الحاله اللي انا فيها بتدمر مستقبلي ابغى مساعدتكم
 

السلام عليكم انا عمري 24 سنه مشكلتي بدأت في يوم من الأيام كنت في الجامعه في المحاضره وفجاءه اغمى عليه وحسيت اني انصدمت لاني مادري ايش سبب الاغماء المهم بعد هذا الموضوع جلست اسبوع طريح الفراش والله المهم بدا يجيني خوف وقلق وتوتر ونوبات هلع بس مو قويه وصرت اَي مكان له ارتباط بالجامعه مثل مؤتمرات محاضرات أماكن التجمعات مثل المسجد او المطاعم م أحب اروحها واخاف من الاغماء وبس ادخل واحس بيغمى عليه وصرت ماحب ابعد عن البيت اخاف من الاغماء والهلع ورحت قبل اسبوع عند دكتور في جده سلوكي وحولني لطبيب ثاني في نفس العياده قال لي تحتاج علاج دوائي +سلوكي المهم الدكتور كتب
بروكسات 20 ملجم + برينتليكس 10 ملجم بس متردد استخدمها ولا لا وخايف اولا من بداية استخدمها يقولون تتعب الواحد ثانياً يقولون تزيد الوزن وكمان خايف اني ادمن عليها وأتركها وانتكس من جديد لان الدكتور يقول هذا النوع مايسبب ادمان ف انا محتار الله يسعدكم أعطوني رأيكم لاني والله لو جلست كذا مستقبلي بيتدمر لاني تخرجت الترم الماضي والى الان ماقدمت على اَي وظيفه حتى الكليه الامنيه كانت طموح عندي وجاني قبول فيها بس مارحت

اخوي عالم جديد اهلا وسهلا
شوي اخوي الدواء نعمه يرجع الانسان طبيعي هادي يقدر يكون انسان منتج .
القرار طبعا يرجع لك وانت فكر هل انت بدون الدواء تقدر تعيش الحياه الطبيعيه وتتوظف وتكمل حياتك ؟ هنا اكيد ماتحتاج لأي دواء لكن لو كانت الحياه صعبه والرهاب مسيطر عليك نصيحتي خذ الدواء وتابع مع الدكتور وكمل حياتك بالشكل الطبيعي .
وقت ماتحس انك افضل الدكتور راح يسحب الدواء ولا تلتفت اصلا لتجارب البعض السلبيه .
سلامتك ماتشوف شر

حياك الله اخوي عالم
انت تعاني من رهاب الساح ونوبات الهلع
والعلاج اللي وصفه لك الدكتور جدا ممتاز والباروكسات لحاله كافي
انت ذكرت انك خايف من اعراض بداية العلاج وان وزنك يزيد والانتكاسه
بسالك سؤال تتعب شهر ولا شهرين ولا تجلس طول عمرك تعبان ؟
انا نوبات الهلع خسرتني ودمرت حياتي ولله الحمد ولو يرجع فيني الزمن مليون مره باخذها فب نفس اليوم اللي بدا معي فيه الهلع
نصيحة محب توكل على الله وابدا علاجك وحارب وقاوم تو عمرك صغير والمستقبل قدامك كله نجاح باذن الله
والباروكسات مثل ماقلت لك يكفي من غير البرنتلكس
المهم تبدا بالتدريج مثلا 10 لمدة اسبوع ثم 20
بالتوفيق

باْذن الله راح ابداء في استخدام العلاج اليوم وربك ييسر الله يجزاك الف خير

اَي والله انك صادق عندي رهاب الساح لاني قريت عنه نفس الأعرض بس غريبه الدكتور ماذكر لي الكلام هذا على كل حال انا راح أبدا في العلاج اليوم باْذن الله وربك كريم بس معليش قريت لك تقول ان نوبات الهلع دمرت حياتك هل تعالجت منها ي اخوي ولا باقي وسؤال اخير اذا ماعليك امر كيف الدكتور محمد الحامد من ناحية المصادقيه لانه هو دكتوري من ناحية الادويه اما ناحية العلاج السلوكي انا عند الدكتور صالح محيا مادري تعرفه هل هو كويس ولا لا

نعم دمرتني لاني ماخذت العلاج على طول
مايهم الدكتور اللي يهم انه صرف علاج ممتاز
ولاتنسى الباروكسات لحاله يكفي

الله يكتب لي ولَك الصحه والعافيه يارب

مثل ماقالو فوق لو انت تقدر تعيش وتتوظف وتمارس حياتك بدون علاج لاتأخذها ... اما لو انت لا موقف حياتك وطول الوقت تعبان لاوالله استخير الله اول شيء وخذ العلاج ...
بعدين انا اشوف الباروكسات لوحدة بلاشيء العلاج الثاني .. وفيه علاج ممتاز استشير الدكتور قبل تأخذه طبعا (الافكسور)يغنيك انك تستخدم كذا علاج .. علاج واحد فقط ...
وانا انصح اي احد مايكثر من الادويه ياخذ نوع واحد فقط
اسال الله ان يشفيك ويشفيني ويشفي الجميع

خذها وتوكل على الله ولاتلتفت للاعراض الاوليِه للدواء فهي مؤقته

ﺍﻟﺮﺍﺣﺔ ﺍﻟﺤﻘﻴﻘﻴﺔ ﻫﻲ ﺃﻥ ﺗﻘﻮﻝ ﺍﻟﺤﻤﺪﻟﻠﻪ ﻋﻠﻰ ﻛﻞ ﺷﻲﺀ ﻭﺭﻏﻢ ﻛﻞ ﺷﻲ ﻳﺤﺼﻞ ﻣﻌﻚ ﻗﺪ ﻻ ﺍﻋﺮﻓﻪ
ﻭﻟﻜﻦ ﺍﻋﺮﻑ ﺗﻤﺎﻣﺂ ﺍﻥ ﺍﻟﻠﻪ ﻳﺤﺒﻚ ﻟﺬﻟﻚ ﺍﺑﺘﻼﻙ
ﻓﺄﺑﺘﻠﻰ ﻗﺒﻠﻨﺎ ﺍﻟﺼﺤﺎﺑﻪ ﻭﺍﻟﺼﺎﻟﺤﻴﻦ
ﻭﺍﻻﻧﺒﻴﺎﺀ ﻣﻨﻬﻢ ﺳﻴﺪﻧﺎ ﺍﻳﻮﺏ ﺍﺑﺘﻼﺀﻩ 18 ﺳﻨﻪ ﻭﺳﻴﺪﻧﺎ ﻳﻮﻧﺲ
ﻓﻜﻠﻪ ﻓﻲ ﻣﻴﺰﺍﻥ ﺣﺴﻨﺎﺗﻜﻢ
ﻓﻼ ﺗﺸﻐﻞ ﻧﻔﺴﻚ ﺑﺎﻟﺪﻧﻴﺎ ﺍﺑﺘﺴﻢ ﻓﻜﻞ ﺷﻲﺀ ﻣﻜﺘﻮﺏ ﻟﻚ ﺳﺘﻠﻘﺎﻩ ﺍﻥ ﺷﺂﺀ ﺃﻟﻠﻪ ﺧﻴﺮ