الى اصحاب الخبره والتجارب في موقع نفساني
 

salam


كيف حال الاخوان ان شاء تكونون بخير وسعاده ومعافين يارب


هل هذه الاعراض عضويه ام حاله دائمه ترتبط باللي اصيبو بالقلق والاكتئاب


ينتابني شعور شبه يومي او اسبوعي تقريبا يخف ويرجع


بعدم الراحه بعضلات الاكتاف والرقبه كان هناك تشنج وتيبس كانك تحتاج مساج في الظهر والاكتاف والصدر وكذلك الصدر احس بعدم الراحه تحس بحراره داخليه وكتمه

ومرات يتطور الامر الى كتمه ضيق ودوخه وصداع

ويتنوع الامر الى الم في الصدر مثل الم الوخز


انا ذهبت عني نوبات الهلع من سنوات ولله الحمد

وكانت النوبه سابقا قبل 3 سنوات عباره عن خفقان وتنفس سريع والشعور بالاغماء

بدون الم جسدي

هل اللي معاي من اثار النوبات على انها ذهبت من سنوات ولم تكن تاتيني اللام جسديه

حياك الله اخوي ابو مسيريب
لو قريت عن القلق النفسي راح تقتنع تماما انه يسوي كل ماذكرت واعظم
انت قدرت تسيطر على النوبات لكنك ماعالجت الاساس
كلمه دايم اقولها ( عالج القلق يختفي كل شي )
بالتوفيق

مرحبا بن دايم انا عالجت الهلع واعراضه من سنين

الان اللي ذكرت اعراض ثابته ليست مع هلع

القلق هو اللي سبب لك الهلع وكل اعراضك اللي تعاني منها .
واضح كلام بن دايم وصح كلامه انا من اخذت الدواء اختفت اغلب الاعراض المزعجه مع ان الهلع اختفى عندي من زمان لكن ظلت الدوخه والتوتر والام الرقبه والشد برقبتي وراسي والحمدلله الان تقريبا اختفت

قصدك حالتك زي حالتي على ان الهلع شبه اختفى لكن الجسديه مستمره الم ونغزات صدر وعدم راحه في الصدر دوخه والم اكتاف ورقبه وصداع والم عضلي في الجسم

احلفك بالله هل انتي صادقه بان الوجع الجسدي ذهب مع العلاج

احلفك بالله يا اخت ندى


لاني اهلي مايبغوني ارجع للعلاج لانه مهديئ
وانا بين ناريين

اقسم بالله ان الدوخه شبه اختفت والام الرقبه والاكتاف والكتمه اختفت نهائيا .. اتذكر زمان لما اجي انام تجيني كتمه واحس الهواء مايدخل للرئه واقف بحلقي اقعد اتثاوب اتثاوب لين مايرجع النفس ويعورني حنكي .
الان ولله الحمد اموري ٩٠ بالميه افضل .
خف عندي التوتر نومي تحسن عصبيتي اختفت تفكيري هاديء .
ليش اكذب عليك ؟ انا ابي العافيه لي ولك وللجميع مستخيل اقول شي غير حقيقي وابتلش بذنبه برقبتي لا اشجعك على الدواء ولا اخوفك منه انا اتكلم عن نفسي فقط .. قبل الدواء كنت ٢٤ ساعه جسمي مو طبيعي رعشه خفيفه عدم توازن راسي ثقيل ومشدود اذاني مسكره مشتته شارده ماني مع الناس .. الان رجعت لنفسي ورجعت طبيعيه بفضل الكريم سبحانه ثم هالدواء .
بقولك نقطه مهمه يابو مسريييب انا بطبعي متفائله وعندي يقين ان ربي بيشفيني وان اللي امر فيه ازمه وتعدي واعتقد هذا احد اسباب العافيه لكن انت الاحظك ماتقتنع ولا ويائس ولو تحسنت شوي ماتشوف التحسن .. بقولك شي التحسن مايجي بيوم وليله لكن الاعراض تبدأ تخف وتبدا تنام زين ولما تصحى مزاجك مو سيء وتبدأ تشتاق لاصحابك وتطلع شوي شوي وتلقى نفسك دبت فيك العافيه .. انت توكل على الله وعالح هالقلق اللي فيك امورك كلها بتزين ان شاء الله .
قالي دكتور استشاري باطني وقلب ان القلق مسبب للقولون ولخبطة نبضات القلب والام بالصدر والاكتاف وتشتت وصداع مستمر وارتفاع ضغط الدم هذا بالبدايه بعدين يدخل على ازمات اكبر قرحه بالمعده ومرض السكر وعدم انتظام بالدوره الدمويه و و و كثير امراض .
ليش تنتظر هالضيم كله ؟

