ساعدوني فيه حد نفس حالتي ؟؟
 

انا عندي ٢٠ سنه وبعاني من الوسواس القهري بقالي فتره طويله
الاول كان وسواس الموت وبعدين وسواس ايذاء النفس
الفتره دي بقى دخلت ف افكار غريبه جدا ولما بحثت ع النت
لاقيت اغلب الناس بتعاني من وسواس الموت والمرض والعقيده
ملقتش حد بيشتكي من الافكار اللي انا بعاني منها ف بدأت احس اني
الوحيده فالعالم اللي كدا .
انا الفتره دي بفضل افكر احنا ازاي بنتكلم و ازاي الكلام بيطلع مننا بالسرعه دي لدرجه اني ببقا مركزة جدا مع نفسي وانا بتكلم وبتبقا فيه
حاجه جوايا بتقول مين اللي بتتكلم دي اصلا و ازاي الكلام دا هو اللي جواكي ..
وبفضل برضو افكر ف نفسي جدا ان ايه الروح اللي جوايا دي
ومين الروح اللي جوايا دي اصلا وحتى التفكير بفضل مستغربه
ازاي بنفكر والافكار اللي بتبقا جوانا دي بتجيلنا ازاي والحديث اللي جوا المخ دا بيجي ازاي ..
و موضوع التركيز مع الكلاام اني اركز ازاي بتكلم ومين اللي بتتكلم دي تاعبني جدا .
فيه حد منكم بيعاني من حالتي دي او يعرف حد بيعاني منها
ولو حد بيعاني منها خف ازاي؟؟
وياريت تفيدوني ف موضوع الادويه هل فعلا الادويه النفسيه بتعالج الوسواس القهري ولالا ..
ساعدوني لو سمحتم لاني بجد تعبت

الوسواس القهري من الأمراض النفسية الشائعة وله علاج عند الأطباء النفسيين ولكنه يتطلب الوقت والصبر من المريض..... شوفي طبيب نفسي متخصص والله يشافينا وياكي.....

انتي مش الوحيدة في ملايين زيك.

بغض النظر عن الأعراض والاختلافات لكنها كلها تندرج تحتى مسمى الوسواس القهري.

أعتقد اللي عندك وسواس مع قلق وهذا اللي يخليك تحسي بالغربة حتى مع ذاتك.
أنصحك بمراجعة طبيب, والأدوية مفيدة جدا لحالتك.

تمنياتي لك بالشفاء العاجل.

الوسواس القهري له اشكال كثيره
انا ايضا اعاني من وساوس كثيره ومن وسواس النوم واستغرب النوم وازاي بنام وافكار كتيره
وفي ناس معها وسواس مراقبه البلع ووسواس مراقبه الكلام ابحثي في جوجل هتلاقي كتير

ماتحتاج مساعده هذا وسواس قهري عصابي وعلاجه انك تحقرين الفكره ولا تلتفتي لها ولا تسترسلين معها ودربي دماغك على هالشي ورايح يتلاشى مع الايام

الوسواس القهري هكذا أفكاره يوم عقيدة يوم موت يوم وسواس مرض يوم إختلال أنيه يوم هدوء غريب ومخيف يوم عادي وهكذا زرتي طبيب قبل كدا؟
وألف سلامة عليك