وينكم يااعضاء ليه ماتردون 😥
 

دائماً بالموضوع اقرأ مشاركات الأعضاء ماشاءالله عندهم خبره وفاهمين في الاعراض والادويه عشان كذا سجلت بالمنتدى بس مافيه تفاعل ع موضوعي

اعذري الجماعه كثير يدخل وينقطع فترة
تفضلي اختي وش تبين افيدك فيه

طيب وينه موضوعك؟

I السلام عليكم حالتي انا من سبع سنوات جتني نوبات هلع وتعالجت حبتين سيروكسات الحمدلله تحسنت ونقصت الى حبه وحده استمريت عليها لكن قبل خمس شهور جتني ضيقه قويه مع بكاء ورجفه واعض ع أسناني ولا أحب الصوت العالي جسمي يهتز خوف احساس بالتزويع مستمر مااحب اطلع ولا اروح مكان اهملت نفسي بس جالسه ماابي أقوم اسوي شي فجاه احس جسمي يرجف وغثيان مااحس بالراحه ولا السعاده ولا أخطط لعمل اَي شي رحت للطبيب قال وقفي سيروكسات وخذي فينيكس حبتين استخدمتها شهر لكن لم اتحسن ولا واحد بالميه رجعت لطبيب ثاني قال نرجع للسيروكسات ونوقف فينيكس رجعت حبتين سيروكسات استمريت عليها 17 يوم والحال نفسه راجعت طبيبه غيرت الى لوسترال اربع حبات تدرجت فيها خلال شهر مع حبوب لاميكتال 50 لي يادكتور شهر و12 يوم من استخدمتها لكن نفس الحال وطلعت لي نوبات هلع قلبي مقبوض تحاليل كلها سليمه?
وش اللي قاعد يصير لي?

اولا انا ماني دكتور انا مثلك مريض واستخدم ادوية

وثانيا اللي يصير معك والله اعلم انها حالة من اعراض الانسحاب يوم تركتي سيروكسات + عودة لأعراض مرضك القديمة
والمفروض تنسحبين من السيروكسات بتدريج بطيء جدا 10% شهريا الين ما تتركين العلاج ماهو تتركين 50% كذا فجأة معروف بتصيبك اعراض انسحاب قوية
ارجعي للسيروكسات من جديد الى ان تستقر حالتك وبعدين اتركيه بتدريج بطيء جدا

لأن بعض الناس قد يكون عرضة للأعراض الانسحابية اكثر من غيره

السيروكسات لما الدكتوره كتبت لي لوسترال خفضت جرعة السيروكسات لمدة أسبوعين تدرجت فيها مع استخدام لوسترال
الله يشفينا جميعا

امس من الضيقه والتعب اللي احس فيه ودي أخذ كيس العلاج وترميه بالزباله بكمل شهرين ع لوسترال

اللوسترال ضعيف ماهو مثل السيروكسات قوي جدا وكذلك اعراضه الانسحابية ايضا قوية

انصحك ارجعي لسيروكسات وبعدين اقطعيه تدريجيا مثل ما قلتلك

قصدك اخوي ارجع أتعالج فيه مره ثانيه السيروكسات

انتي اخطيتي خطأين
الاول تركتي العلاج بدون تدرج طويل
والثاني انك صرتي تستخدمين العلاج شهر وتغيرينه
المفروض اذا اخذتي علاج تعطينه وقته الكامل بدون تغيير لان التنقل بيت الادويه مشكله
لذلك استمري على علاج معين بجرعه ممتازه والتزام تام مايقل عن 6 شهور واذا كان التحسن غير موجود وقتها ممكن تطلبين من دكتورك التغيير
والشي الاخير انصحك تتابعين مع دكتور واحد كثرة الدكاتره يفتح لك باب الحيره
بالتوفيق

العلاج أوقفه بتعليمات الأطباء اول واحد ماهر بغدادي هو قال خلاص السيروكسات ماينفعك وعطاني الفينيكس ثم الدكتور السبيعي بعد شهر رحت له قال أرجعك للسيروكسات بعدين رحت دعد المارديني وعطاني لوسترال يعني كل شي تحت إشراف الأطباء ماوقفت شي من نفسي

انا ماقلت ابي تحسن كامل خلال شهر بس اللي اعرفه في هالشهر تقل الاعراض شدتها لكن انا نفسها لا قلت ولا خفت