تعالو خلونا نكتشف العامل المشترك بينا
 

السلام عليكم ورحمة الله وبركاتة
انا كان لي حساب ونسيت الباسورد
المهم الله يشفينا جميعاً عاجلاً غير آجل

حبيت اكتب هالبوست الغرض منه نشوف اش اكثر شي ناقص ومشترك عندنا ونحاول نساعد بعض
بصراحة انا وحدة من الناس اللي اخذت ادوية وتحسنت فترة وبعدها جاتني انتكاسة فما اتوقع ان العلاج النفسي هو الحل النهائي هو فقط مهدئ

بكتب اسئلة والمطلوب منكم فقط تجاوبون عليه يعني انسخوه وكل سؤال جاوبو عليه ويصير مرجع لكل المهلوعين قبل يستخدمو الادوية النفسية يشيكو على الامراض العضوية



1/ هل تعاني من امراض روحية سواء كان عين حسد او سحر او مس واذا كنت تعاني اش نوع الاصابه ؟

2/ هل عندك نقص في فيتامين ( د ) وكم النسبه عندك ؟

3/ هل عندك نقص حديد وكم النسبة عندك ؟

4/ هل عندك نقص فيتامين ب المركب ؟

5/ هل تعاني من القولون العصبي او الهضمي ؟

6/ هل عندك جرثومة في المعدة ؟

7/ هل صلحت تحليل المعادن اللي يكون عن طريق الشعر واش كان النقص والزيادة عندك ؟

8/ اش استخدمت من العلاجات الطبيعية العشبية وحسيت انك تحسنت لو كان التحسن خفيف ؟

اذا كان عندكم نقص في شي وانا ماكتبته اكتبوه
هذي فقط من وجهة نظري اللي شايفة ان لها علاقة بنوبات الهلع

حياك الله اختي
انا بعلق على ان العلاج مجرد مهدئ
مضاد الاكتئاب مو مهدئ واغلب الناس فاهمين الانتكاسه بشكل خاطئ
انت اا اخذت علاج لمدة سنه وتشافيت وبعدها تركته بشكل تدريجي صحيح بعدها فيه اعراض انسحابيه اثناء وبعد ترك العلاج
البعض ينهار مع الاعراض الانسحابيه ويرجع الخوف له ويتوقع انها انتكاسه
انا الان لي اكثر من اربعه شهور تارك العلاج في البدايه كانت تجيني اعراض انا متأكد فيه ناس تحسب هذي الاعراض انتكاسه وهو مجرد شعور اذا طنشته مايكمل ربع دقيقه
لذلك حبيت انصح اي شخص تعالج وترك العلاج انه يجهز نفسيته لأي اعراض في الشهرين الاولى بعد ترك العلاج
بالتوفيق

مشكور على الرد
لكن انا اتكلم من واقع خبرة في هالشي انا استخدمت العلاج تقريباً سنة الاشهرين بعدها جاتني اعراض الانسحاب مثل ماذكرت اخوي وبعدها تحسنت حالتي وصرت طبيعية لمدة سنتين بس وبعدها رجعت نفس الاعراض انا فاهمة عليك ان فيه فرق بين اعراض الانسحاب وبين الانتكاسة
انا ماودي اخوفك لكن انت دوبك في البداية انتظر سنتين وبعدها اذا مارجعت لك الاعراض فأحمدالله

بترجع في حاله وحده وهو الاستسلام والاسترسال لاي عرض
على فكره انا كنت اخذ علاج وانا عمري 21 واستخدمتها 7 سنوات وبعده تركته ورجعة لي مشكله نفسيه بعد ثلاث سنوات ( بسبب ضغوط قويه جدا )
الموضوع ماهو موضوع انتكاسه الموضوع موضوع ( الشخصيه القابله للقلق )
والشخصيه الحساسه او اغلب الناس الطيبين
لازم تسوي حمايه للنفسيه بحيث اذا تعرضت لاي ضغوط او صدمات او مواقف
والشيء الآخر كل شخص وقابلية جسمه وكل شخص وحالته
بالتوفيق

