وساوسي من سيئ لاسوء :(
 

السلام عليكم ورحمة الله
كيف حالكم ؟
عدت لهنا بعد انقطاع سنه وكان نفسي اجي عشان اكتب قصة شفائي لكن راح اكتب كيف حالتي جالسه تزداد سوء
انا كان عندي وسواس موت قبل سنه بعدين مع انشغالي باخر سنه مدرسيه تقريبا خف بنسبه 85 بالمية وعشت حياتي حلوة مقارنةً بالسابق لكن من تخرجت وانا حالتي انتكست صارت تجيني وساوس تبكي لما اساعد اهلي بالمطبخ وامسك السكين يجيني شي يقول اطعني نفسك واحيانا استجيب واحط السكين ع نفسي وابعده باخر لحظه بعدها انتقل لوسواس اقتلي احد من اهلك وبعدها جاني وسواس م اقدر اذكره بس يامرني اسوي شي بنفسي وهو اكثر شي خفت منه لانه فيها فضيحه بعدها انتقل ل اخنقي نفسك قطعي شعرك دخلي اصباعك في عينك وجاني خوف اني اصير كافرة انا تعبت انا مدمرة وحالتي م يتمناها عدوي وانا خايفه افقد عقلي عندي مخاوف من اشياء سخيفة وتضحك بس تذبحني اخاف من الاشياء الكبيرة زي اكبر برجر اكبر راس اكبر رجل اكبر ... هذا كله وانا عمري 19 كيف حعيش حياتي كذا الحين جاني توهم الامراض لاني اخذت اسبرين وانا م ينفع اخذه وحالتي دمار وشهيتي انسدت وم احس بجوع وتفكيري كله بجسمي وجتني حكه ومرعوبة منها اخاف من اتفه الاشياء انا جالسه اكتب وانا ابكي لانه شي م يحتمل اتمنى تصير زي الي بعمري م يهمني شي وم اخاف من شي ، نفسي اروح المستشفى اتعالج نفسيا واكشف عن جسمي م حقدر نهائياا عيلتي م تعترف بالامراض النفسيه حتى مناعتي ضعفت دايما اذي نفسي واضرب نفسي لو فكرت بشي غلط او حاجه انا ابتليت بذنب ودايماً اعاهد الله اني اتركه ودايما ارجع واحس كل شي فيني بسببه م ابغا اوصل بمرحلة الياس من رحمة الله احيانا اوقف دعاء لاني احي الله ما راح يسمعني واحيانا ادعي من قلبي واحس م راح يصير شي دايما ادعي الله اترك هالذنب من قلبي ادعي بس ارجع له لذلك احيانا اقول انه الله م يحبني ولا راح يهديني
م ابغا اطول كلام اعطوني نصايحكم كلامكم كيف اتغيرتوا للاحسن ولا تعطوني ادوية لاني م راح اقدر اشتريها
شكرا عشان قريتوا هالكلام كله ...

اذا انتي بالرياض اختي راسليني خاص بساعدك واروح معك للطبيب واشتري لك الدواء كل يخلص اشتريه لك ، واذا بعيده فلازم لازم تتجهين لطبيب نفسي روحي لحكومي يصرفون لك الدواء مجان

اختي الوسواس هذا انا عانيت منه بالبدايه لمشيت من مكان مرتفع احس اني بقط روحي من فوق واذا كنت جالس عند ولدي احس اني بسوي له شي سيئ لكن تدرين وش المضحك اكتشفت انها كلها خرط وسواوس غير صحيحه ومافي احد صدقها وفعل الاسوء كله خيالات ولا جزء من الميه راح تصير الي انتي فيه كله اوهاام ورددي الشي هذا (تقبلها لان مستحيل تحصل مجرد اوهام ماراح تتنفذ المهم عش مع اهلك واجلس معهم واستمتع بكل شي لان ماواح يصير شي
كنت اردد الشي هذا ومع الوقت اختفت بدون علاج ولا شي

فاهم شعورك يا أختي مريت في بداياتي بحالتك تقريبا وأنصحك تطنشين من بدري قبل مايزداد عليكي مره ادخل مواضيعي وشوفيها كيف صرت الحين بسبب الوساوس هذي والهلع

اهلين اختي وعليكم السلام ورحمة الله وبركاته

انا عانيت الأمرين من الوسواس .. معظم الي ذكرتيه واخس منه بمراحل .. كنت اوصل لدرجة الهلع الي ابي اركض واشق ثيابي من علي .. الله رحمني وهداني بسبب الدعاء اولاً ... وثانياً بسبب فهمي لجسمي .. وان المعدة بيت الداء .. لا تتركين الدعاء اهو الحل الوحيد .. مهما صار لا تيأسين انتي تو صغيرة والعمر جدامج بكون حلو ان شاء الله... اعرفي ان كل هذي اوهام مو صحيحة الشيطان يقص عليج وتنجرفين معاه بس اهي مالها صحة ... تقدرين تشوفين موضوعي في ملتقى المتشافين من الامراض يمكن يخدمج .. الله يشفيج ويشفي جميع المسلمين يارب 💙

متى جاك لك الوسواس وهل مرت عليك صدمات ؟

يا طيبة قلبك والله ما شفت احد باخلاقك الله يسعدك والله دعيت لك بيوم عرفه ، انا اهلي الحمدلله يقدروا يودوني المستشفى بس هم رافضين لان ما في شي عندهم اسمه مرض نفسي وعندهم اعتقاد ان الادوية تسبب ادمان

انا جاني الوسواس قبل سنه بس كان وسواس موت فقط بعدها الحمدلله انقطع والحين رجع لي مع وسواس مرض غير الافكار الغريبه الي تجيني يعني الحين اقوى ، ايوا بعد وفاة اختي الله يرحمها جتني هالوساوس

هو مايجي وسواس الموت الا بعد وفاة احد اقارب بالذات طيب ماخذتي ادويه ؟

انتبهي تأذين نفسك و حاولي تقراين البقرة بنيه الشفاء من هذة الآفكار شفاك الله

ايوا خاصة لأني صُدمت بالخبر ، لا اهلي رافضين

الحمدلله محافظة على الصلاة والرياضة امارس تمارين هوائية زي الجري لمدة ثلاثين دقيقه اكثر من ثلاث مرات بالاسبوع اما اكلي ف معتدل لكن اشك ان عندي نقص فيتامينات ف احاول اتعرض للشمس صباحا

ان شاء الله ربي يعيني ، انا صليت بالبقرة قيام الليل لمدة يومين بعدها تعبت تعب مو طبيعي والحين ان شاء الله راح اقراها بدون صلاة الين ما اتعود ،امين واياكِ يارب

جزاك الله خير طمنتني، انا لما تجيني هالافكار صرت اقول والله ما راح اسويها واتحدى نفسي واقول لو سويتيها حيصير كذا وكذا والحمدللّه تحسنت