هل جرعة الباروكسات الموصوفة عالية؟
 

السلام عليكم
من فترة رحت لطبيب شخص الحالة رهاب اجتماعي مع وساوس، وصرف لي دواء باروكسات جرعة 50، انا من سمعت الجرعة ما تحمست أني آخذ الدواء، افكر في الاعراض الانسحابية اذا جيت اتركه بعد سنة مثل ماقال الطبيب.
انا ما اخذت الدواء وافكر ارجع للطبيب واقول له اكثر من جرعة 20 مجم ما راح آخذ. إيش رايكم بالموضوع؟ وايضا قلت له يصرف لي السيروكسات الاصلي لكنه صرف باروكسات، مع العلم أن لي تجربة سابقة من سنوات مع السيروكسات cr واستفدت عليه

انا بصراحة ماجربت الباروكسات جربت السيروكسات بجرعة 25 وكلنت جرعه ممتازة للرهاب مع الوقت رفعت الجرعة الى 50 ولم استفد منها كثيرا
وانا اعتقد ان باروكسات نفس سيروكسات بس شركات تختلف
جرعة 50 تقتل الرغبة الجنسية ومعها الانتصاب هذا العرض الجانبي لايصلح اذا كنت متزوج اما ترك الباروكسات واعراضها الانسحابية انا تركت السيروكسات بدون تدرج واستخدمت اللوسترال وكانت الاعراض تافهه ثقل بالراس ودوخه وانتهت في اسبوع فلا تقلق من الاعراض حتى ولو تركتها ولا استخدمت علاج اخر اعتقد انها سهلة جدا
اتمنا اني افدتك

استشر دكتور آخر من رايي

تطمن الجرعة امنة, لكن هل طلب منك تاخذها فورا أو تبدأ بجرعة أقل وتدرج الى أن تصل 50 ؟

الباروكسات هو نفس المادة الفعالة باروكسيتين اختلاف شركات فقط.
اذا وقفت الدواء بطريقة تدريجية وحسب تعلميات الطبيب الأعراض الانسحابية بتكون بسيطة جدا ومافي قلق منها.

شكرا لكل من علق ...

الدكتور قال أبدأ بجرعة 20 لمدة 3 أيام ثم 50 مجم . أحس التدرج هذا سريع ؟

أيضا في قضية ثانية يمكن تكون منعتني من أخذ الدواء وهي أن الأهل مايعلموا أني راجعت دكتور نفسي , ودائما أفكر حول نظرتهم إذا علموا أني آخذ دواء نفسي , هذا اذا أخذته يعني.

يمكن لو كان الأهل عندهم علم وتفهموا ودعموني لأخذت الدواء

هل انتم تأخذون أدويتكم بالسر ؟

انا اخذت العلاج وماناظرت ولا اهتميت لأحد نهائيا لاني
ركزت على هدف واحد وهو العافيه فقط
فانصحك لاتهتم لأي شي الا كيف تتشافى باذن الله
بالنسبه للعلاج انصحك تبدا ب 10 لمدة اسبوع بعدها ترفع ل 20
وتجرب لمدة شهرين اذا جابت نتيجه او ارفع الجرعه ل 40
الدكتور اللي وصف لك طريقة الرفع اتمنى تحط اسمه علشان محد يروح له لان طريقته هذي راح تتعبك كثير
بالتوفيق

الدكتور بالنهاية هو الأعلم بحالتك, لكن كبداية أشوفها جرعة كبيرة, وممكن تعاني من الأعراض أو تتحملها هي جرعة صحيحة للوسواس لأنه يحتاج جرعة عالية لكن بالتدريج.

بالنسبة لدعم الأهل يعتبر شي مفيد وجيد لكن اذا الأهل مو متفهمين المرض النفسي ولا مقتنعين بالأدوية النفسية بيكون تأثيرهم سلبي, وأنا وأعتقد الكثير مثلي نخفي الموضوع عن الأهل لهذا السبب

من تجربة تكفي جرعة 12.5 يعني حبة واحدة من سيروكسات
سي ار ، واستمر عليها فترة طويلة
ليش خمسين سلامات ؟!
وخذها من دكتور الصحة النفسية الحكومي وتابع معه
ما تشوف شر

بالسنبة للباروكسات أنصحك تاخذ الأصلي (سيروكسات) مو لأنه بجودة أفضل فقط لكن الأسعار متقاربة جدا فمافي داعي تاخذ الانتاج المحلي والأصلي المستورد بنفس السعر.

اتفق

انا مثلك تم تشخيص حالتي رهاب مع توتر وقلق ووصفلي سيروكسات 10 مغ كالتالي : 5 مغ لمدة 10 ايام ثم ارفع الى حبة 10 مغ لكن لم ابدأ فيه من التخوف من الاعراض .
ارى ان جرعتك كبيرة لكن بما ان الطبيب وصفلك هذا فلايمكننا ان نقيم حالتك افضل من الطبيب لكن يمكنك اما الرجوع اليه او زيارة طبيب اخر

حتى انا نفس الكلام رحت للدكتور الحامد وصرف لي باروكسات 20 قال ابدا بنصف حبه وكل اسبوع زود نصف الين ماتوصل حبتين يعني 40 ملجم بس متردد الى الان ماستخدمته خايف من بداية استخدامه يقولون يتعب الشخص وثانيا احس الجرعه كبيره وبتتعبني وقت ماترك الدواء

انصحك من تجربة خلك على 10 حتى تخلض العلبة وبعدين حول الى سيروكسات سي ار 12.5 ولا تزود الجرعة واذا جيت تبي توقف بعد 6 اشهر مثلا حول على البروزاك ممتاز ويغطي على اثار السيروكسات الانسحابية

انا الدكتور اللي رحت له صرف لي باروكسات 20 وقال تدرج فيه اسبوعيا بنص حبه حتى توصل حبتين يعني 40 ملجم تتوقع الجرعه مرتفعه لاني باقي ماستخدمته

بدأت أمس في تناول جرعة باروكسات 10 مجم ولا أفكر بزيادتها حتى لو أن في العادة الجرعة العلاجية تكون أعلى , 10 مجم لاتسبب لي أعراض جانبية وأشعر أنها ستفيدني , ولو بغيت اترك الدواء لن أعاني كثيرا ان شاء الله , سأستمر في تناولها اكثر من 6 اشهر ويمكن سنة او اكثر او اقل , والدكتور خلاص ماراح اراجع لاعنده ولا عند غيره , بصرف الدواء بالوصفة اللي كتبها لي سابقا .