موضوي غريب مب عارفه شو اقول !
 

السلام عليكم ورحمة الله وبركاته

من زمان عن المنتدى .. مع اني ادخل تقريباً كل يوم
لكن ما اشارك ولا اكتب ! اتابعكم بصـمت ..

والله حالي مثل ماهو مافي اي تغيّر الحمدلله على كل حال
ساعات من كثرة الضغط بس ودي اغمض عيني وافتحها وكل شي يرد مثل قبل اصابتي بالوسواس
وساعات اكون عادي مرتاحه مافيني شيء ..

بس في اشياء غريبه وايد قاعده احس فيها ..
احس اني في صراع يعني داخلي شخصين
شخص اول مايحس بهالاحاسيس يقول .. اتصرفي عادي هذا الشي مر عليج قبل هذا وسواس مافي شيء غريب .. لحظات وتمر
و شخص اول ما يحس بالاحساس يفقد السيطره يتصرف كأن هذا الشي صاير له اول مره .. مب فاهم شيء .. انا منو وين و شو هذا ؟

وتخيلو الصراع هذا ان واحد يتكلم والثاني يرد كل هذا وقت الاحساس!

ساعات احس فكرة الموت في بالي موجوده ماتغيرت .. لكن مافيني اي نوبة هلع .. اقص عليكم لو اقول اني مب خايفه .. خايفه بس الخوف اللي مافيه اي ردة فعل
يعني آكل البس اشوف مسلسل اضحك و الفكره في بالي خايفه منها .. بس نفسي مب قاعده تطلع أي ردة فعل

وساعات أحس العكس .. مضايقه وااايد من الفكره ومن احساسي و من كل شيء حولي .. كل شي مسبب لي كئابه
أحس بغرابه فضيعه فضيعه .. والله احساس ما ينوصف لحد .. انا نفسي مش عارفه شوو هو بالضبط :(

و الأحلام ! قصة ثانيه والله
احلامي غررررريبه غرررريبه .. هي مش كوابيس ولا جن ولا اشياء تخوف
لكنها غريبه كيف مادري ؟ حتى اول ما افتح عيني اتضايق منها .. فاهميني ؟
حد مر بهالاحلام ان يحلم حلم عادي .. يمكن يحلم باشخاص يعرفهم او يحلم بأشخاص مشهورين او اي شي
لكنه يكون غريب .. و تربطه بالموت !

طمنوني ؟

وعليكم السلام ورحمة الله وبركاته ..

تقريبا من سردك لحالتك عندك قلق المخاوف الوسواسي ..

فهل تشعرين باضطراب في عضلاتك او الم في بطنك ... ؟!!

ارى ان الامر بسيط ان شاء الله تعالى ..

فعليك اولا ، التوكل على الله تعالى ،، والحرص على الاذكار وتلاوة القرآن كريم ..

الاهتمام بالعلاج السلوكي ،، هو الاساس دائما في مواجهة الوسواس والمخاوف ،، تحقيرها واستبدالها

بافكار ايجابية ..

عملية الاسترخاء مهمة جدا عند هجمة الوساوس .. كأني تغمض عينيك وتأخذي شهيقا عميقا وتخرجيه من فمك ببطئ مع نقل الخيال

وتطمين النفس ..

الامر الاخير حاربي الوساس بعدم ترك مجال له ، باشغال نفسك بشيء مفيد او المناشط الاجتماعية ..

اخيرا .. الدواء يساعدك في التحكم اكثر بنفسك مع كل ما قيل ..

ارجو ان فدتك ..

وفالك العافية بإذن الله تعالى ..

اختي السويدي انا تقريبا قريت اغلب مواضيعج وكل كلمه تكتبينها توصفني بالحرف الواحد!!
وعن الاحلام والله اني كل يوم احلم احلام غريبة طويلة مثل ماقلتي لا هي تخوف ولا كوابيس (احلم بناس مافكرت فيهم ابد من ايام الدراسة واحلم بمشاهير اجانب عرب كل شي ) ومن انش من الرقاد اكون مكتئبة ومتضايقة واربطها بالموت
وغير عن احساس الغريب صدق احساس قوييي وماينوصف!!!
مرات احس اني زينه مثل ماقلتي اطلع اكل مافيني شي ولكن تظل فكرة الموت فبالي 24 ساعه حتى لو ماحس بخوف!
الله يعينا !!!

صح والله هذا اللي يصير .. يعني لا مرتاحين ونحن واعيين ولا حتى وقت النوم .. الله يعينا
تعبت والله .. الله يعجّل بالشفاء

انا كمان زيك مفيش نوبه هلع لكن فكرة الموت دائمآ في بالي اعيش حياتي عادي مع كل الناس لكن الفكرة دائما في بالي مع خوف داخلي
حتي الاحلام احلامي غريبه وفيها احداث كتير واشخاص كتير واحداث كتير واصحي خايفه منها رغم انها مفيهاش رموز
بس انا بحاول اقوي نفسي واتجاهل وما افكر كتير علشان الوسواس ينتهي يارب

صح هذا هو اللي يصير معاي
ومثل ماقلتي لازم نقوي نفسنا
الله يشفينا

حياك الله اختي السويدي
انا نصحتك قبل واكثر من مره
والنصيحه هذي لك ومن يقرا
عالجوا القلق النفسي ترجعون طبيعيين 100٪ بإذن الله
انا زمان كنت مثلكم واسوأ وكنت اقرا عن القلق واقول كلام فاضي لكن لما عرضت نفسي على دكتور نفسي والتزمت التزام تام بالعلاج تشافيت ولله الحمد
بالتوفيق

تسلم أخوي على المرور
أنا المشكله ماقدر أروح لدكتور نفسي .. مع أن أهلي أبداً مب معارضين الفكرة
بس خايفه .. و تخوفني فكرة الأدوية أكثر !

هنا مشكلتك
ولو رحتي للدكتور واخذتي علاج راح تقولين ياليتني اخذت العلاج من زماان

فعلا نفس الوضع احس فيه اثنين في راسي واحد يقول هذا و سواس زي كل مره و واحد يقول لا عذي المره حقيقه و احيانا مع برررود و احيانا مع نوبات هلع ما ادري كيف اوصفها

خوفك من العلاج النفسي ومن الأدوية ممكن يكون بسبب الوسواس لازم تقهري الوسواس والخوف وتروحي لدكتور نفسي طالما اهلك مش معارضين فالموضوع سهل
المرض النفسي مثله مثل اي مرض لازم له علاج
ربنا يقويكي

بالضبط.

إن شاء الله خير ... شكراً على المرور