نفسي اعرف اتبسط
 

ياجماعة ياريت اللي جرب اي حاجة تحسن المزاج وتكون حاجة طبيعية يقولنا عليها انا حرفيا مبقاش في اي حاجة بتبسطني ولابتفرحني مهما كانت انا طبعا عندي وسواس موت بقالي سنتين بالاضافة لنوبات الهلع ونفسي احس اني مبسوطة المفروض اني كنت مسافرة بغير جو في العيد ومعايا اسرتي وكلهم كانو مبسوطين وانا الوحيدة اللي عادي مفيش حاجة مأثرة فيا بالعكس كنت حاسة اني مدايقة وعايزة ارجع البيت تاني مش عايزة اخرج ولااشوف ناس مع ان انا اللي كنت بطلب من زوجي اني اسافر واغير جو لكن كنت حاسة علي طول اني مخنوقة وعايزة اعيط نفسي اعرف اتبسط بجد انا كنت زمان اي حاجة بسيطة بتفرحني جداااا دلوقتي مبقاش في حاجة بتأثر فيا نهائي مع اني بحاول والله

نفس احساسي وكنت لسه بقول لجوزي اني مش مبسوطه ومش عارفه ليه ولا ايه السبب مهما عملت

مشكلة الهلع عدو السعادة لكن مع الدواء يتغير الحال جربي الطب النفسي ربما 50 ف المائه او اكثر ترتاحين من الضيقه والخنقه

والله امنية حياتي اروح لدكتور نفسي لكن للاسف امري مش بإيدي ومحدش موافق علي الموضوع دة واولهم زوجي وعاملين اني بدلع ومفييش حاجة فكرت كتير اروح من وراهم لكن للاسف حتي نزولي من البيت صعب بسبب ان معايا اطفال صغيرين ومحدش حاسس بيا للاسف

انا من قبل الوسواس وانا عندي موضوع عدم السعاده ده وبفكر كتير في سبب ده يعني ذنوب مثلا ولا عدم رضا ولا ايه

جزاك الله كل خير وربنا يشفينا جميعا يارب ويجعل تعبنا في ميزان حسناتنا

طيب هنا مو في استشاريين ليه ماتكلميهم

الموضوع باذن الله سهل جربي نفس اللي سويته انا
اتجهت للدكتور النفسي اعطاني علاج والتزمت فيه التزام تام تشافيت وبعدها تركت العلاج
المسأله باذن الله سهله بس تحتاج الى الإقدام

انت الان تركت العلاج؟ يعني اذا الواحد مشي مع الطبيب في علاج معين ممكن يوصل لمرحلة ترك العلاج ويستفيد منه 100%

وهذا اللي صار معي ولله الحمد

ما شاء الله والحمدلله، هذا الشيء يعطينا دفعة قوية للأمام يا رب يتمم عليك صحتك وعافيتك ويجعلك من السعداء في الدنيا والاخرة

الله يتمم عليك يابن دايم فعلا بطل وقدرت تقاوم الاعراض المزعجه بعد ترك الدواء عقبال ان شالله ماتكتب تجربتك لنا كامله بعد عدة اشهر ان شاء الله

بسمع كتير أنه بيكون عدم رضا بس مبقاش في اي حاجه تساعد على إننا ننبسط يمكن كثرة التفكير هي اللي بتخلينا تعبانين ومش مبسوطين ويمكن إننا مبنعملش حاجه بنحبها

الدواء بيفرق جدا وانا حسيت الفرق ده مع مضادات القلق بس لما بطلتها جالي وسواس 😁
انا كان عندي قلق ونوبات هلع من وانا في ثانوي بس حاليا بقى كوليكشن قلق مع وسواس