بدأت بتناول السيبرالكس..دعواتكم
 

الفحوصات العضوية سليمة من القلب الى الدم الى الغدة الدرقية الى الاذنين والمعدة ... .. اما التشخيص النفسي قلق توقعي حاد .. مخاوف و توتر .. اعراض هلع جسمانية .. رهاب جزئي بسبب الاعراض الجسمانية ... دعواتكم فدعوة الغريب بإذن الله مستجابة .

الاخوة الي جربو سيبرالكس 10 مع دوجماتيل كدواء داعم للسيبرالكس ارجوا وضع تجاربكم ......

الله يشفيك ياخوي نشمي

ماهي اعراضك بالضبط ؟

هل تعاني من خوف وقلق وتوتر
ام فقط اعراض جسمانية

غدا اجمل .. انا اعاني من دوخه خفيفه وعدم اتزان بالاضافة الى قلق وتوتر وخوف واكتئاب بسيط .. ورهاب ساح جزئي .. وتم وصف سيبرالكس 10 وإن شاء الله خير .

على بركة الله مستر نشمي الله يشفيك ويعافيك وتشوف اجمل ايام يارب

اختي قطرات الندا .. أشكرك على كلماتك اللطيفه ، انتي من الاعضاء الذين تشرفت بمعرفتهم جدا ،، وأسال الله الكريم مثلما جمعنا على مرض أن يجمعنا على الشفاء ..

الله يسعدك ويبارك بعمرك مستر نشمي وانتو كنتم خير داعم لي بعد الله ابشرك اليوم فيه تحسن بسيط لكنه مريح واسعدني عقبال ماتبشرنا بسلامتك .

الدوجماتيل ممتاز جدا للاعراض النفسوجسدية
لكن بجرعة 100 - 150

يعني حبتين
حبة صباح وحبة مساء
او 3 حبات
حبة بعد كل وجبة
من تركيز 50

انا من 7 سنوات على الدوجماتيل
وهو ممتاز جداً للتوترات الخفيفة
والقولون والدوخة

السيبراليكس استخدمته شهرين
ماجاب معاي نتيجة ابد
وحولت ع البرستيك وبرضه بدون نتيجة
واخيرا السيروكسات وكان ممتاز معاي
والأجسام تختلف
ممكن ماناسبني ويناسبك

حبيت افيدك بتجربتي
وقدامك العافية

ربنا يتمم شفاؤك وشفاء كل مريض .. أسعدتني بتحسن حالتك .. والحمدلله الذي لا يحمد على مكروه سواه ..

ما قصرت يا طيب .. شكرا لك واسأل الله ان يتم شفائنا جميعاً .

مستر نشمي طمنا عليك وكيف سير الدواء معاك عسى ماتعبك ؟ وحتى لو تعبك تحمل معليش كلها ايام وتحس بالعافيه وتعرف طعم الحياه بحول الله وقوته .
احنا موجودين وكلنا معاك اي وقت وأي سؤال انا حاضره .

الحمدلله أشعر بان الدوخة خفت نوعاً ما ، وتحسن قليل بالتركيز لا بأس به ، حالياً المشكلة هي القلق والتوتر وعدم الاتزان ، اما تأثير الدواء الجانبي أشعر بتنميل بأطراف الاقدام ولا اعرف ان كان سببه الدواء ام لا ولكن اعتقد انه من الدواء وأحيانا اشعر بغثيان بالمعدة وتعب بالجسم وكأنني أريد الاستلقاء ،،،،،، بجميع الاحوال تأثيرات الدواء الجانبية لن تكون أشد من المعاناة التي نمر بها ..

أشكرك على السؤال واتمنى منك ان تطمنينا على حالك كل وقت وحين .

