بتعالج بفافرين محتاجه مساعده
 

السلام عليكم انا تعرضت بعد ولادتي لنوبه هلع وخوف من الموت مرتبط بموت امي تجاهلت الامر وروحت لدكتور نغسي كتبلي ادويه رفضت اخدها وكنت بخاف انام لاموت وبعدها تحول الخوف من الموت بعد ما هديت من الفكره لوسواس نوم اني مش هعرف انام وازاي احنا بننام وان اولادي لو صحيت مش هعرف ارجع انام تاني لمده 7 شهور الحال واحيانا كنت بسيطر واخيانا افشل وبعدها بدا الوسواس يزيد ومتابعه التنفس روحت لدكتور وقررت اخد دوا وكتبتلي فافرين وارتحت جدا مع جرعه 50 كان شيئا لم يكن ثلكن كثره المشاكل من افراد عائلتي انتكست حالتي وتم تزويد الجرعه ل 100 مع نزويد الجرعه بدات احس بان راسي تغلي ومقدرش انام واخدت منوم وبعد اسبوعين بدات الوساوس تهدي ولكن كل ما اسيطر علي وسواس يظهرلي وسواس جديد الدكتوره قالتلي انه بيحاول محاولاته الاخبره وزودتلي الجرعه ل 150 امس بعد مرور شهر من اخر جرعه حاولت انام بدون منوم لقيت الخوف من النوم واني معرفش انام وسواسي القديم مسيطر عليه تعبت وانقهرت واخزت منوم وحالتي حاليا صفر امتي فافرين هيشتغل علي وسواس وخوف النوم والوساوس الخارجيه هتختفي ولا ايه انا بدات علاج بكل الجرعات من بدايتها بقالي حوالي شهر واسبوع امتي كل الوساوس دي هتختفي وهل محتاجه مده لحد ماتروح

نفسي افيدك بس اول مره اسمع عن الدوا ده
بس هو السؤال امتى هيختفي الوسواس بشكل طبيعي للاسف محدش فينا قادر كلنا بنحاول بس المحاولات غالبا بتفشل والله وحده اعلم هنقدر ولا لأ بس بأمر الله هنقدر اصبري ولا تيأسي

وعليكم السلام ورحمة الله وبركاته ..

بداية ، كان أول مرضك هلع وخوف من الموت .. لذا هو المتهم الاساسي والذي بمجرد التغلب عليه

سينتهي كل شيء بأمر الله تعالى ..

الفافرين من اجمل الادوية النفسية والمضادة للوسواس بالدرجة الاولى والاكتئاب والقلق بالدرجة الثانية ..

ولعلاج الوساوس فالجرعة تكون من 200 الى 300 جم ..

اما الجرعات التي دون ذلك تكون مفيدة اكثر في الاكتئاب والقلق ..

لذا اتمنى منك لا تراقبين نفسك واشغليها في ادارة البيت والعيال وعدم القيلولة ابدا لاستنزاف طاقتك ، حتى تتمكني من النوم المريح ..

واطمئني فالدواء رائع جدا وسليم وآمن ..

وفالك العافية ،، وطهور ان شاء الله تعالى ..

تسلم يارب الله يسمع منك والله انا كان وسواس خوف من الموت بوسط العلاج لقيت الوسواس بيتحول لكيف يرمش العين وبعدها الدكتوره ذودتلي الجرعه ل ١٠٠ راح الوسواس ولكن جالي وسواس تاني وهو ان انفي مصايقني ومش عارفه اشوف منه طبعا اشياء لا تعقل بدات احس بالياس ان الوسواس كما قالت الدكتوره عمال يهرب في اي شي وانهرت واكتئبت ورفعت الحرعه ل ١٥٠ من ٣ ايام وبعدها اليوم بدات اخاف من الوسواس وانه كل شويه يطلعلي بشي جديد بدات الافكار السلبيه تجيلي وبقيت خايفه يجييلي في الصلاه واشياء اللي كنت بقراها من الاعضاء بقيت اتوهم الوسواس مش هيسبني

اللهم امين ربنا يرفع عننا جميعا الوسواس شي متعب فعلا انتي بتتعالجي منه بقالك كتير

عليكم السلام .. هذا عرض من اعراض الذهان مايسمى وسواس تبين ترجعين مثل اول طبيعيه ويمكن احسن بعد. ولا تفكري بشي اسمه مضاد اكتئاب

حسب قوانين المنتدى يمنع وصف الأدوية نرجوا الإلتزام بذلك وشكراً لك

تصدقي انا كمان عندي وسواس الخوف من الموت
والخوف من النوم واحيانا قبل النوم اعد افكر واقول ازاي احنا بنام
ووسواس مراقبه القلب
الله يشفينا يارب