الوسواس وقت المرض
 

السلام عليكم
كيف الاخبار مع الجميع
صار يومين ابا اكتب الموضوع متردده و الحين قلت دام الوسواس وصل حده خل اكتب و استفسر
انا يوم الجمعه مرضت و كان طول اليوم ترجيع وانتي بكرامه ومغص وتعب و يوم مرضت بدا الوسواس و حفت اروح المستشفى بس زوجي يوم شاف اني وايد تعبت اجبرني اروح على الليل رحت و عطوني ابر ومسكنات و مع التحاليل شافو انه في التهاب و قالي الدكتور بكتيريا فالمعده و عطاني مضاد و رحت
بس الوسواس لاعب فيني لعبه يعني فيني خوف مش طبيعي

هل هذاا الخوف يمر فيه الموسوس كل مره يمرض ؟؟ و عندي صداع يمسك راسي و يشد و بس يروح الصداع مثلا جهة العين يتم فيها ألم هذا الالم مخوفني بعد هل طبيعي يكون الالم مكان الصداع بعد مايروح خصوصا انه كان فيني حمى و راحت و اليوم الصبح قمت على نفس الوسواس و الصداع و الم العين و اللوعه

و انا مشكلتي لو الوسواس شوي يخف عني اتم متوتره رايحه و يايه فالبيت خل طبيعي الموسوس جي يصير معاه يخاف من كل شي وقت المرض

شيئ طبيعي الموسوس لما يمرض الوسواس يشتد عليه ويخاف ليكون عنده مرض خطير او ان مرضه يتطور
ربنا يشفيكي

وعليكم السلام ورحمة الله وبركاته
مساء النور ؛ عندك وسواس من أول يعني قبل الألتهاب بالمعدة، وطبيعي اي حد يمرض يتوسوس شوي بس لاتخافين دام عرف السبب تطمني خلاص
وعادي وقت المرض يزيد الوسواس والقلق وممكن نوبة هلع عابرة إن شاء الله أنتي بخير لاتعطي للشيطان مجال عليك أبداً كوني بخير

بالضبط شعوري هاليومين

الله يشفي الجميع يا رب

هيه عندي من سنين تقريبا والله ياني خوف مش طبيعي و فوق هذا قلبي تم يدق بسرعه حاولت اطنش و طول الوقت انام خوف قوي ياني و الي خوفتي الم عضلات جسمي صدري و رقبتي

اخوي انته شفت لكً كذا رد تعاني بالشد من الرقبه و الراس اذا يكون في مثل الشد في رقبتك و جهتك اليسار هل ممكن يسبب الم فالعين يعن احس الم غريب في عيني وين عندي شد في رقبتي لاني شفتكً تعاني نفس المشكله هاي انا يوم اغمض عيني احس الم فيها يمكن الم في عضلات العين ممكن تتاثر ؟

انا زيك والله نفس الاعراض
ونفس الم العين والصداع
الوسواس بدا معاي بعد مامرضت
ويوهمني انه مرض خبيث والعياذ بالله
نصيحه طنشييييه ولاتحاولي تدوري بقوقل راح يزيد
الجأي لله وحطي ببالك انك بخير مافيك الا العافيه

الله يعين والله احس اني جي خايفه ماعرف من شو مع انه شوي تعب المرض خف بس احس الصبح جي دقات القلب تخوفني و الحين اكلمج وانا ارتجف ماعرف ليش كل شوي اقول اروح للدكتور او لا يمكن ردت فعل الادويه و بدا عندي الوسواس احس اني نفسيا تعبانه من التفكير

والله كلنا تعبانين من التفكير
انا زيك لما اروح للدكتوره مراجعه اخاف قبلها
مع انه مافيه شي يخوف وبصحتي وعافيه الحمدلله
بس اخاف بس اخلص من عندها واطلع اتطمن وارتاح
بس هو هاليومين محسسني بسدة نفس عن الحياه
يعني مو قادره افرح باي شي
ومافيه شي يفرحني زي اول
ومدري ايش السبب لكن الله يعين
الواحد يصبر الين ماتفرج ان شاء الله
انتي لاتخافي

الله يفرجها علينا يا رب و الله نفس وضعج الحمدلله و الشكر

الحمدلله دحين عندي شعور بالراحه والسعاده
بس الوسواس قاعد يقول لاتفرحين هذا مؤقت
وانا اقوله حتى لو مؤقت المهم ربي شرح صدري
وريحني منك 😁

مرحبا بنت الحوسني
إي والله زيك تماماً وماسك معاي من كم يوم وشد بالرأس وصداع وجهة اليسار مع الرقبة شد والآلآم متفرقة والم بالعين لم اغمضها لفترة والله مدري إيش ذا احسه قلق فعلاً 🤔 ومتضايق منه صراحة 😔😭 الحمد لله على كل حال
انتي تطمني لأنه جاني كثير والله😔 وتعبني والحمد لله بعد الراحة والإسترخاء يروح بإذن الله تعالى 🌹

الله يتممها لج يا رب و يسعدج ان شاءالله على طولانا بس قريت كلامج فرحتلج والله يالله الحمدلله خبر حلو عالصبح و طاقه ايجابيه

مشكور اخوي طمنتني بصراحه اول مره يمسك معاي الم بالعين بس راسي و رقبتي على طول الشد البارحه صدعت من قوة الشد شو سويت خذت اللفه اللي تنحط للرقبه من الصيدليه و دخنت رقبتي فيكس قوي للصداع نوعيه للصداع يعني و دهنته لين تحت اذني و لبست لفة الرقبه و ريحت رقبتي شوي بس الم العين مازال كل ما اغمضها في الم و ان شاءالله خير ممكن تجرب الحركه مالت الرقيه انا قالي الدكتوره شد الرقبه و الظهر من القلق لان الواحد على طول مشدود بس اللي خوفني العين و انته طمنتني الله يطمنك يا رب و يشفيك

الله يسعدك ويفرحك ويريحك انتي كمان

الوسواس يشتد على الانسان مع المرض او الدوخة او الالام معينة ..وكلنا نعاني من هذا لست وحدك .
انا شخصيا مرضت من سهرين واصبت بوسواس وخوف رهيبين وقلق وتوتر ورجفة في الجسم وعدم القدرة على البقاء في مكان واحد ولو ل 5 دقائق .
عانيت كثيرا جدا خلال اخر شهرين لكن بدأت الاعراض تتلاشى ومن يومين جائتني دوخة فرجع الوسواس ثم خف اليوم وللعلم تم تشخيصي رهاب اجتماعي مع قلق وتوتر ولم ابدأ في تناول الدواء واحاول التغلب على المرض بالارادة لكن انتكس .
لهذا نصيحتي لك ان تطنشي الامر عند الوسوسة والخوف وحاولي تشغلي نفسك مثلا تعلم عمل حلويات جديدة او مشاهدة دروس على يوتيب او الخروج انت والزوج للقيام بجولة وايضا عند الشعور بالخوف ابدأي في قراءة القرآن وان شاء الله ستشعرين بتحسن