اللي تخلص من وسواس المرض يدخل
 

السلام عليكم
كيفكم ان شاءالله بخير
انا جايتكم بموضوع جديد
الحكاية عندي بدت قبل سنة و8 شهور تقريبا
قلتها قبل كده بس بختصرها
متزوجة ورحت لبلد مافيها احد اعرفه مع أني اخرج ومبسوطة الحمدلله بس يمكن الوحدة لها دور زوجي في الدوام وأنا لا شغلة ولا عملة المهم
كنت قاعدة في أمان الله فجاة جتني كتمة وخوف ودقات سريعة ودوخة وجبت الإسعاف قالو مافي شي ورحت المستشفى كمان مافي شي بعدها انفجعت ومو قادرة أنسى وأحس في شي في قلبي وزحمة وصرت اخاف وماابغى اخرج مكان وشخصيتي اجتماعية راحت صرت كل مااخرج يجيني خوف ووعدم راحة بعدها قلت اروح دكتور نفسي شخص حالتي هلع وأعطانيحبوب اسمها انتابرو قاللي مكوناتها زي سيبرالكس بس فرق الاسم بعدها جاني وسواس الموت المهم الحمدلله مااستخدمت الدول وتقريبا تغلبت على كل شي تلاشى من عندي دحين طالعة بوسواس الأمراض كل شوية اطالع في نفسي وكأني أشوفها اول مرة ليش اللون كده ايش دي الحبة ايش دي العظمة تعععععبت تتوقعوا كيف اجتاز دي المرحلة ؟ تعبت الدوخة أفسرها شي تاني مغص نفس الشئ كحة إلى آخره. وسواس الأمراض الخطيرة!!

الله يشفيك ويبعد عنك كل شر حبيبتي

انا مثلك والله وسواس موت الله يطول اعمارنا ووسواس امراض خطيرة عافانا الله، كل يوم يطلعلي وسواس جديد، لكن قالت لي الطبيبة ماتقعدي تراقبي جسمك حتى ويجيك ألم خفيف أو حسيتي بدوخة تجاهلي الوضع وقومي اعملي اي شيء لأنك اذا ركزتي في جسمك رح تعيشي داخل افكارك السلبية و تكثر مخاوفك وتصيري في حلقة مفرغة
لا توتري نفسك لأنو رح تتعبي اكثر، املىي فراغك ولما تحسي نفسك تعبانة نامي وحطي قرآن او اتفرجي على فلم رح تنسي
انا البارح حسيت اني رح جن، ضغطي متدهور ودوخة و ارهاق.. اخذت كالسيبرونات و فيتامينات وكلشي اصبح تمام الحمدلله، الله يشفينا اجمعين امين

الحمد لله على السلامة 🌹
اولا لازم تقنعي نفسك وعقلك الباطن بحقيقة ماحدث معك وكيف تتقبلين الفكرة بهدوء ودون حِدة قلق حتى لايكون تأثيرها مستمتر لاسمح الله، والدواء يساعدك بإذن الله لتخطي هذي المرحلة كل ماعليك ان تسترخي وتبدأي بتطبيق علاج سلوكي خاص بك ك الخروج من المنزل والرياضة وشُغل أغلب وقتك حتى تكوني بعيد عن الأفكار الوسواسية والدواء هذا ممتاز على فكرة وماشاء الله نتائجه طيبة وانا للأن استخدمه وماشي عليه ك جرعة وقائية فقط والحمد لله الأمور طيبة، ويارب يجمع لك ولنا الشفاء العاجل والأجر آمين 🌹

اول شكرا عالرد ماقصرتي
فعلا كلام دكتورتك صحيح اكبر غلط الواحد يجلس يراقب جسمه بس اعوذ بالله وسواس قهري يجبرك ،، ايش هيه الكالسيبروناات؟؟
الله يعينا يارب ونقدر نتغلب عالموضوع بإذن الله

