محتاجه نصيحة
 

السلام عليكم اخواني واخواتي أسأل الله لي ولكم الشفاء والراحة
انا اخذ سيبراليكس من حوالي شهر تحسنت بعد استخدامه بأسبوعين لمدة أسبوعين تقريبا ثم عاودتني النوبات لي ثلاث ايام ايش السبب قبل ترجع أخذت مسكن لضرسي ممكن يصير ألغى مفعوله؟
السؤال الثاني هل مع الاستخدام الطويل مثلاً عشر سنوات يفقد العلاج مفعوله؟

توك في بداية العلاج وكل هذا اسمه تذبذب والتحسن الواضح عاده يبذا بعد شهرين
بالنسبه هل يقل مفعوله مع الوقت في ناس لها عشرين سنه تستخدم علاج وامورهم طيبه
لاتشغلين بالك علشان عشر سنين قدام انتي الان حاربي علشان العافيه
بالتوفيق

اخوي مره يتعب لافكرت انه العلاج يفقد فاعليته دكتور بتويتر يؤكد هالكلام وجاني اكتئاب معقول ماراح نتعالج

ام زوز حبيبتي لاتخافين وتستبقين الاحداث
صاحبتي لها ٢٠ سنه من عام ٩٧ تستخدم دواء نفسي وامورها طيبه ماشاء الله .
لازم تعرفي ان كل جسم يختلف عن الثاني انتي بس تطمني وثقي بالله واتركي بكره لبكره .
انا لي ثلاثه شهور وشوي ولسا تجيني نوبات بسيطه بس عرفت اتعامل معها استرخي واطنش .
لاتخافين توك بأول الطريق بالدواء وبتشوفين العافيه التامه ان شاء الله

وقفي بحث في تويتر وقوقل وركزي على العافيه فقط
وباذن الله راح يعافيك ربي

الله يشرح صدرك ويطمن قلبك وييسر لك امورك على ردك المريح 😙

الله يجزاك خير وقت الهلع لاارادي ابحث مادري ليش

لاتشيلين هم باذن الله خلال كم اسبوع بتكونين افضل

لا لا ماله علاقة وهذا الشعور اللي جاك طبيعي بيمر على أي شخص بحالتنا المهم استمري بالدواء، وإن شاء الله ح تتحسني أكثر ف أكثر يارب قدامك العافية 🌹

احيانا تحتاجين رفع للجرعة طالما فيه تحسن لو خفيف فمعناه فيه استجابة للدواء استشيري طبيبك بشأن رفع الجرعة

ام زوز انا لي 14سنه على سيبراليكس ولا فقد مفعوله ولا شي صحيح يحصل تذبذب في الحاله اوقات .واعراض تجي وتروح لاكن مرتاحه عليه الحمدلله لاتفكرين الا في الحاضر وصحتك الله يمتعك بالصحه والعافيه

الله يطمن قلبي وقلبك والله شي متعب الله يشيل عنا التعب والخوف

ممكن تشرحين لي التذبذب ؟

انا استخدم السيبرلكس 10 سنوات بالعكس مافقد مفعوله

وصرفلي الدكتور معاه علاج انفرانيل كامدعم والامور تمام

الله يطمن قلبك ويشفيك أنا تحسنت لمدة عشر ايام تقريبا ومن أربع ايام عادت النوبات مثل بداية العلاج