هل تقدر تكون مسؤؤل عن عزيمه وتستقبل الناس وتأم الناس
 

هل تقدر تكون مسؤؤل عن عزيمه وتستقبل الناس وتضيفهم وتصب لهم الشاي والقهوه وتسولف والمجلس فيه حول ٢٠ شخص

وهل تقدر تكون موظف وتكون مسؤول عن الموظفين الي معك وتطلب منهم أوامر
وهل تقدر تام الناس للصلاه وخلفك ١٠ أشخاص أو أكثر
اذا تقدر معناها مبروك انت انسان طبيعي

قصدك انسان خارق

انت عايش في عصر قبل 30سنه

وين رجعت فينا للوراء

نحن في عصر ترفع السماعة وتطلب قهوجيين يصبون عنك

ومطعم يعشي ضيوفك وانت متكئ بين ظيوفك

وطاقم الضيافه يقوم بكل شي


انا مدري ليش حامل الدنيا فوق راسك ومحمّل نفسك فوق طاقتها

ابن انت من دعاء الرسول ربنا ولاتحملنا مالاطاقة لنا به

كيف يتعدل حالك ونت تنشر السلبيه في كل موضوع وكل رد

غير من حالك علشان يتغير حالك

الله يقول ان الله لايغير مابقوم حتى يغيرو ما با أنفسهم

صبري تبي الرهاب يروح ؟
كل شي تخاف منه سوه
مره وثنتين وعشره مع الوقت راح يختفي
نعم صعب لكنه اقوى واسرع علاج

مستحيل......

مافيه شي مستحيل

حاول تخوض هالتجارب و تحدى نفسك اذا كنت ما تقدر تسويها
زي ما قال بن دايم علاج الخوف المواجهه
و بعدين انت مانت موظف حسب اللي فهمته منك ليه خايف حتى انك تشتغل او تكون مسؤول ان شاء الله ربي حيكرمك بوظيفه طيبه و تكون اهل لها .
حاول تحتك بالناس و تخرج حاول تكسر عوايدك و روتينك
لو مع صاحب واحد و تدرج كبر دائره معارفك اخرج امشي و اتكلم مع الناس صدقني ماهم عارفين ايش فيك و ايش تعاني
اعمل نفسك مافيك شي و اظهر قدامهم مافيك شي .
مشكلتك يا صبري انك متقوقع القوقعه هذه خلتك تنظر لهالامور بهذه الشكل جالس للافكار و الوسوسه و جلد النفس و الندب .

أنا ماسوا ولا شي انا زياده عدد عالفاضي
أقسم بالله انا فاشل فاشل فاشل
مش من الان من عام ٢٠٠٠ يااااه عمر وأنت فاشل انا مستغرب ايش مصبرني اخ لو اقددددر على الي فبالي وارتاح اقسم بالله الحياه لاتنفع للي مثلي انا طاقه سلبيه سوداء انا روح حرام تتواجد فالدنيا

كلامكم كنت اتمنى اعمله لاكن لو تعلمون مافي داخل دماغي من تلف احس بجد وكان اسلاك مفصوله والتماسات انا ماحب اكون كذا لاكن ليس بيدي التغيير لو بيدي ماتاخرت دقيقه على العذاب

لا ياصبري منت فاشل
لازم يكون عندك رضا بقضاء الله وقدره لازم وهذي اول خطوه
والشي الثاني انت ابحث عن العلاج اقرا كتب عن مشكلتك لاتستسلم حارب وقاوم
كثرة الكلمات السلبيه تهدك هد ماينفع تحبط نفسك بانا فاشل الخ
تذكر مافيه احد راح يوقفك من سقوطك بعد الله الا انت

يكفي تجلد نفسك بهالكلام و تستمع لوساوس الشيطان اللي يسعى ليحزنك و يضعفك لابد تكون واثق من نفسك و تحب نفسك و تبر نفسك اذا انت ضد نفسك و تعذب نفسك و تجلد نفسك ليش زعلان على الحال و تندب عليه و على وضعك و على المرض و الناس لو بدات من نفسك تساعد نفسك صدقني انت حالتك يبغالها جهاد مع النفس و تقوي ثقتك بالله ثم في نفسك والله يا صبري بإذن الله بيتبدل حالك لانك لو اخذت ادويه الدنيا و الاخره وانت بهالشكل عمره وضعك ما حيتغير و حتبقى معذبها بطريقتك هذه .