نسيت نقطه ان الهلع انتهى من اول شهرين يوم ابتديت علاج سلوكي لكن الاعراض الجسديه استمرت دوخه وقرف ومابقى دكتور ولا فحوصات الا سويتها وماكنت مقتنعه انه شي نفسي اقول اكيد فيني بلاء وماعرفوه الدكاتره وقالي دكتوري النفسي انتي اللي فيك اساسا قلق مش هلع بس القلق جاب لك كل ذيوله وتوابعه اللي هي الهلع والدوخه والخفقان تخلصنا من الهلع وظلت باقي الاعراض وقعدت اعاني من شهر ١٢ _ ٢٠١٧ الى رمضان ٢٠١٨ واستخرت ربي واخذت الدواء وكان احسن قرار الحمدلله كل شي رجع طبيعي صدقت الدكتور وصدقت ان القلق يعمل بالجسم عمايل رهيبه مايتحملها بشر .
النقطه الثانيه خذ دواك بدون مايدرون اهلك وقول لدكتورك مابي دواء يجيب لي خمول والله يكتب لك الخير

والله الثقل هذا انا تقريبا من شهرين بديت احس فيه ونا متعالج من الهلع من تقريبا سنتان احس بثقل بالكتف اليمين واليسار والم فضيع بالرقبه وعند زيارتي للدكتور قال فيك قلق واكتئاب وتخيل كنت احسب نفسي تعالجت وخلاص كل شي راح لكن الحمدلله على كل حال يبدو ان هالمره جاني اكتئاب مع القلق واحتمال برجع للعلاج اذا حسيت نفسي مو مرتاح الواحد يبي يعيش مره بحياته ولازم يعيشها وهو مرتاح يعني الخلاصه انت تحدد هل مشكلتك اثرت على نشاطاتك او لا

صح عليك ابو هلع ليش الانسان يكون عارف علته ودواه ويكابر ويعيش تعيش تعبان لا هو مع الناس ولا هو مرتاح .. ياخذ دواء ويرجع لنفسه وحياته احسن الانسان ماراح يعيش الا مره

جزاكم الله خير


والله يا اخواني
انهكتني الوجع الجسدي واحس بعدم راحه بصدري مثل الالم الالتهاب يتشكل من وجع ووخزات
وزادها الم الاكتاف والرقبه
للدرجه اني ابكي

هلا ابومسيريب كل الاعراض من القلق النفسي لاتبكي يارجال خذ ليريكا وريح نفسك

لست وحدك يا اخي ابو مسيريب انا ايضا ذهب مني الهلع لاكن لازالت الاعراض الجسدية خاصة الم الصدر والثقل اللي فيه وايضا اعراض اخرى يمكن رأيتها في مواضيعي

أسأل الله ان يشفينا ويذهب عنا البلاء ويمدنا بالصحة والعافية

جزاكم الله خيرا خواني على الردود

اهلًا اخي الكريم ،،
القلق بسبب كل ما ذكرت ،، شد في العضلات

لكن انصحك تزور طبيب و تعمل تحاليل ،، لان نقص بعض المعادن و الفيتامينات في الجسم له نفس الأعراض ،،

العلاج يكون بسيط ان شاء الله ،،
و لا تنسى ممارسة رياضة خفيفة و الاكل المتوازن الصحي ،،

عافاك الله

انا نفسك وقالو يمكن نقص فيتامين دال او كالسيوم او مغنيسيوم او مشكله بالمعدة او من قله الحركه وهاذا انا اخذ مرخي عضلات