حديث النفس او الكلام اللي بالراس
 

السلام عليكم
تقبل الله طاعتكم و صيامكم

انا صايرلي فتره احس مثل الشي اللي يتكلم براسي على طول

يعني اليوم وحده تقولي سالفه حزنتني وزعلت على الشخص لكن في شي بداخلي يقول احسن صار جي وخفت من هالتغكير يعني قعدت اقول ليش جي قلت شو هالحقد الموقف صعب جدا و كل مره على شي
يعني مثلا خواتي يتكلمون ماعرف مثل الشي اللي براسي يقول كلام عنهم و اكون مب قاصدتنه صرت ماحب اقعد مع حد حتى وقت المغرب اقول اخاف اقعد وقت الفطور و ادعي على حد في قلبي بدون قصد و يستجاب احسن اتم بروحي لان وقت الفطور كل العاييله متجمعه و ساعات اتنرفز من ازعاج الاطفال و اخاف ادعي


هل هذا طبيعي مع الوسواس او حد مر بهالتجربه لاني مالقيت شي بالنت يفسرلي هذا الشي

اولا الدعاء لازم يكون منطوق باللسان لا يوجد شيء اسمه انك تدعي بقلبك ويستجاب فاطمني وطنشي الافكار دي
وانا موضوع الكلام اللي في راسي ده عندي من زمان من قبل ما اعرف اي شيئ عن الوسواس من وانا صغيره بس كنت اطنشه واتجاهله لغاية ما انتهي بس لما جاني الوسواس رجع تاني بس بطنشه كمان وما اهتم بيه

بقولك العلاج وصدقيني ولا تضحكين
اذا بدا الكلام يتكرر في راسك اشتري علك ( لبان )
وكليه ويختفي فقط

طمنتيني كنت خايفه انه يستجاب اذا بالراس لاني صرت ماحب اقعد مع حد

الله يشفينا جميع يارب

المشكله اني طول الوقت صرت اقعد بروحي اكره قعدة الناس مع اني في بيت امي بس دايما بروحي في قسمي

الله كريم بحاول اشغل نفسي بالناس

اذا جاك تكرار الاشياء في الراس كلي علك مثل ماقلت لك
جربي وادعي لي

اخوي جاه فتره هالتفكير وراح منه الحين طايح في فكره وسواسيه جديده اخ بس الله يشفيه يارب الوسواس لازم الواحد يقهره والا يستولي على العقل تماما ، يعني هذا مجرد مراقبه زايده عن اللزوم حتى لحديث النفس وهذي وساوس وليست حقيقه

حاااااولت بس ماقدرت لاني اصلن ما اكل علك يعني يا دوب خمس دقايق اكمل لين استفرغه ماتقبل لاني ما اكله من انا صصغيره وابحين الوسواس ياكل راسي حاولت جربت انواع علك كثيره ماقدرت اتقبله شو الحل :( تعبت من كلام راسي حتى عيالي قمت اروح بعيد عنهم احس انه اذا سوو شي بدون قصد حد يدعي عليهم بقلبي اخاف اقوم ابكي مع اني متاكده لساني مانطق بالدعاء

لاحول ولاقوة الا بالله العلي العظيم ماعرف شسوي شوي و بتينن

المصيبه انه مخي شغال صار 24 ساعه اذا حد تكلم عن عياله افكر بعيالي اقول يمكن حسدتهم يمكن دعيت عليهم اخاف بدون قصد قلت شي بقلبي
كارهه نفسي احس بتانيب الضمير لاني طول اليوم اتجنبهم من هالتفكييير

اذا انتي قد قريتي عند شيخ وقالك مافيك شي
توكلي على الله واعرضي نفسك على دكتور نفسي
وباذن الله العافيه قدامك

والله ياخوي عرضت نفسي ع مشايخ و قالولي عين قويه قديمه سببت مس و اتعب ويغمى علي بس المشايخ اللي عندنا حدهم يقرون ربع ساعه ومتعب الموضوع كل يوم اروح ربع ساعه و يوقف و كلمت واحد سعودي من منتدى قال لازم تسيطرين على نفسيتيج لو بحبوب نفسيه عشان العارض مايستقوى عليج يعني علاج نفسي لاازم و ان شاءالله اشوف بعد رمضان اروح لدكتور نفسي يعطيني حبوب اهدا شوي ومشكوور

اختي اذا تتعبين مع القرايه ماتحتاجين علاج نفسي
تحتاجين قرايه ورقيه
وتقرين سورة البقره كامله كل يوم

اخوي بن دايم انت سمعت دكتور نفسي اظن اسمه عبدالحميد او عبدالرزاق يقول المريض النفسي ممكن يوهم نفسه انه مريض روحي و حتى الرقاة مايفرقون انه ساعات يدخل فالجو و تصيرله رداه فعل مع القراءه مثل الاغماء و الصراخ والبكاء و الضرب وانا بديت افكر يمكن انا المرض النفسي مأثر علي و هاي كانت ردت فعلي انته شو رايك بهالكلام لان احس اعراضي نفس اعراض مريض الوسواس القهري يمكن

مع انه مرات اتاكد اقول هاي عين و مرات اقول لا مرض نفسي و ضايعه بين شتات الامر
وطبعا انا سورة البقره اقراها بنية الشفاء لكل شي بس حابه اعرف انا وين يعني هل اتعالج نفسي او ابدا بالعلاجات مع الرقاه ومثل ماقلتلك قال احد المشايخ العلاج النفسي ظروري لمرضى الروحيين عشان يهدون انه حبوب مهدئه عشان العلاج ينفع معاهم

اسم الفيديو تلبس الجن في رأي الطب النفسي الدكتور عبدالرزاق الحمد هذا الفيديو اللي خلاني افكر بحالتي اكثر مع اني جدا اتاثر عند الرقاة