لا ادري اذا هذا وسواس ام مجرد مرض عضوي
 

سلام عليكم

سأكتب قصتي بالتفصيل .. انا شاب عمري 26 سنة
غير متزوج

قبل 6 أشهر عملت غلطة وما زلت نادم عليها - ومن بعدها صار يجيني وسواااس شديد اني حمرض ..
صرت كل يوم اراقب جسمي واشوف اذا في بقع حمرة .. او انتفاخ غدد لمفاوية او او .. لاني قريت عن اعراض المرض ف صرت اخاف لو يجيني ولو عرض واحد !!

مر شهر ونص كان مجرد وسوااس .. وبعد الشهر اصبت بشغلة غريبة والى الان تواجهني..
جاني شعور بعدم الراحة ف المنطقة العليا من البطن و غثيان وقرف الله يكرمكم احس انو في غثيان ف المنطقة العليا من البطن جهة الحلق .. واحيانا احس بغصة ف الحلق وتروح وترجع وهكذا ..
بديت اخاف واشك.. ورحت حللت تحاليل معينة .. وسليمة ومستمر هذا الشي اللي فيا وبعد 3 شهور قلت اعيد التحليل طلع سليم حمدلله !

حاولت قد ما استطيع نسيان الموضوع قلت لعل وعسى يختفي الشي هذا مني

اتواصلت مع دكتور قلي لازم تكشف عند دكتور جهاز هضمي

وبالفعل رحت عند دكاترة كثير.. الين دكتور سوالي منظار معدة قلي عندك ( ارتجاع مريء وفتق ف الحجاب الحاجز كبير )
بديت اخد علاج الارتجاع من 5 شهور الى الان بلا فائدة تذكرر .. لا وزادت عندي اعرااض مثل ( احساس بصوت قرقرة ف الحلق وفالصدر نفس الاصوات اللي تصدر لما نكون جيعانين ) اخدت ادوية كثيييير مضادات انتفاخ وغازات وادوية قولون و و و ... وتحسن 1٪ مافي !

هل يا جماعة ما اعاني منه .. من غثيان في بعض الاحيان والاعراض اللي تم ذكرها فوق اعراض نفسوجسدية ؟ ام هيا مجرد اعراض لمرض عضوي ويحتاج اعالجو مع الدكتور حق الجهاز الهضمي لاني طفشت 6 شهور او 7 بلا فائدة والدكتور يقولي استمر ع العلاج .. ومافي تحسن للاسف .. هل في احد عانى او بيعاني مثلي ؟
ياريت تفيدوني وماهي طرق العلاج الممكنة وشكرا لكم حبايبي

حياك الله ياطيب

طبعا كل ماذكرت الكثير مر فيه
انت تعاني من القلق + وسواس
دايم اقول هذا الجمله ( اكبر مصيبه الاستسلام للوسواس )
لانك في كل مره تستلم وتجلس تتحسس يكبر ويكبر ويكبر
اول خطوه وقّف انك تتحسس وتكشف على نفسك
حاول تحارب وتقاوم وتعاند واذا وصلت لمرحله انك ماتقدر اعرض نفسك على طبيب تفسي
لكن كل ماذكرت دليل ان مشكلتك نفسيه تماما
اي سؤال انا تحت امرك
بالتوفيق

الله يعين بس ..
تسلم يا غالي ع ردك لأني والله تعبت جدا من اللي بعاني منو !

حشوف دكتور نفسي ف اقرب فرصة ان شاء الله