امر بمرحله متعبه اريد حل
 

السلام عليكم

بدخل في موضوعي انا هالفتره امر بمرحله متعبه حدا خلاص احس تعبت شعور الاحساس عذبني اخس مرات صدق ومرات اقول لا كذبه لا تصدقين وفجأه اسرح استويت وايد ادخل في سرحان وفقدان الشهيه وتجيني غصه في الحلق كثير ماتوقف هل حد مر بنفس احساسي وكثير اخاف وكل حركه مني ولا من اهلي صادره اخاف منها ولي فتره احس بضيق مع حزن مب طبيعي تخليني حزينه ولا استمتع باي شي احس كرهت كل شي كل ما اريد اسلي نفسي امل واسرح ما اعرف شو اللي فيني والله مرات اقول هل فيني وسواس ولا احساس ولا شو بالضبط على ان اعراض قبل وايد كانت تجيني بس خفت

اسفه على كلام مب مرتب بس ما اعرف كيف اوصف نفسي

وهل حد يعرف دكاتره نفسيه في الامارات

حياك الله
اللي فهمته من كلامك ان عندك قلق واكتئاب
لكن ارجوا انك توضحين اكثر

الله يكون لعونك حبيبتي هذه من مشاعر الوسواس ماتقلقي تعدي أن شالله بس حاولي تتجاهلي الأعراض قد ماتقدري قولي بإذن الله انا قادرة على تجاهل الأعراض

عزيزتي ملنا نمر بنفس اللي تمرين فيه بس حاولين تتمالكين نفسج وماتتخبطين و شوفي موضوع اخوي الشاكر و ارجعي للصفحات القديمه دائما احب ارجع و اقرا نصايحهه و احاول اطبق

الخوف طبيبعي من الوضع اللي انتي فيه لاتكبرينها عشان تصغر

انا اتمر علي اخاف من البلع لاني احس بشي غريب فجاه و جفاف اخاف من اب صوت شرطه اخاف من اي تغيير بالروتين يعني اذا صار شي يديد اقول ليش خلاص عودت نفسي روتين و في مكان واحد و ما احب اطلع من قوقعتي و هذا الغلط اختلطي بالناس اجبري نفسج انا مرات والله اجبر نفسي و مرات انتكس و اقعد بس ابكي طول اليوم بس الواحد لازم يجاهد نفسه ويحاول في بوظبي اذا بغيتي انروحين شوشوفيً كيور سنتر اخصائي سمعت عنه وماجربته للامانه و الاخصائي يعطيج امور وعلاجات سلوكيه بس انا ارد اقولج افتحي الموضوع اللي فاتحنه اخوي الشامر و اقري عليه يعطيج ارشادات كيف تسوين كنترول عالخوف كل ما اتيني الحاله ارجع اتصفح سبحان الله مرات الوضع طبيعي ومرات اكتئاب ولله الحمد على كل شي و الله يشفيج

مثل شو اوضح امممم يمكن اعاني من صعوبه البلع مب في الاكل وما اشتهي الاكل وخوف والتفكير بالموت مايفارقني ابدد تعبت

ترا كان فيني قبل كم شهر وارتحت بس اخر فتره زاد

اصلن ما اقدر اسوي شي كل شي اخاف منه حتى المسلسلات في نصها اوقفها

الله يعين يارب ويكون في عونا ونتخلص منه