يعطيك العافية عالرد بس مافهمت كيف اقنع نفسي بحقيقة ماحدث؟!
والدواء تقصد انتابرو ولا انت على سيبرالكس؟
وايش يعمل الدوا هل يبعد الخوف والقلق والوسواس نهائيا مو مصدقة هههه
وبخصوص الخرجة وكده الوسواس يتسلط عليه اكثر شي وأنا مبسوطة 😪😪
ياالله نفسي ارجع زي زمان مااعرف ايش اللي لعب بحسبتي كده

بإذن الله تعالى ي لولو بس تحتاج تأخذي بالأسباب والدواء خليه أخر حل بعد العلاج السلوكي والف سلامة إن شاء الله 🌹


الردود داخل الإقتباس

الله يسعدك أبو عبادي شكرا لردودك
طيب ايش الفيتامينات اللي نقصها يجيب وسواس؟!
وهل تنصحني ابدا أجاهد نفسي وتطمس وأحاول قبل ماالجأ للدواء؟؟
يعني اخلي الأدوية حل أخير ؟!
وايش الأشياء اللي تساعد في التخلص من الوسواس
سامحني طولت عليك ومنكم نستفيد الله يكتب أجرك والله محتاجة كلام يطمئن شوف صرت اصحى من النوم مؤكدة وفيني خوف ومااكل

يارب سترك ورضاك
والله بجلس اكتب هنا اسلي نفسي
ياااارب ابعد عني وعن الجميع جميع الوساوس يارب والله نضيع عمرنا ووقتنا بأفكار سلبية صرت اخاف من كل لحظة حلوة اعوذ بالله
وصرت اخاف من عين وحسد !!!
على فكرة ايش طريقة التحصين الصح أذكار الصباح والمسا تعتبر تحصين ناس قالولي اذا مستعجلين اية الكرسي والمعوذات تعتبر تحصين صح؟؟ والنفث يكون قبل ولا بعد ؟؟
يوووووه كلامي خبيص مشووو حالكم 😞

الردود فوق وحلونها لاحقاً ب الكمبيوتر بكتب دحين من الجوال

يارب اللهم آمين أجمعين يارب

طبيعي تخاف من العين والحسد وهي اول مخاوف واجهتني من بداية حالتي للأسف ☹️😢
التحصين ك التالي :آيه الكرسي + المعوذتين +وسورة الإخلاص ٣ مرات يعني الاخلاص الفلق الناس من ٣ مرات تقرأيها واعوذ بكلمات الله التامات من شر ما خلق ٣ وبسم الله الذي لايضر مع اسمه شيء في الأرض ولا في السماء وهو السميع العليم ٣ و آخر سورة البقرة :آمن الرسول... وتنفث على يدك وتمسحي وجهك ويديك وصدرك.

وهنا أنت بأمان الله سبحانه وحفظه تقرأيها بعد صلاة المغرب والفجر وهنا قولي في قرارة نفسك لاوسواس عين ولا حسد بي باي 😁 كذا يبدأ يضعف الوسواس الدبا هههههه ويطفش منك وقدامك العافية يارب 🌹

انا عندي نقص حديد وأعطوني حبوب ومطنشتها🙈
وطريقة التحصين بإذن الله التزم فيها
قول امين الله يسعدك دنيا وآخرة ويحققلك كل اللي تتمناه ياااارب والله ردودك كاملة ووافية 🌷

😂 لا لا ارجعي دوامي عليها مهمه ترا اعراض الحديد متعبة نوعاً ما.

التزم فيها وكوني على ثقة مايصيبك إلا المكتوب وتفائلي بالخير مهما حصل.

آمين آمين آمين يارب وياك وجميع القراء هنا 🌹

بإذن الله مو صايبني الا كل خير
ولازم نتوكل على الله وندعي ونستغفر ونحسن الظن فيه ،،👍🏻

صباح الخير
يارب اكتبلي الفرح والسعادة وجميع من احب ياكريم
انا اليوم قررت مااركز في شي ولا اعمل اي فعل قهري وأي فكرة تجيني ماحعطيها مجال حقولها ستوب وحفكر بكل شي حلو وايجابي بإذن الله الواحد الأحد راح اقدر