ابشرك مستر نشمي اليوم وامس ابتديت اشعر اني ارجع انا حقة زمان الدوخه خفت ٦٠ بالميه تقريبا لله الحمد والمنه والتوازن افضل بكثير كثير من قبل والهدوء النفسي يالله قدرني على حمدك وشكرك يارب .
التنميل مريت فيه تقريبا بعد اسبوع من استخدام الدواء يجي ويروح والغثيان كثير عانيت منه بس هاليومين احسن والقلق زاد عندي من ثالث يوم لدرجة صرت اضغط على اسناني بس ماطولت هالفتره اما التعب والوهن هذا اللي كنت اشتكي منه الى قبل امس من كثر التعب وطول الوقت منسدحه صار جسمي يوجعني لكن من امس يارب لك الحمد احسن .
الحمدلله انك عارف سير الدواء هالشي مره مهم ولتتخاف من اي عرض جانبي ترى يمكن تجي اعراض جديده تخيرك لكن لاتخاف منها ابدا تختفي بسرعه بس ضروري حوارك الداخلي مع نفسك وتطمين النفس عشان تعدي الاعراض بسرعه .
انا مريت فيها كلها ولولا الله سبحانه ثبتني ثم انتم هنا كنت تركت الدواء لكن الحمدلله حمدا كثيرا طيبا مبارك فيه .
ملاحظه : مستر نشكي ترى ممكن تخف الاعراض وتنبسط ويجي يوم تزيد لاتخاف ابدا عاااادي انا حصلت معاي .
سلامتك من كل شر

الله يسلمك خيتو .. الحمدلله على سلامتك وربنا يتمملك شفائك .. بسألك .. القلق يزيد عندك خارج المنزل ؟ ام اعراضك في المنزل او الخارج ما تختلف شيء ؟

انا الاحظ اني ما اهتم بشكل كبير للاعراض وانا في المنزل ولا تخوفني و لكن خارج المنزل يبدأ الخوف والقلق يزيد نوعا ما والاعراض احسها تزيد ،،، مثل حالتي ؟

(الاعراض اقصد اعراض المرض بشكل عام وليس اعراض الدواء)

ايواااا بالضبط مستر نشمي
امس كنت طالعه عند صديقاتي جاني توتر قلقت وحسيت شوي بدوخه وكنت ناويه ارجع البيت بس البنات قعدو يسولفون وانا اكلم نفسي اقول طنشي طنشي وبالفعل خف القلق
الاعراض تجيني بالبيت وبرا البيت بس بالبيت اتحملها وتروح بسرعه تدري ليه ؟ لاني حاسه بأمان بالبيت .
قالي الدكتور انتي تخافين من فقدان السيطره وبالفعل تجيني نفس الاعراض بالبيت ما اقلق منها كثير زي لما تجيني وانا برا البيت لما تجيني وانا برا البيت حتى معد اعرف اتكلم مع احد وجهي يسخن ويصير احمر ودقات قلبي تزيد واحس راسي يلف بسرعه وماعندي اي توازن .
بالبيت تجي بس على طول استرخي وانسدح واقعد اتنفس بهدوء تاخذ دقايق وتختفي .
اللي يطفشني اكثر شي الوهن احيانا احس فجأه رجولي ماتشيلني ارتخت وصار بي زي الهبوط .
امس ماجاني الا دوار بسيط وقلق بسيط مثل ماقلت لك ولما طنشته اختفى وكملت قعدتي عند صديقاتي .
الية التطنيش غريبه ماعرف كيف اوصفها بصراحه لكن بالبدايه لازم طلعاتك تكون مع احد يعرف حالتك عشان تحس بالامان .
مهم جدا المقربين يعرفون يتعاملون معاك بمعنى مثلا لو تعبت والا قلقت مهم انهم مايضغطو عليك اجلس ولاتروح انا الالحاح يزيدني ولما صديقتي تقولي اللي تبين تبين نقعد او نمشي اللي يريحك بالفعل ارتاح .
الية عمل العقل الباطن عجيبه لازم يحس بالامان والا الحياه كلها تتلخبط

برافو واصل على العلاج وممكن يزيده لك الطبيب الى 20 افضل كمان