مساعده فضلا لا امرا
 

اليوم لي اربعه ايام من استخدامي البرنتلكس حاسه بتوتر ودوخه خفيفه وتململ والم خلف الراس نو قوي بس مزعج .
هالشي طبيعي والا فيني شي ؟ قست ضغطي مرتفع هل من الدواء والا من الخوف ؟

الادويه النفسيه عادة ماتكون لها اعرض جانبيه في البدء كالتوتر والرغبه في الانتحار والصداع والخمول والنعاس والالام العضلية ربما ..

اذا لم تزل الاعراض في اقل من اسبوع .. راجعي الطبيب

واقري مقالي عن العلاج النفسي وطاقة الجسم قسم التجارب الشخصية

ما شاء الله ،، تبارك الله ..

نعم طبيعي ،، ولا تخافي من ذلك ..

وارتفاع الضغط عندك بسبب التوتر والخوف ..

لذا انصحك تمشين فترة من الوقت .. فتلاحطين ان ضغطت رجع طبيعي وخف الم الرأس

بسبب تنشيط الدورة الدموية ..

وفالك العافية بإذن الله تعالى ..

الله يطمنك سر القلم والله لو تشوفني لابده على الكنبه مابي اتحرك اي حركه تدوخني وارتاع .
الاعراض تطول سر القلم ؟ احسب الدنيا مزح اثر الموضوع جد 😁😁😁
كنت اغني قبل يومين وطلع الغناء مع خشمي 😂😂😂

الله يسعدك يا قطرات في الدنيا والاخرة .. قولي آمين ..

بعد كم يوم رايح تغنين صدقيني .. تقولين يا الله ،، كم لي سنة وانا فاقدة الدنيا والحياة ..

ولكن اهم شيء ، اتخذي التجاهل سمتك هذه الايام ،، وعيشي حياتك ، لا تفكرين بقرارك ، او التراجع عنه ..

ان صاق صدرك تحركي ،، اعرفكم يا البنات تموتون بشيء اسمه تسوق (:

وفقك الله ،، وفالك العافية ..

امين يارب ياسر القلم ولك بالمثل ووالدينا ووالديك اجمعين .
ابشرك ماداني السوق بالذات برمضان ولا اداني الزحمه واذا وقفت عند الكاشير وشفت حرمتين قدامي رميت الاغراض وطلعت .عاد ومع هالحاله زاد كرهي للزحمه .
واكره ايام الاجازات وايام التخفيضات كره العمى عندي اخذ الشي دبل سعره ولا ادخل بخلية نحل وصوت زززززززززززز يوترني .
بجد الله يطمنك تعطيني دافع يشيل الخوف مني . مافكرت اوقف الدواء ابدا لاني شهور وانا ادرس القرار وحسبت ايجابياته وسلبياته والايجابيات اكثر .
اولا عمري خمسين سنه يعني ماراح اخاف اني اعيش طول عمري ع الدواء ولو عشت ع الدوا وش المشكله المهم اقضي ايامي براحه وبدون قلق .
ثانيا مايهمني موضوع الضعف الجنسي ابدا اللي تسببه الادويه .
ثالثا الوزن طمنوني كثير ان البرنتلكس مايزيد الوزن واصلا اذا تحسنت رجعت الجيم ان شاء الله وعملت رياضه مكثفه كارديو وايروبكس .عموما اكلي مو كثير ابد
الف شكر سر القلم الله يبارك لك في صحتك وحياتك

اللهم آمين واياك اختي الفاضلة ولك مسلم مبتلى يا رب ..

ما يطمئنني اختي هو انك مثقفة وتعين تماما الأمور ..

ولكن كل ما ارجوه ان لا تفترضي حدوث شيء فسيحدث ان الجسم دائما يصدق العقل ..

فلا تفترضي الضعف ولا زيادة الوزن ،، بل ارسلي رسائل ايجابيه لنفسك حتى يتحقق المطلوب ..

بعدين توك بنت ما شاء الله تعالى .. تبارك الله ،، الاهم هو القلب ..

وفقك الله ، وفالك العافية ..

امين يارب وياك وكل مريض يرزقه ربي بفرج من عنده

السؤال الاكثر شيوعا في بداية العلاج
لا طبيعي وانا اخوك استحملي من اسبوعين الى شهر
ولاتقوسين الضغط وخصوصا قياس الضغط في البيت

عساها اسبوعين واقل يابن دايم لأنها مزعجه بجد لكن راخ اتحمل وربي معاي بحوله و قوته .
المهم عندي اطلع من عنق الزجاجه اللي عالقه فيه من شهور .
الله يجزاك خير بن دايم ويسعدك ويحفظ لك عافيتك طمنتني