخل بدوامة البحث عن السبب

الله يعطيكم العافيه يارب جميعااا

شكرا لكم ولردكم ... طمنتوني الله يطمنكم ...

الله يشافيينا جميع من الوسواس والقلق يارب بحق شهره الفضيل

ااااااااااااا