لماذا عدم الضحك
 

سبحان الله مع بدئي العلاج قبل 15 سنه اصبح تعدي ايام وأيام من غير اضحك اصبح ضحكي قليل ونادر حتى اذا ضحكت في بعض الاحيان تكون ضحكه مو من قلب رغم اني الحمد لله وضعي النفسي مع الادويه مستقر وأموري ماشيه اذكر زمان قبل السقوط بظلمات الامراض النفسيه كنت الضحك من يومياتي ع طول وكانت برضو ضحك بوقاحه واحيان عادي ومن قلب حتى ضحكتي اتحكم بطريقتها مِن زود الثقه بالنفس الشي الاكيد ان السبب هو الاظطراب النفسي اللعين كنت اسئل المعالج النفسي اقول مااضحك يرد عليه عادي اضحك اذا تبي تضحك اضحك لاهي مشكله ولا شي 😊 الله يعينى واياكم وكل عام وانا وانتم بألف خير 🌹

الله يعين يا لحظة حلوة

أنا من قبل الأدوية و العلاجات ما كنت أضحك أبد حياتي حزن بحزن

يقولون إضحك تضحك لك الدنيا

هذا اللي يقولك إشطب عليه صليب

دكتوري قد قالها لي حسبي الله و نعم الوكيل بس

الله يشفينا و يقوينا و ينصرنا و يسعدنا

مو المهم الضحك بقدر ما يكون المزاج طيب هذا الأهم فالمزاج هو الحياة والحياة هي في المزاج

شاكر مرورك ياشهم من ناحية المزاج الحمد لله وضعه مستقر ولَك مني اهداء << افرح غني عِش متهني دي الدنيا مابتدمش لحد🕺🏽 وع قولة القذافي افرحوا امرحوا غنوا 😊

لحظه حلوه وش خلاك تفكر بالضحك ؟ تساؤلك اثار تساؤلات داخلي .
اتوقع طبيعي بعد المطبات النفسيه اللي مريت فيها صار عندك لوعه والم عميق صحيح الان تحسنت الامور لكن العقل مجهد والروح منهكه بسبب اللي مرت فيه .
ياهل الروح تعبانه شوفولي دكتور نفسيه .. الله عليك ياموضي الشمراني هههههه .
بتزين الامور ان شاء الله وترجع تضحك وتفلها

الادوية تعمل تبلد ولا مبالاه
اعتقد ان الموضوع ليه علاقة بالادوية

هلا وغلا لحظة كل عااام وانت بخير وصحة سلامة

هذا بسبب الادوية التي تعطل المشاعر الحقيقه

بحيث لا تفرح كما ينبغي ولا تحزن كما ينبغى

تهدم المشاعر وتسبب التبلد

هذا رائي قد اكون مصيب او مخطئ

لان اعاااني من الشي نفسه

وانت بصحه وسلامه يابرنس كلامك جدا منطقي على الرغم اني افرح واحزن و و بالتأكيد المضادات لخبطت لكن للامانه وحشتني ضحكتي😢 شكل يبي لها سفره مصر عاجلا وليس آجلا 👋

الضحك نعمه الان صرت صعب ايش الي يضحكني وان ضحكت كأن الضحكه سحابة صيف الحمد لله المزاج والوضع تمام وجوي نقاش لكن بدون ضحك 😊

لحظه حلوه المزاج يختلف عن الروح صحيح المزاج عالي ورايق لكن الروح مرت بألم يبيلها وقت عشان تترمم وترجع مثل ماكانت .
الله ينعش روحك وترجع تصهلل وتضحك من قلبك .
ما اقدر احكم على الادويه لأني جديدة عهد فيها والله يعطينا خيرها ويكفينا شرها

الأدوية لها دور مهم في تبليد المشاعر نوعاً ما وضعف الانفعال سواء الإيجابي أو السلبي .. ممكن شخص يقول نكتة وانت ما تقدر تضحك وتتفاعل بسرعة .. إلا إذا أجبرت نفسك
وهذه ممكن بالعلاج السلوكي والمحاولة تتحسن .. وقد يكون محاولة تخفيف الجرعة له دور وكذلك تغيير الدواء فقرأت للدكتور محمد عبدالعليم في أكثر من مرة يُسأل عن نفس المشكلة فيوصي باستخدام فالدوكسان ويقول أنه جيد للمشاعر. بعكس السبرالكس

وفقكم الله

فعلا كلامك ممكن يندرج تحت العلاج السلوكي ع فكره الحمد الله افرح واحزن وماعندي تبلد مشاعر ومن ناحية فالدوكسان جلست معاه سنتين مااستفدت منه رغم اني وقتها اخذ جلسات علاج معرفي مااستفدت منه ولااعطاني دافع حسب ماذكروا الان مع لوسترال وسيركويل معهم لامكتال من شهرين الامور الحمد لله 👌 والخلطه هاذي جلست معها سابقا 8 سنين وتعافيت ولكن بعد الانتكاسه كنت اهرب منها بسبب السمنه لكن دام اني سمنت مع الافكسور قلت تساوت خلاص ورجعت للخلطه العجيبه الي اوصي بها لكن عاد تختلف الامور من شخص لآخر 👋

يسلمو خالتنا

والله انا عكسك صايره افطس ضحك😂😂😂خصوصا اذا الشخص اللي قدامي فنان في القاء النكت

اها الله يزيدك وايانا واخواننا بالمنتدى بالضحك من غير فطسان👋

عدم الاستمتاع بالحياة احد اشهر اعراض الاكتئاب ان لم يكن اشهرها على الإطلاق،لذا استمر في رحلة البحث العلاج الدوائي المثالي و سترجع لك الضحكة ان شاء الله..و شيء اخر..مارس الرياضة بانتظام فلها اثر قوي جدا على المزاج.