شعور لحظي بالدوخة
 

السلام عليكم ورحمة الله وبركاته اسعد الله اوقاتكم.. بالسابق كان لدي دوخة مستمرة والحمدلله عالدواء شفيت منها ولكن اشعر احيانا تاتيني نوبات دوخة تستمر للحظات (اشعر بالدوار والدوخة بشكل قوي لمدة ثواني معدودة) ثم تذهب عني
علما بانني اتناول سيبرالكس 20
هل هذا الشعور تابع للقلق ام هو من تاثير الدواء ؟ ما رايكم بالامر .

هلا وسهلا مستر نشمي
انا نفس حالتك بالضبط تكون اموري تمام وفجأه تجي دوخه غريبه كأنها موجه سريعه وقويه براسي كأني قريبه من فقدان الوعي تستمر لمدة ثواني بس وتروح وبرضو مدري وش سببها .. سألت الدكتور قال طنشيها قلت وش سببها قال مرضى القلق او اللي اصابهم اضطراب نفسي مثل الهلع والاكتئاب والقلق وتشافو منه تفكيرهم دائما متركز على الداخل ودائما يراقبون اجسامهم واعراضهم بشكل دقيق جدا عشان كذا يتعرضون لمثل هذي الاعراض بسبب القلق من رجوع الحاله اللي كانت معاهم .
قلت له احيانا ما افكر ابدا بالحاله قال صح بالعقل الواعي ماتفكرين لكن العقل اللاواعي مركز على الحاله والاعراض .
انا في ٦ سبتمبر اكمل ٣ شهور بالضبط من استخدام الدواء ولله الحمد اموري متحسنه كثير لولا هالدوخه اللي قلت لك عنها .
مالي حل الا اطنشها وان شاء الله تختفي .
تطمن اخوي مستر عدينا الصعب والتعب الرهيب اللي مرينا فيه بفضل الله ومابقى الا اشياء بسيطه صحيح تنكد علينا وتحسسنا باحباط شوي لكننا افضل بكثير من اول يارب لك الحمد والمنه .
ايه تذكرت شيء قلت للدكتور اخاف يكون فيه شي براسي وماني عارفه وشو قال الجمجمه حجمها صغير وأي طارئ او مرض ماتستمر اعراضه فتره طويله بالراس على طول يتطور ويظهر بسرعه يعني مثلا لاسمح الله اورام او جلطات الراس مو زي باقي الجسم ممكن يتحمل اعراض مرض فتره طويله والله اعلى واعلم .
دكتوري استشاري امراض نفسيه وادمان وجراحة مخ واعصاب عشان كذا تطمنت من كلامه .
الله يطمنك ويريح قلبك

الله يطمنك اخت قطرات .. والله عدينا الصعب فعلا واشعر انني خرجت من حرب قوية ولكن اثارها مزعجة .. انا الان اموري ممتازة ولكن اشعر ان جسمي متعب بسبب هذه الحرب .. خرجنا من هلع ودوخة ورهاب وقلق وادوية وتفكير مستمر و..الخ
وكاننا اكثر شيء نحن بحاجة اليه هو التقرب من الله والهدوء
اسال الله ان يتمم شفائنا لاننا حقا تعبنا واجسادنا تعبت

نفس حالتك اظن بسبب الظغط

سويلك جدول بورقه بيضا لمده اسبوع وكل يوم روح افحص الظغط من صيدليه او مستشفى اذا الظغط مرتفع او منخفض لازم تروح لدكتور يصرفلك علاج وتوريه الجدول الي سويته

نفس حالتي مع الدوخه وبعد اخذ سيبراليكس طلعت طبيعي مامنها مضره اعتبرها عطسه وتناساها

بين فترة وفترة تجيني والله قوية بس الحمد لله عادية إن شاء الله مامنها ضرر عليك تطمن 🌹

كم لك تاخذ السيبرالكس ؟

تجيني واعتقد من اعراض الدواء الجانبيه لكن تختفي ع طول ماتطول

لي شهرين على جرعة 10 ومن 15 يوم تقريبا تم رفع الجرعة الى 20

الدوخه الي عندك من المرض وشهرين على السيبرالكس تعتبر شويه اصبر عليه يبي له اقل شي ثلاثه شهور ويظهر مفعوله ويعمل على ازالة القلق وتختفي الدوخه الي عندك

المشكله دكتوري رافض يرفع جرعة السب الكس ل ٢٠
يقول عشره مناسبه لك
لي ٤٥ يوم عليها

حياك الله يا طيب
استاذي الكريم انا عندي هلع بسيط ودايم افكر وعندي قلق وخوف بسيط
بالنسبة للدوخة اللي تقول عنها احس فيها وهي مثل ما تفضلت وشرحتها كأنك بتطيح من قوة الدوخة والشعور هذا مدته ثانية او ثانيتين
أتوقع والله اعلم أي أحد عنده قلق و توتر يجيه هالنوع من الدوخة لأن نادرا ما نلاقي احد يشتكي من تعب نفسي وما تجيه الدوخة

شفانا الله وإياكم

الدوخة هي عرض شائع من أعراض سبراليكس وخاصة اذا سويت مجهود بدني

انا الحين لي تقريبا ثلاثة شهور استخدم سبراليكس ولاحظت اني اذا سوي مجهود بدني ادوخ وتصير الدنيا تدور ماغير اجلس او انسدح على ظهري الين ما تروح الدوخة

ولا تخاف تراه ماهو عرض خطير شي عادي

لازم تروح طبيب اذن يمكن المشكله من اذنك

أعتقد أنه عرض للاكتئاب هي ليست دوخة كما يعرفها الناس بل دوخة ذهنية كما أسميها 😅 ولا أحد يفهم ماهي سوى من يعاني منها