الم رأس المعدة
 

عيدكم مبارك وتقبل الله طاعاتكم جميعا

كنت أعاني من جرثومة حلزونية وأخذت العلاج الثلاثي وبعد ما كملت العلاج فحصت الجرثومة ولَم تعد موجودة واستمريت على دواء نيكسيوم 40 لمدة شهر إضافي. والآن توقفت عن أخذ الدواء بناءا على وصف الطبيب.

لكن بعد التوقف وبدأ فترة العيد بدأت أعاني من حرقة والآلام في رأس المعدة.

ماذا يجب ان افعل؟

زمان لما كنت اعاني من القلق والهلع
كان فيني التهاب في الجهاز الهضمي وخصوصا المعده
لدرجة اني لاضغطت على المعده احس بالنبض والم شديد
يويت كل مايطري على بالك وكل شي اختفى بعد مااخذت العلاج النفسي
بالتوفيق

فتره و تعدي لان المعده مازالت حساسه و الضغط النفسي يزيدها طبعا لانه يفرز حمض و النيكسوم كان مهبط لهالحمض انا خذت شهر لين خف عقب مهبط البروتين بس كل ما اتضايق او امر بضغط نفسي يرجع نفس الالم

انتيه عالاكل

اشكرك اخوي على الرد، كم صارلك مع العلاج وايش هو وكم الجرعة الي توخذها؟

انا ناوي ابدأ بالعلاج ولكن محتار الطبيب وصفلي سوليكس وطبيب ثاني أعطاني زيلاكس وطبيب ثالث أعطاني زولفت

راجعت 3 أطباء نفسيين وكل واحد أعطاني شكل وانا ما أخذت منهم شي

هذي نصيحه لك ياحاير
لاتروح لعدة دكاتره ركز مع دكتور واحد فقط
لانك لو رحت لدكاتره كثير راح تفتح باب اكير للقلق

اشكرك على النصيحة ان شاء الله احاول أخفف اكل واتجنب الاكل الي يتعب.


الحمدلله

والله انك صادق صار عندي شك في الطب والأطباء

الله يشفيك ويعافيك

تقبل مروري

اللهم آمين يا رب العالمين

الله يعافيك ياخوي

تصدق النفسية لما تتعب أول شئ يتأثر المعدة سبحان الله قلق او ضيق ع طول تبدأ الاعراض حموضة ضيقة وشعور بإمتلاء المهم سلامتك وركز تبعد عن المنبهات قهوة شاهي إلخ ... والتوابل والبهارات الحارة تؤثر عليها وقدامك العافية يارب

الله يسلمك يا رب، انا القلق متعبني كثير والله يجيب الي فيه خير

الله يسعدك

عالج القلق وبإذن الله تزول كل هذي الأعراض

شلون أعالج القلق؟ تنصحني بطبيب نفسي كويس؟