اذا دخلت المنتدى ارتاح <<< انتم مثلي
 

مرات اكون
تعبان
خايف
قلقان
متوتر

ما ادري ايش اسوي
او وين اروح
احس اني تايه
ع طول ادخل المنتدى

احس هنا ناس تحس فيني
احس اني مو لحالي
فيه ناس معاي ومثلي
وتعاني نفس معاناتي
وارتاح كذا

الاهل والزملاء مهما شرحت لهم
مهما حاولت تفهمهم
ماراح يحسون باللي تحس فيه

احس بالمنتدى تحصل دعم نفسي ومعنوي
وهذا يريحك ويطمئنك


قبل ما اعرف المنتدى
كنت احسب انا الوحيد اللي اعاني هذي المعاناة لوحدي
بهالعالم والحمد لله تعرفت على المنتدى
وشفت اني مو لحالي معي ناس نفس وضعي


هل انتم تحسون مثلي ؟

حياك الله غدا
اكيد الواحد يرتاح جدا اذا لقى شخص مر بمثل معاناته ويحس فيه
واكيد بعد انك لو تشكي لأحد حالتك وهو ماقد ذاق مرارة القلق
اكيد ماراح يفهمك او يحس فيك
والاهم من هذا كله انك لازم تعالج القلق النفسي علشان ترتاح
بالتوفيق

بعين الله اخي غدا اجمل

هناك الكثير ممن يعانون من نفس الاعراض
ولولا الله ثم الانترنت

لكنا لا نعرف ما الذي يحصل معنا

الحمدلله على فضله

عسى هالراحه دوم ياخوي
و احنا كلنا اخوانك و اخواتك اسره وحده متحابه
حاسه ببعضها ما بيننا وحيد و لا مغترب بإذن الله
ربي يديم المعروف و الود و يديم علينا نعمه جمعاء
اسعدتني كلماتك الله يحفظك و يجعل غدك دوم جميل .

هلا بك
فعلا انا كنت ابحث عن منتديات مشابهة استفيد واشارك ناس مثلي نفس المواضيع والاهتمامات
وصرت ادخل نفساني كل يوم واستفدت من آراء الاخوة وتجاربهم وبنفس الوقت أشعر باطمئنان وتفهمت حالتي أكثر

اي والله صدقت
صراااحه ٣ شهور من بداية تعبي تغيرت حياتي كثير
لكن نحمد الله اولا واخيرا
وعسى أن تكرهوا شيئا وهو خير لكم
تصدق نفسي كل يوم اسأل حتى لو جات الاجابه من الإخوان والأخوات
ف تحيتي للجميع

اسأل الله العلي القدير ان يشفيكم .
واهلا بكم في موقعكم نفساني .

الله يشفيك و يعافيك اخي الكريم،،
اكيد الكل سيشعر بك ،، فالمعاناة واحدة ،،
ستجد الكثير من التجارب ،، اتمنى ان تستفيد منها ،،

اهلا بك

اكيد طبعا اي احد يشوف ناس بمثل حالته
بيرتاح ويتطمن ويحس انه مو وحيد وانهم بيفهمون
احسن من واحد ماجرب شعورك وتجي تشكي له يقولك
انت تبالغ او مافيه شي ويجرحك بالكلام
اهلا بك اخوي وان شاء الله يكون نفساني
بدايه خير لك ويشفيك ويريح بالك

انا لولا الله ثم اخواني وخواتي هنا ماكنت راح اكمل بالدواء لشدة اعراضه والحمدلله كل ماتعبت دخلت المنتدى ولقيتهم يدعموني ويقوون عزيمتي لين ماعديت وطلعت من عنق الزجاجه .
الله يكتب لكل شخص بهالمكان الشفاء والعافيه التامه والسعاده والطمأنينه يارب

حياك الله غدا انا نفسك

صحيح لانك تجد من هم اكثر واشد وامر فيهون عليك مرضك

قالوها من زمان : المصائب تجمع المصابين

يتعزى الواحد بالمصابين أمثاله فطرة و طبيعة بشرية سبحان الله




حتى الخنساء قالت يوم قتل اخوها صخر :

و لَوْلا كَثرَة ُ الباكينَ حَوْلي ...... على اخوانهمْ لقتلتُ نفسي