جسمي كله متوتر هاليومين
 

السلام عليكم
انا اتناول سيبرالكس 20 وحالتي كانت ممتازه جدا الفتره الماضيه

حاليا جسمي كله متوتر ورجفه بالايدي وتنميل اطراف وتنميل اعلى الراس
اريد حل للتخفيف والتهدئة من هذه الحالة
الله المستعان ....

الحمدلله ليس لدي رهاب او خوف عام
فقط توتر جسماني

هلا اخوي مستر
ترا طبيعي جدا التذبذب حتى تختفي كل الاعراض
وخلك جاهز دايم ممكن يمر يوم يومين في الشهر يجيك بعض الاعراض
لين توصل الشفاء التام باذن الله
بالتوفيق

بارك الله فيك اخوي بن دايم
بسألك
السيبرالكس امس انقطع من منطقتي والدكتور وصف لي بديله يعني نفس الماده وعيار 20
هل هذا ياثر علي حسب رايك ؟

انتابرو ؟

الدواء من فصيلة استالوبرام يعني نفس مادة السيبرالكس
اسمه بيرلكس

عموما خلال كم يوم ان شاءالله برجع السيبرالكس

ممكن اختلاف شركات فقط
بالتوفيق

هلا بك مستر نشمي
تصدق ان هالاعراض كانت تجينا قبل مانعرف الهلع لو ترجع بالذاكره ورا كم سنه تلاقي انها كانت موجوده مثلا اذا مانمت زين او توترت من شي وكنا مانعمل لها حساب وتتلاشى من نفسها .
من بعد ماجانا الهلع والاكتئاب صرنا نركز كثير على اجسادنا واي اعراض نشعر فيها نركز عليها بالتالي نشوفها مزعجه جدا .
نبهني لهالنقطه الدكتور بالفعل استرجعت ذاكرة الايام والسنين الماضيه احيانا تجيني كتمه وضيق تنفس واحيانا دوخه وتنميل بأعلى الراس واحيانا الم باكتافي واسفل الرقبه واحيانا ضيق شديد بدون سبب بس ماكنت اهتم للاعراض الان سبحان الله اي عارض او دقه في القلب غريبه او شد بالراس تخليني اتوتر .
بعد ماعرفت نوعية واسباب الاعراض صرت اطنشها صحيح مزعجه لكن مالنا حل غير التطنيش .
لاتيأس مستر ولا تستلم للاحباط يوم يومين وتختفي الاعراض ان شاء الله .
سلامتك من كل شر

هل يصاحبك نشاط في الحركة ؟ شعور بالانشراح الزائد؟ تطاير في الأفكار؟ العجز عن إتمام عمل معين لشدة التشتت؟ عدم الرغبة في النوم؟ سرعة الانفعال و ردات الفعل الجريئة المفاجئة ؟

هذي اعراض لأي مرض طيب ؟

ثنائي القطب لكن مو شرط ابدا لازم مقابلة الطبيب وهو اللي يحدد

اخوي بن دايم انا تحسنت لمده عشرة ايام واليوم احس بانتكاسه تتوقع تذبذب؟

ام زوز ايه اتوقع تذبذب لأنه تحصل معاي كل فتره ويمر كم يوم ماني على بعضي بعدين ارجع طبيعيه .
الله يتمم شفاك يارب

الله يطمن قلبك 😙