نفساني - تجربتي لكل شخص عانى من الرهاب و الوسواس

مرحبا
معاكم اختكم حصه
شعور غريب وانا اكتب موضوع مع انقراض المنتديات و مرور اكثر من خمس سنين من اول مشاركه لي لكن حسيت ب رغبة كبيره اني ارجع اكتب لاني اعرف شعور اي شخص مر بهالتجربه و يحاول يقرا اي تجربه تعتبر إيجابيه عشان يتفائل .
عانيت من رهاب و وسواس موت و عقيده و كل الاعراض كانت تتطابق معاي وكل مره كان البحث عن الاعراض و اشوف ناس تتشارك معاي فيه يساعدني ، أكيد مافي مثل رعب اول نوبة هلع راح تدخلك دوامه اذا ما لقيت شخص فاهم يوجهك ، وبحكم سني الصغير وقتها عانيت ما خلو فيني شي ماقالوا فيني مس حسد عين نفس مجنونه .
ما ادري كيف اصف هذي الفترة كل يوم انام وانا خايفه و اصحى وانا بالي مشغول ب كل الافكار السخيفه الي سرقت مني لحظات ثمينه ب عمري ،
بديت اتغير تدريجياً لما تبدأ نوبة هلع ما الفت النظر ب خوفي ابدا اتمالك نفسي لين امتص الخوف
وسواس الموت الخوف من الموت امر طبيعي لكن لازم اعيش هذي اللحظه
وسواس عقيده اتجاهل اي كلام يتكرر و اي سؤال كان يرن ببالي ابحث عن اجابته
اشغل بالي و تفكيري ولا استسلم ل الفراغ لانه اساس الافكار المزعجه ابدا اتعامل ك شخص ما اشتكى ب الامس و لا يعاني من شي اليوم كل ما حسيت ب الحزن و الخوف راح أهدى ثم أكتب.
رساله مني ل اي شخص يعاني كلنا حسينا بالي حسيت فيه و مرينا ب مثل الشي و الاعراض لا تتوقع انها بتستمر معاك ل الابد لكن توقفها بيبدأ من عندك لا تنتظر علاج لتتغير او شخص يساعدك