تكفون طمنوني هل هذا من اعراض الهلع ؟؟
 

انا اعاني من نوبات هلع وسواس الموت جاني بعد اصابتي بالنوبات لكن هاليومين اعاني من عرض غريب اذا جيت بنام احس بشعور غريب يشبه شعور سحبة الروح او كانه هواء ينسحب من صدري وربي شعور حيل مخيف احس كاني بشهق واموت اقوم مفزوعه ويجيني معه ضيق تنفس يالله اسحب النفس واقعد اتثاوب او اكح عشان احس اني باقي اتنفس واكثر شي يجيني اذا جيت بنام واذا قمت يختفي تدريجيا وتبدا معي نوبة هلع وخوف من الموت بعد هالعرض المخيف وقلبي ينبض بسرعه وجسمي يرجف وعدم اتزان واحساس اني بطيح واقعد اربع او ثلاث ساعات بفراشي اهدي نفسي عشان اقدر انام بعدها تكفون طمنوني، انا ما استخدم علاجات ابد مرات اكون طبيعيه وانام عادي ومرات يجيني هالشعور المخيف

هاذي من الهلع احساس متعب الله يكون بعونك ويشغيك بس ليش ماخذتي علاج للحين

مرررررره متعب ومخيف ، اللهم امممين ياارب ، خايفه من استخدام العلاجات النفسيه وقاعده احاول اعالج نفسي بنفسي

اعرف هالاحساس زين
هو احد اعراض القلق او نوبات القلق
بالنسبه للعلاج اذا كنتي تعانين من القلق النفسي والحاله لها فتره طويله معك لازم تعرضين نفسك على دكتور وتبدين العلاج
لان القلق النفسي يشل حياة الشخص تماما
بالتوفيق

ابتسام سلامتك
انا قعدت اعاني من هالشعور ٧ اشهر وزياده عليه دوخه واكتئاب وقلق وخوف من شي مجهول ماعرف افسره قاومت وحاولت بالاخير استسلمت واخذت الدواء النفسي ولله الحمد استقرت نفسيتي وشبه اختفت هالاعراض .
صدقيني نسمع كثير تشويه عن الادويه النفسيه لكنها نعمه سخرها ربي ترجعين لطبيعتك وهدوئك بفضل الله ثم الدواء .
سلامتك طمنينا عنك