صدقوني يااحبايبي كلامكم مارح يغير شي في مواقف تحصلي تاكد كلامي انا لست مثل البقيه للاسف الكبير اعتقد طول مده المعاناه زادت الطين بله رغم اخذ حبوب ومحاولات العباده لاكن لااعلم الغيب ولا اعلم ماتخبي لي الايام
مشكلتي اني لا أرضى أن أكون اقل من غيري وفي اشياء سهله للغير ولاكن عندي وكأنها مصيبه وامتحان كبير وهذا سبب زعلي الشديد
شكرا لتعاطفكم

انصحك تدخل دورات تنميه بشريه وتطبيق كل التمارين اللي بالدورات .
هذا اسمه عدم استحقاق وله تمارين فعاله .
الانسان عباره عن مرايه ومرايتك هذي تعكس الخارج مثلك تماما بل وحتى الاشخاص يصادفونك بمشوار الحياه مثلك تماما .
ان الله لايغير مابقوم حتى يغيرو ما بأنفسهم
الطيبون للطيبات والخبيثون للخبيثات .
ان الله لا يظلم مقدار ذره .
الله حرم الظلم على نفسه .
ان اتاكم خير فمن الله وان شر فمن انفسكم .
ادله كثير من القران والسنه لكننا لانتدبر ابدا .
كيف تبي ربي يساعدك وانت ماتبي تساعد نفسك .
كيف تقول ما ارضى اشوف احد احسن مني ليه هل انت موزع الارزاق والنصيب والصحه ؟
انسى العالم من حولك ومين احسن منك ومين اسوء
عليكم بانفسكم .
حب نفسك عشان الناس تحبك واسعى عشان ربي يجزيك خير على ماسعيت .
اكيد كلنا كاعضاء بالمنتدى مانشعر بما تشعر به صحيح نتمنى نساعدك لكن الحقيقه كل شخص يطلع من المنتدى ينسى من فيه ويفكر بمشاكله وحياته يمكن حياتك صعبه ويمكن انت مصعبها .
يمكن مشاكلك مامرت على احد ويمكن انها تافهه
يمكن انك تعاني من اكتئاب حاد ويمكن انت اصلا نظرتك سوداويه سلبيه
يمكن ان ربي موفقك بمليون فرصه لكنك لاترى الا بعين واحده .
يمكن ان حياتك ازمات والاكيد انك احسن من غيرك
يمكن ان حياتك تشقلبت من عام ٢٠٠٠ رأسا على عقب ويمكن الحل ابسط مما تتصور .
يمكن ويمكن ويمكن
انا مالومك ابدا لأني متأكده انك تتألم بجد لكني اشعر بأن هناك شيء غلط في تفكيرك .
الله يفرج عليك وعلى كل روح تتألم
لاتعتبر هالرد هجوم عليك لا ابدا اعتبره دعوه مني لك عشان تنفض غبار التحسر والشك واليأس وتبدأ من جديد لعل الله يفتح لك باب ماكنت تحلم بحياتك انه ينفتح .

المشكلة أن الجسم يبدأ ياخذ وضع الدفاع مباشرة
وتهرب وتتهرب
بعدين تندم وتقول ياليت واجهت مخاوفي

عن نفسي ممكن لكن بشرط أحد يغصبني هههههههه
توليت مسؤوليات في عزائم واستقلبت وقلطتهم على العشاء
وصرت إمام أكثر من مرة في صلوات سرية وجهرية
وكلها لأني تورطت وإلا أنا ماتشوفني على طول أهرب

لكن كيف كان الأداء؟
مو زين.. مرتبك ومتوتر ومتردد وأخربط
وضربات قلبي قوية وأتنفس بسرعة ورجفة في الجسم
وأفكر بس بالهروب
و أجلس أفكر ليش أنا كذا ومتى أرتاح من هذا المرض

اللي عنده أحد يشجعه تراه في نعمه