كلامك يأكد كلامي ان العلاج النفسي مستحيل يحل المشكلة هو فقط يهدى والا ليش جالس سبع سنوات في دوامة الادوية النفسية وبعدها رجعت الاعراض كل العالم عندهم ضغوط ليش احنا بذات اللي مانقدر نتحملها !!!
هذا دليل ان مشكلتنا الاساسية عضوية

وفي النهاية الله يتمم لك شفائك 🙏🏻

لا وانا اخوك انت فهمت كلام خطأ
انا جلست سبع سنوات اخذ علاج واحد فقط لادوامة علاجات ولا شي
والشفاء التام كان اقل من سنه لكني انا من استمر على العلاج
والضغوط اللي اتكلم عنها مااعتقد ان الكل مر فيها لاني اتكلم عن ضغوط هائله مو الضغوط اللي يعيشها اي انسان
الشي الاخر كلمة العلاج مهدئ مافيه شي اسمه مضاد اكتئاب مهدئ
المهدئات مثل الزانكس والريفوتريل والفاليوم الى اخره هذي اللي تهديك 6 او 9 ساعات فقط
انا اتكلم لك من واقع تجربه شخصيه مو كلام فلان او دكتور
اول خطوه للعلاج هو تقبل مرضك مادامك كشفت وسويت تحاليلك وقريت على نفسك وكل شي سليم بعدها توكل على الله وعالج المشكله النفسيه
باختصار اقرا عن القلق النفسي بعدها راح تقتنع بكلامي
بالتوفيق

بالضبط صحيح كلامك وانا من الشخصيات التي تنهار بعد ترك دواء وليس لدي عزيمه ابدا للمقاومه💔

حياالله الحبايب لكم وحشه

والله لو نتكلم من هنا لين بعدين كل واحد وله وجهة نظره انا اشوفها مهدئة وانت تشوفها علاج لكن الله يرزقنا واخوك بالصحة والعافية لنا وللجميع ويبعدنا عن الادوية

منور اخوي حياك

طيب ماشكيتي ان مرضك من الاساس مو نفسي هو عضوي بس ماكشفتية اقري اسئلتي وجاوبي عليها والله العظيم ان كلها لها دخل بنوبات الهلع روحي حللي وشوفي اش الناقص عندك وعالجيه

الله يعطيكم العافيه جميعاً ومنورين
بس يااخواني وخواتي انتم لين ذحين محد جاوب على الاسئلة
خلونا نفيد بعض ونشوف اش العامل المشترك بينا

انا عن نفسي قبل لا آخذ العلاج سويت كل تحليل وكشف يخطر على بالك
وبعدها رحت لثلاث مشايخ وقروا علي
ولله الحمد كل شي سليم
السؤال الآن هل عندك علاج غير مضادات الاكتئاب ؟

انا ماعندي اي علاج لكن من كثر ماابحث عرفت ان الامراض اللي انا ذاكرتها فوق هي اساس مشكلة الهلع لكن بما انك صلحتها كلها وعندك سليمة فأستمر على الادوية دامك مرتاح معاها
وبشكل عام اللي عندة اكتئاب ملازم له نقص فيتامين D لان هذا الفيتامين ينزل بسرعه للاشخاص اللي عندهم قابلية الاكتئاب

انا من الناس الي أخذت الدواء واستمريت عليه سنتان وغيرت فيها كثير لكن الحمدلله شفيت وقَعَدت ثلاث سنوات مافيني الا العافيه لكن حصل لي انتكاسة قبل شهرين والله مقترفه ومارا ارجع للعلاج ان شاء الله بتغلب عليها بالصبر بس المشكلة جتني أعراض اكتئابيه متوسطه أتوقع بسبب الانتكاسة