ماذا افعل من ال
 

السلام عليكم
ماادري كيف ابدأ لكن قسم بالله قلبي محروق والله بس ابي افضفض لان فيني غبنه تكسر القلب ..انا زوجي طلقني بعز مرضي وتركني وانا بعز حاجتي له وعندي منه اطفال واختلق اعذار وكلام عشان يبعد وكذب علي وتفاجأت بطلاقي كان يعشقني حد الجنون ولكن مجرد مامرضت خلاص تدريجيني تركني القهر اني عرضت عليه يتزوج ولكن لايطلقني ويشتتني انا واطفالي لكن طنش كلامي وطلق اه اه اه من ٣ سنوات تقريبا هالكلام واولادي كبرو بعيدين عن ابوهم الاطفال كلهم حولين ابهاتهم واطفالي دايم يسالوني ليه بابا مو عندنا والقهر يشتاقون له ويطلبونه وهو بين ٤ الى ٥ اشهر يجي يأخذهم ساعتين ويرجعهم لي ..طبعا بعد الطلاق بسنه تزوج وعايش حياته ومبسوط وانا ضيع مستقبلي وخلاني عرضه للكلام من جميع العائله غير نفسيات اطفالي حسبي الله ونعم الوكيل حسبي الله ونعم الوكيل الله يبلاه دمر مستقبلي حتى الان مستحيل احد يتزوج وحدة تأخذ حبوب نفسيه لان نظرة الناس مو ان وحدة فيها اكتئاب وتتعالج لان عندهم الحبوب النفسيه يعني شيء كبير ... لو خلاني بذمته وتستر علي ولميت عيالي وبيتي .. والحقير اختار وقت انتكاستي وطلقني معقوله فيه ناس قلوبهم حجر انا لو زوجي اللي مريض مااتخلى عنه لااخر قطره واكون له السند واعوضه فمابالكم لو لي منه عيال 😢😢😢😢والقهر اسمع عن حياته مع زوجته اه اه ياربي ياحبيبي تنصرني عليه وتعجل لي بالفرج تكفون دعواتكم لي بظهر الغيب والله اني محتاجة الدعوات انا وعيالي 😢

و عليكم السلام

هلا بك أختي محبة الرؤوف

أولا هذا ما عليه حسوفة و لا ينبكي عليه ، اللي ما له خير فيك و لا في عياله و باعكم من أول أزمة لا تزعلين عليه ، هذا شي


الشي الثاني

المشكلة في الطلاق تضرر الأطفال ، لأن كلا الأبوين يبي يشوف حياته مع شريك جديد .


بعدين بالله عيالك محتاجين لك اكثر من حاجتهم لأبوهم ، و لا تفكرين تتزوجين من أجل الإنتقام منه ، ما لهم بعد الله غيرك ..


و إذا على مصروفاتهم الدولة ما تتركهم بعد الله ، قدمي لهم و بتعيشون بخير بإذن الله


بعدين على إيش مستعجلة على الزواج ، ترى الرجال كلهم واحد مع احترامي ، انانيون و كلن وراء مصلحته و لا أحد يبي يشيل بذر غيره او يفكر فيهم و بمصلحتهم ، اذا ابوهم ما فكر فيهم ما أحد يبي يفكر فيهم .


اذا انا عندي مسؤولية اهلي المرضى الله يعافيهم الوالدة و أخواني و شايلة فكرة الزواج من راسي و قاعدة اتعلث كل ما جاء خاطب خايفة على مستقبلهم و انشغالي عنهم ، فما بال أطفال أبوهم باعهم و ما لهم بعد الله غيرك ،

غير إن الزوج لحاله مسؤولية و غثاء كأنه مجموعة أطفال في طفل و انت مجربة ، كيف أجل و صحتك يبي لها أصلا مداراة و رعاية غير الطبطبة على جروحك ..


أسأل الله الكريم أن ينصرك و يوسع رزقك و يعافيك و يحفظ لك اولادك و يرزقك برهم

اللهم آمين

وعليكم السلام ورحمة الله وبركاته ..

ثقي بربك الكريم الذي قال في محكم آياته : وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ (216) البقرة ..

جبر الله مصابك ، ويسر امرك ، ووفقك دنيا واخرة ..

ياشيخة ماعليه حسوفه ودام أنه ماقدرك مايستحق التقدير وانتي الله يرزقك بواحد احسن منه

انتي حافظي على الصلاه والدعاء وان شاء الله بتشوفين كل خير

الله يفرج همك ويجعل حياتك سرور كثري من الدعوات لانها اقوى سلاح

الله يفرج عليك و على عيالك.و يعوض عليكم خير و عافية و رزق.
اولا استثمارك الاول هو اولادك احرصي على تعليمهم و تربيتهم احسن تربية .و نركز على التربية الحسنة.
الثاني صحتك اطلبي من الله العوض الذي فيه خيرتك و مارسي حياتك .بما يتناسب مع وضعك.
اما الزواج اذا وجدت من يهتم بك و يتفهم حالتك و مرضك قبل كل شىء فلا ضير.و نسال الله الخير لك

الله يجزاكم خير ودعواتكم لي

نفس ما حصل معي ؛ لكن أنا لم يعلم هو و أهله بمرضي ؛ لكنهم كانوا متسلطين يحسبون زلاتي و يتبعون عثراتي ، و هو معهم طلقني لإرضائهم و هم يمنونه أنهم سيزوجونه بأحسن مني ، رماني انا و ابنتي و عمرها 5 أشهر ؛ حسبي الله و نعم الوكيل فيهم ؛ أعتقد الآن كما قالت الأخت لازم نزيل فكرة الزواج من رؤوسنا و نتفرغ لحياتنا و صحتنا و أبناءنا ، صدقت أغلب الرجال أنانيون ؛ المجتمع أعطاهم حق التجبر و التسلط على المرأة ، اذ كيف يزوجون زوجك و يعطونه ابنتهم دون ان يحاولوا معرفة لماذا طلق الزوجة الأولى و رمى أولادها؟؟!!

كرري : وأفوض أمري إلى الله ، إن الله بصيرٌ بالعباد ... بعدين فيه شعور متضخم يجي عندنا في مثل هالمواقف ، مثلا يتسرب الى نفسك أن وضعك أسوأ شيء ووضع الآخر أحسن شيء . هذا شعور متضخم يتجلى في مثل هالمواقف وهو أمر مبالغ فيه ، فكري بالايجابيات اللي عندك وأنك ما تعديتي على أحد هذا بحد ذاته نعمه عظيمه ..

اصبري ف ان شاء الله سيعوضك يوما ما, واعلمي ان الاطفال احوج للام اكثر بكثير من الاب, فكوني قوية لأجلهم اليوم..لتريهم الافضل بالغد.

الله يبدل حزنك بفرح, وهمومك بسعادة, وضيقك بفرج.

ههههههههههههههه ما عرفتك يا صبري

انا نصيحتي لك هالوقت ما فيه خير اذا معك شهاده حاولي تتوظفين واذا ما معك ادرسي انتي خلاص خلفتي وش تبين بالرجال ادرسي وتوظفي وربي عيالك وعيشيهم عيشه كريمه

حرام عليهم و حسابهم عند الله عسير

ما عندي زود على كلام الأخ جافا كفى و وفى

الله يبدل أحزانكم بأفراح و همومكم بسعادة و ضيقتكم بفرج أنتم و عيالكم

أكثروا من قول لا حول و لا قوة إلا بالله حسبنا الله و نعم الوكيل